Развлечения"Қош келдің, әз- Наурыз"

Қазақтың  ұлттық киімін кигенбалалар мерекелік ойын-сауыққа келген қонақтармен сәлемдеседі.

 Жүргізуші:Құрметті апайлар,бүгінгі мерекеге шақырылған қонақтар наурыз мерекесі баршаңызға құтты болсын!

Наурыз тойы жырымыз,

Көңіл гүлдей жайнасын.

Құлпырып тұр күн мен ай

Құтты болсын,Наурыз той!

Жаңа Ит жылдарыңыз құтты болып, жаңа жыл баршаңызға бақыт, ырыс,береке әкелсін!

Жүргізуші:Балалар бізге бүгін қонаққа біреу келе жатқан сияқты.Қәне,бәріміз мұқият қарайықшы!(әуенмен топқа түйе жетектеген әже кіреді).

 Әже:Шашу шашып балдарым, балғындарым!Құрметті қонақтар Ұлыстың ұлы күні,Наурыз тойы құтты болсын!(қонақтармен амандасады)

Жүргізуші:Балалар Наурыз тойында ең бастысы бізде Наурыз көжеміз дайындалады.Осы Наурыз көжеміздің калай дайындалатынын әже қазір біздерге түсіндіріп айтып береді.

 Әже:Қарақтарым,Наурыз көжеге жеті түрлі тағам қосылады.Жеті саны киелі сан.Наурыз көжеге тоқшылықтың белгісі.Оның құрамына бидай, қыстан қалған сүр ет, айран,сүт,тұз, құрт, тары қосылады.

( Мінекей балалар көжемізден дәм татып көрейік!)

Әже Наурыз көжемізге балдарыңызға бата беріп жіберіңіз.(Әже бата береді)

Жүргізуші:Әже енді балдарыңыз Наурыз тойына әзірлеген әндерін айтып береді.Тамашалаңыздар!

Ән:«Алақай,Наурыз!»

Әже:Қарақтарым, әнді тамаша орындадыңдар, сендерге көп-көп рахмет!

Мені тағы басқа топтарда балалар күтіп қалған шығар,соларға барайын,-деп қоштасып шығып кетеді.

Жүргізуші:Құрметті қонақтар, ендігі кезекте балаларымыздың Наурыз тойына әзірлеген тақпақтарын айтып береді.

Карина:Құтты болсын Наурыз,

                   Арманымыз,әніміз.

Әли:Наурызды қарсы алып,

              Қуанамыз бәріміз.

 Әли:Наурыз,Наурыз жыл басы,.

          Жасыл көктем құрдасы.

 Нұрила:Наурыз тойы салтымыз,

               Көгерсін деп халқымыз.  

 Абай:Наурыз-бабаның сөзі,

           Наурыз-ананың сөзі.

           Ғасырдан-ғасырға жеткен,

           Даламның сөзі.

Раяна:Ашылды да кебеже,

              Дәм әзірлеу басталды

              Әжем Наурыз көжеге,

              Жеті түрлі ас салды.

Нұрислам:Ата-бабам тойлаған,

                  Наурызым армысың!

                  Қызығына тоймаған

                 Дархан дала қарлы шың.

Адина:Қарды ерітіп жылғасы,

           Наурыз-келді жыл басы.

           Шуақ төкті жарық күн,

           Мейрамында халықтың.

Жүргізуші:Ал,енді балалар бізге ертегілер елінен қонақ келіптұр екен.Қонағымызды қарсы алайық!(Қолына домбырасын ұстаған Алдаркөсе әндетіп келеді.)

Мен Алдармын,Алдармын,

Тура жолды таңдармын.

Сақал түгіл мұртта жоқ,

Тура жолды таңдармын.

Алдаркөсе:О,Балалар,тойларың құтты болсын!Сендердің дауыстарыңды алыстан естіп қелдім.

Алдаркөсе:Олай болса мен сендермен ойын ойнап көрейін?

Ойын:«Хан талапай»

Жүргізуші:Алдар ата, енді біздің биші қыздарымыздың «Киіз басу» би өнерін тамашалаңыз бізбен бірге.

Би: «Киіз басу»

Алдаркөсе:Бәрекелді қыздарым,өте тамаша билейді екенсіңдер, рахмет!

Жүргізуші:Ал енді,ұлдарымыз да өнерлі екен!Құрметті қонақтар,Алдар ата енді ұлдарымыздың өнерін тамашалап көрейік!Егі кезекте ортада «Жігіттер»биін тамашалайық!

Би: «Шабандоз»

Алдаркөсе:Жарайсыңдар балаларым! Сендерге көп-көп рахмат.Сендер қазақ  халықының дәстүрүн,ата-салтын жақсы біледі екенс»ңдер,өнерлерің өрге жүзсін!

Жүргізуші:Осымен Наурыз тойымыз аяқталды.Келесі наурызға уайым қайғысыз, аман-сау жетейік.Сау болыңыздар!