Спорттық ойын-сауық. Тақырыбы: "Балалардың денсаулығы- ұлт саулығы"

Тақырыбы: «Балалардың денсаулығы- ұлт саулығы»

(спорттық ойын-сауық)

Мақсаты: Бір ортақ мақсатты жұмыла бірігуге, ұйымшылдыққа баулып, қимыл-әрекетке жаттықтыру. Салауатты өмір салтын насихаттауға және спортпен шұғылданып тұруға шақыру. Сымбаттылыққа, шымыр болуға, ептілікке тәрбиелеу. Күш қуат пен секіргіштікті дамыту.
Әдіс-тәсілдері: көрсету, түсіндіру, сұрақ-жауап, монтессори, дәстүрден тыс тәсілі.
Көрнекіліктер: интерактивті тақта, кішкене доптар, шелектер, күректер, әуе шарлары, кубиктер, таяқшалар, шығыршықтар, орамалдар, жіптер, гүлдер, көбелектер, қыстырғыштар, кедергілер,кеглилер.

Жүру барысы: Сәлеметсіздер ме құрметті ата-аналар, апайлар, бүлдіршіндер! Бүгінгі өткелі тұрған «Баланың денсаулығы-ұлт саулығы» атты спорттық ойын-сауығымызға қош келдіңіздер!

-Ендеше спорттық ойын-сауығымызды бастамас бұрын әділ-қазы алқасын таныстырып өтейін:

1. Балабақша меңгерушісі: Д.С. Байскакова

2. Балабақша медбикесі: З.Г.Ташенова

3. Балабақша психологы: Г.Ж. Ергасенова

- Ендігі кезекте ортаға сайысқа қатысушы «Күштілер» және «Шымырлар» топтарын шақырайық.

(Балалар залға бірінің артынан-бірі тізбектеліп қолдарына жалау ұстап кіреді)

- Енді мен спорттық ойын-сауықтың кезеңдерімен тансытырып өтейін:

1. «Көңілді әуе шарлар» ойыны.
2. «Кім ұқыпты» ойыны.
3. «Түйілген орамал» ойыны.
4. «Күлімде, Күн» ойыны.
5. «Шынығайық шымыр болайық» ойыны.

1-ші кезең. «Көңілді әуе шарлар» ойыны.

Ойын шарты: әуе шарларын қолымызға ұстап, кеглилердің арасымен өтіп, межені айналып, қайтарда жүгіп келу.

2-кезең. Келесі ойынымыз «Кім ұқыпты».

Шартымен таныстырып өтейін: шығыршықтан секіріп, жерде жатқан көбелектерді жоғарыда тұрған гүлге оралған жіпке, аяқтың ұшы көтеріп, қолдарымызды созып қыстырғышты ашып ілу.

3-ші кезең. «Түйілген орамал» ойыны.

Ойын шарты: шығыршықтан ортасынан өтіп, отырғыштың үстінен түйілген орамалды алып келу.

4-ші кезең. «Ойнайық та, ойлайықта ойнайық,күшімізді көрсетейік, сынайық» –деп «Күлімде Күн» ойынын ойнайық.

Шарты: Кубиктердің арасымен өтіп, шеңберге, шашылып жатқан таяқшалардан күн бейнесін құрастыру.

5-кезең. «Шынығайық шымыр болайық» ойыны.

Ойын шарты: мына қолымыздағы күрекке салынған допты жерге түсірмей шапшаң шелектің ішіне түсіреміз.

Әділ-қазы алқасына сөз беру. Марапаттау.

-Осымен «Балалардың денсаулығы- ұлт саулығы» атты спорттық ойын-сауығымыз тәмәмдалды. Басымыз аман, бауырымыз бүтін болсын!