"Туган телем- иркә гөлем!(сценарий праздника)

Казан шәһәре Идел буе районының ”Катнаш төрдәге 160 нчы номерлы балалар бакчасы“ муниципаль автономияле мәктәпкәчә белем учреждениясе

“Туган тел” көненә

багышланган кичә

Төзеде:

Татар теле тәрбиячесе

Гатауллина Ләйсән

Таһир кызы.

Максат:

-туган телебезгә карата әти-әниләрдә,балаларда кызыксыну һәм мәхәббәт тәрбияләү;

-татар халык әкиятләрен белү күнекмәләрен тикшерү;

-бәйләнешле сөйләм телен үстерү.

Җиһазлау:аудиоязмалар,ноутбук,мольберт,төрле рәсем слайдлары,түбәтәй,проектор.

Туган тел көненә багышланган кичә.

Балалар музыка астында залга керәләр

Бакчабызда бүген бәйрәм

Бәйрәмнең дә ниндие.

Барыбызда көтеп алган,

Безнең туган тел көне!

Исәнмесез,кадерле әти-әниләр.Хәерле кич!Бүген бездә бәйрәм.Туган тел көне.Без туган телебезне зурлап татар телендә җырлар җырларбыз,татар халык уеннары уйнарбыз.

1бала Дөньяда иң-иң матур ил,

Ул минем туган илем.

Дөньяда иң-иң матур тел,

Ул минем туган телем.

2бала. Туган телемдә сөйләшеп

Яшим мин туган илдә.

“Туган ил”дигән сүзне дә

Әйтәм мин туган телдә.

Ә хәзер,”Әссәләмәгәләйкүм” җырын җырлап алырбыз.

(балалар урыннарына утыралар.)

Зурлар төркеме балалары һәм әти-әниләр катнашындагы ярышыбызны башлыйбыз.Әти-әниләрне 2 төркемгә бүлдек.Алар арасыннан тапкырларын,зирәкләрен сайлап алдык.Беренче командабыз Кояш,2 командабыз Йолдыз.

Ә хәзер командалар бер-берсен сәламләп китсеннәр әле.

1ком.Йолдыз командасына бездән сәлам.

Безнең девиз:Эзләргә,табарга,бирешмәскә!

2 ком.Кояш командасына бездән сәлам.

Безнең девиз:Без акыллы,без зирәк,безгә белем бик кирәк!

Шулай итеп,1турны башлап җибәрәбез.Беренче турда экранда Казанның истәлекле урыннары

буенча рәсемнәр күрсәтелә. Дөрес итеп,уйлап җавап бирергә кирәк.(Кремль,Сөембикә манарасы, Милли музей ,М.Җәлил исемендәге опера һәм балет театры,Сәйдәшев исемендәге концерт залы, Г.Тукай музее,Кол Шәриф мәчете,Камал театры,М.Җәлил һәйкәле,Казан дәүләт университеты.)

Ә хәзер музыкаль тукталыш.Балалар белән “Түбәтәй” уенын уйнап алырбыз.(Марат шигырь,Гульназ Нурисл.жырлый,Севда бии,Табышмак,Радмир әтәч булып кычкыра.)Рәхмәт,балалар.

2 турга кучәбез.

Командаларга “Туган җирем Татарстан “буенча сораулар бирелер.Уйлап җавап бирәбез.(Слайд юк)

1.Татарларның милли бәйрәме (Сабантуй)

2.Шүрәле әкиятенең авторы кем?(Г.Тукай)

3.Татар халкының милли ашларын беләсезме?(чәк-чәк,өчпочмак,бәлеш,пәрәмәч,бавырсак)

4.Татар халкының милли киемнәрен санап чыгыгыз.(читек,камзул,калфак,түбәтәй,алъяпкыч)

5.Татарстанның беренче президенты кем?(М.Шәймиев)

6.Татарча балалар өчен нинди тапшырулар беләсез?(Күчтәнәч,Тамчы –шоу)

7.Татарча балалар өчен нинди газета-журналлар беләсез?(Сабантуй,Салават купере,Ялкын)

8.Республикабызның төп табигый байлыгы(нефть)

9.Татарстанда ничә зур елга бар?(4 зур елга бар)

(В Татарстане сколько самых крупных рек?)

10.Нинди елгалар?(Идел,Кама,Нократ,Агыйдел)

(Волга,Кама,Вятка,Белая)

Бераз ял итеп алабыз.Балалар башкаруында парлы бию карап үтәрбез.

3 турга күчәбез.Экранда бирелгән мәкальләрне дәвам итәргә.

1.Җиде кат үлчә (бер кат кис)

2.Егет кешегә җитмеш төрле( һөнәр дә аз.)

3.Аш белән атканга (таш белән атма.)

4.Аерылганны аю ашар(бүленгәнне бүре ашар)

5.Алма агачыннан (ерак төшми)

6.Теле барның(иле бар)

Музыкаль тукталыш.”Күрсәт әле үскәнем”җырын тыңлап үтәрбез.

4 тур.Түбәтәй,алъяпкыч ,читек үрнәкләрен бизәү.(балалар,әти-әниләр)

5 турга да якынлаштык.Экранда күрсәтелгән татар әкиятләренең исемнәрен белергә кирәк.Беренче слайдта нинди әкият рәсеме сурәтләнгән.

(Су анасы,Шурәле,Өч кыз,Кәҗә белән сарык,Куян кызы,Сертотмас үрдәк,Чукмар белән Тукмар,Койрыклар.)

Балалар белән “Чума үрдәк ,чума каз “уенын уйнау

6 турда Татар халкының бизәнү әйберләрен атау. Экранга карап ашыкмыйча җавап бирергә кирәк.(чулпылар,алкалар,беләзекләр,калфаклар,

түбәтәйләр)

7 турда Сүзләрнең антонимнарын табарга.(матур,чиста,ак,сәламәт,якты,салкын)

Кичәбезне Г.Тукайның “Туган тел”җыры белән тәмамлыйбыз. Барыгызга да зур рәхмәт. Киләсе очрашуларга кадәр .