Балаларды қорғау күніне арналған музыкалық іс - шара "Өлкенің гүл жайнаған балғындары"
Тақырыбы: « Өлкенің гүл жайнаған балғындары»
Мақсаты: балалардың жеке қасиеттерін дамыту, тақпақ, өлең, әндерді нақышына келтіре айтуды үйрету. Бір - бірін сыйлауға, адамгершілік қасиеттерін жоғалтпай ұстауға жетелеу.
Жүргізуші: Армысыңдар балалар, бармысыңдар,
Жаз да келді, жайнаған гүлді шыңдар
Алдыменен алайық амандасып,
Армысыңдар бәрің де, армысыңдар!
Жүргізуші: Сәлеметсіздер ме, мерекеге жиналған қонақтар,
ата - аналар, балалар!
Баршамызды бала тілмен баурайтын,
Бала деген бір бақыт қой самғайтын
Ата - ананың арманы мен тілегін,
Бала емес пе бал бұлақтан жалғайтын- дей отыра бүгінгі 1-Маусым балаларды қорғау күні мерекесімен шын жүректен құттықтаймыз. Құттықтай отырып,барлықтарыңа зор денсаулық,бақытты балалық шақ,аспанымыз ашық, еліміз тыныш, бейбітшілік,болашақтарың жарқын болсын!
Сүйкімді періштелер сендерсің
Қандай бейне өздеріңе тең келсін!
Данышпан да, ғарышкер де, ғалым да,
Ең алдымен балалықты меңгерсін.- дей отыра мерекеміздің құттықтау сөз кезегін балабақшамыздың шаруашылық меңгерушісі Мысаева.К.М.және де балабақшамыздың әдіскері Аймағанбетова.С.К.береміз.
Жүргізуші: Ақылды балапан бүгінгі,
Көркейтер күніңді ертеңгі,
Үйренген өнерін көрсетсін
Бүлдіршін балалар белсенді.- дей отыра кезекті кішкентай балапандарымыздың көркем сөздеріне береміз.
(Балалар тақпақтарын оқиды)
Жүргізуші: Жарайсыңдар балалар! Балалар, енді біздің мерекемізге ертегі әлемінен көптеген ертегі кейіпкерлері келіпті. Сол себепті мерекемізді көңілді,жақсы өткізейік.
Жүргізуші: Иә, рас, бала болған бәрі де,
Салған олар балалықтың әнін де.
Бала кезін еске алып отырсақ,
Сол емес пе тіршіліктің мәні де! - дей келе кезекті №8 ересек топ бүлдіршіндерінің әсем әніне береміз.
Ән: «Туған жердей жер болмас!».
Жүргізуші:-Өте тамаша! Өркендерің өссін!
(Осы кезде музыка әуенімен Сайқымазақ келеді).
Сайқымазақ: - Бұл не мереке? Нені тойлап жатырсыңдар? Маған неге айтпадыңдар, а? Менсіз ешқандай мереке болмайды?
Жүргізуші: Тоқта, тоқта, сен кімсің, өзі біздің мерекені бұзатын? Бүгін үлкен мереке, біз оны тойлаймыз, ешкім кедергі бола алмайды! Бізбен бірге тойлаймыз десең, онда тәртіп сақта!.
Балалар, сайқымазақты қалдырамыз ба?
Балалар: Қалдырамыз.
Сайқымазақ: Алақай! Ендеше мен сендермен ойын ойнағым келіп тұр. Ойын ойнағыларың келе ме?
Ойын: «Шарларды отырып жару»
Ойын шарты. Балалар үрілген шарларды ң үстіне отырып жару керек.
Жүргізуші:Еркін күліп ойнаймыз,
Ертеңді де ойлаймыз.
Жолдастықты қадірлеп,
Мерекені тойлаймыз- отыра ортаға тағы балпандарымыздың көркем сөздеріне береміз.
(Балалар тақпақ оқиды).
Жүргізуші: Ұл-қыздарымыз көңілді,
Шақырамыз ортаға,
Мерекеге сән беріп,
Би билесін шаттана- дей отыра №6 ересек топ бүлдіршіндерін «Айгөлек» би тобын «Қуыршақтар» биімен қарсы алыңыздар.
Би: «Қуыршақтар».
Жүргізуші: Тәтті шағым,Сәтті шағым,
Арай таңым- балалық.
Гүлдей өріл,Ән боп төгіл,
Ғажап өмір – балалық.-дей отыра ортаға қонағымыз Буратино келді.
(Музыка әуенімен ортаға Буратино келеді).
Буратино: амандасып, би билейді.
Жүргізуші: Көк жиектен күлімдеп,
Маусымның таңы атты
Тұра қойшы күнім – деп,
Анаң сені оятты – дей отыра кезекті №12 ересек топ әнші қыздарымызға береміз.
Ән: «Осы менің туған өлкем»
Жүргізуші: Балалар мен сендерге жұмбақ жасырамын, жауабын тауып көріңдер.
Ай секілді өзі де,
Сыңғыр- сыңғыр сөзі де.
Ерке, тентек екен өзі де,
Досы оның аю,
Айтыңдаршы бұл кім екен?
Балалар: Маша!
(Музыка әуенімен ортаға Маша келеді)
Маша: Амандасып, ойын ойнатады.
Жүргізуші: Даналардың тілегі,
Балалардың тілегі
Ауырмасын ешқашан
Аналардың жүрегі.- дей отыра кезекті тағы да балалар көркем сөздеріне береміз. Жүргізуші: Үйренеміз өнер біз,
Шетімізден шеберміз.
Тақпақ айтып, ән шырқап,
Би де билеп береміз- дей отыра ортаға №7 ересек топ биші қыздарын «Көңілді күн» ісем биімен қарсы алыңыздар.
Жүргізуші: Ғажап өмір- балалық,
Бүгін міне кеш өткіздік.
Бірақ орны бөлекше,
Барлығымен қоштасатын,
Бүгінгі той ерекше,-дей отыра, бүгінгі 1- Маусым балалар мерекесіне орай «Өлкенің гүл жайнаған балғындары» атты мерекелік іс - шарамыз өз мәресіне жетті.Енді барлығымыз орындарымыздан тұрып «Әрқашан күн сөнбесін!» атты әнді айтып, шарларымызды аспанға ұшырамыз.
