ОУД «Отбасы ошағы – адами құндылықтар бесігі»

Конспект ҰОҚ ортаңғы топ

Білім беру салалары: «Коммуникация» , «Шығармашылық».

Бөлімдер: Сөйлеуді дамыту.

Тақырыбы: «Отбасы ошағы – адами құндылықтар бесігі»

Мақсаты: отбасындағы сыйластық, достық туралы түсініктерін кеңейту, балалардың тіл байлықтарын жетілдіру, достар арасындағы сыйластық, достыққа тәрбиелеу, туған жерлеріне деген сүйіспеншіліктерін арттыру.

Балалар, бүгін бізде ерекше күн!

Қонақтарымызбен сәлемдесейік!

Сәлеметсіздер ме, құрметті қонақтар!

Балалар, бір-бірімізге, қонақтарымызға жылы лебіздерімізді білдірейік!

Аспанымыз ашық болсын!

Нанымыз көп болсын!

Көк туымыз болсын!

Елімізге тыныштық тілеймін!

Жүректеріңіз бақытқа толсын!

Болашағымыз жарқын болсын!

Атқан таңымыз арайлы болсын!

Тәуелсіз Қазақстанымыз гүлдей берсін!

Отбасында бақытты болыңыздар!

Әрқашан балалардың шат күлкісі естіле берсін!

-Балалар, бүгін сендердің көңіл-күйлерің қалай?

Менің көңіл-күйім жақсы, себебі менің көп достарым бар.

Менің көңіл-күйім жақсы, себебі мені бүгін балабақшаға анам мен әкем әкелді.

Менің көңіл-күйім жақсы, себебі маған атам мен әжем қызықты, ақылды ойын сатып әперді.

Мен қуаныщтымын, себебі анам бүгін маған ұнайтын әдемі көйлегімді кигізді.

-Балалар, кіммен дос болуға болады?

Балалармен дос болуға болады.

Үлкендермен дос болуға болады.

Жануарлармен дос болуға болады.

Көршілермен дос болуға болады.

Басқа елдің балаларымен дос болуға болады.

-Балалар, отбасы дегеніміз не? Оны қалай түсінесіңдер?

Отбасы – бұл бір шанырақ астында тұратын туған адамдар.

Туған адамдар бір-біріне жанашыр болады.

Отбасы – адам баласының өсіп-өнер алтын ұясы.

-Отбасында кімдермен дос болуға болады?

Отбасында атамен, әжемен дос болуға болады.

Ата-анамен дос болуға болады.

Аға-інімен дос болуға болады.

Мен әпке-сіңліммен доспын.

Олай болатын болса, бүгін бізді Ақпар отбасы қонаққа шақырды.

-Балалар, қалай ойлайсыңдар, қонаққа барғанда үй иелеріне қуанышымызды қалай сыйлағанымыз дұрыс?

Қонаққа барғанда гүл немесе кәмпит апарған дұрыс.

Миша, сен кәмпитті, Лиза, сен гүлдерді ал, қонаққа барайық!

(Отбасы мүшелерімен сәлемдесу).

Сәлеметсіздер ме!

Сәлеметсіздер ме, балалар, төрлетіңдер! Қош келдіңіздер!

-Балалар, неліктен отбасы иелерінің көңіл-күйлері көтеріңкі?

Олар біздің келгенімізге қуанышты.

Олардың көңіл-күйлері жақсы.

Олардың жүздерінде әдемі күлкі бар.

Аружан, өз отбасыңның мүшелерімен бізді таныстыршы!

Менің әкем – Ақпар Саят Сәлімгерейұлы. Мен әкемді сыйлаймын.

Менің анам – Қалиева Айнұр Молдашқызы. Мен анамды жақсы көремін!

Қандай тамаша! Сіздер жұмыста немен айналысатындарыңыз жайлы айтап берсеңіздер.

Мен милиционер болып жұмыс істеймін. Отанымыздың тыныштығын күзетемін.

Менің мамандығым – ұстаз. Сендердей балаларға білім беремін.

-Сіздер Аружанды қандай сөздермен еркелетесіздер?

Атасы «ботақаным» деп еркелетеді.

Әжесі «жаным» деп еркелетеді.

Мен «күнім» деп еркелетемін.

Мен «құлыншағым» деп еркелетемін.

-Балалар, сендерді ата-әжелерің, ата-аналарың қалай еркелетеді?

Мені әжем «балапаным» деп еркелетеді.

Мені атам «құлыншағым» деп еркелетеді.

Мені әкем «жаным» деп еркелетеді.

Мені анам «айналайын» деп еркелетеді.

Мені ағам «ботақаным» деп еркелетеді.

Ал Элен болса бізге осы сөздерді «Кім ойлап тапқан» өлеңін оқып береді.

Сөздерді ең аяулы,

Жақсы көріп жаттадым.

Енді білдім оларды,

кімнің ойлап тапқанын.

«Күнім», «жаным» дегенді,

«Құлыншағым» дегенді,

«Ботақаным» дегенді,

«Айналайын» дегенді

Ойлап тапқан – аналар!

Біздің балаларымыз өнерлі .

Сіздерге арнап «Ақбұлақ» әнін орындап береді.

Ән «Ақбұлақ».

Күндіз-түні бір тынбай,

Дала кезген шапқылап.

Құмар едім өзіңе,

Бала кезден, Ақбұлақ!

Қайырмасы:

Әнге бөлеп маңайды,

Асып-тасып жатасың.

Әнге бөлеп маңайды,

Шашу шашып жатасың.

Айналайын, Ақбұлақ

Асыр салғам жағаңда.

Сенен артық өлкені

Бұл әлемнен табам ба?

Арудайын еркелеп,

Мың бұралған, Ақбұлақ!

Ай мен күнге ғашық болып,

Түнді ұрлаған, Ақбұлақ!

Қайырмасы:

Сенің келіп жағаңнан,

Анам талай су алған.

Сенің келіп жағаңнан,

Әкем атын суарған.

Айналайын, Ақбұлақ

Асыр салғам жағаңда.

Сенен артық өлкені

Бұл әлемнен табам ба?

Енді балаларымыздың актерлік шеберліктерін тамашалайық!

«Қарлығаш пен дәуіт» көрінісі.

Қарлығаш пен дәуіт.

Бір қарлығаш жардың қуысына ұя салып, өмір сүріпті.

Бір күні қарлығаштың ұясына жылан келеді. Қарлығаш аспан мен жерді шарлап, шыр-шыр етіп, көкектен көмек сұрайды.

Бүркіт қонаққа шақырып еді, соған барғалы жатырмын, уақытым жоқ, – дейді көкек.

Қарлығаш көмек сұрап қарғаға келеді.

Үйленгелі жатырмын, мазамды алма, - дейді қарға.

Қарлығаш аспан мен жерді шарлап, дәуітті кездестіреді.

Досым, неге жылайсың? – деп сұрайды дәуіт.

Қарлығаш сонда:

Жылан балапандарымды жемекші, не істерімді білмеймін!

Олай болса, жеткіз мені тезірек!

Қарлығаш қанатын тосады. Олар қарлығаштың ұясына жетеді. Тырнап, жыланның екі көзін ағызып жібереді.

Жылан сылқ етіп жерге құлап түседі де, мерт болады.

Дәуіттің ерлігіне қуанып, қарлығаш онымен айнымас дос болыпты.

Содан бері екеуі бір ұяда тұрып, бірге өмір сүріпті.

Рахмет, балалар!

Балалар, көрініс не жайлы болды!

Көрініс достық жайлы болды!

Бір-бірімізге жанашыр болуымыз керек.

Мынау әдемі шамды мен отбасының символы ретінде жаққым келіп тұр. Шамның жылуы сіздердің жүректеріңізге жылу сыйласын!

Жаңа жылда Аяз ата мен Ақшақар маған ғажайып қуыршақ сыйлады.

Жазда біз отбасымызбен Бурабай көлінің жағасында демалдық, шомылдық! Өте ғажап болды!

Өткен демалыста мен әпкеммен өлкетану мұражайына бардым. Маған өте ұнады!

Мен 5 жасқа толғанда, туған күнімде атам мен әжем маған әдемі велосипед сыйлады.

Кеше мен әкеммен, анаммен «Тәуелсіздік» стелласына бардым, гүл шоқтарын қойдым.

Әкем мен анам мені және достарымды туған күнімде «Нұрпаркке» апарды.

Демалыс сайын біз ауылға қонаққа барып, атам мен әжеме көмектесеміз!

Біз жазда Астанаға саяхатқа бардық.

Мен жақсы спортсмен боламын!

Мен әнші боламын!

Мен дәрігер боламын!

Отанымызда тыныштық болсын!

Бүлдіршіндеріміз бақытты болсын!

Құрметті қонақтар, балалар! Бүгін алған жылуларыңыз өмірлеріңізге шуақ сыйласын! Көп рахмет! Сау болыңыздар!