"Мені? т???ыш Президентім" та?ырыбына т?рбие са?аты

Тышымова Марал Сатылгановна

Мектепалды даярлық тобының жетекшісі

Үлкен орта мектебі МДШО

Жамбыл ауданы

Алматы облысы

Тәрбие сағат тақырыбы: Менің тұңғыш Президентім

Тәрбие сағат мақсаты:

1. Қазақ халқының тұңғыш президенті Нұрсұлтан Әбішұлы Назарбаевтың өмір жолы, туып-өскен, оқып білім алған, қызмет еткен жерлері туралы мағлұмат беру;

2.Елбасының өмір жолынан үлгі ала отырып Отанын, халқын сүюге, ержүректілікке азаматтыққа, патриоттық сезімге тәрбие

3.Шәкірт жүрегінде елбасына деген сүйіспеншілік сезімін ояту, құрметтеу;

Көрнекілігі: слайдтар көрсету, үнтаспа, шарлар, суреттер, буклет

Біздің Президентіміз – Нұрсұлтан Әбішұлы Назарбаев Мемлекет басқару ісі – машақатты да, мәртебелі міндет. Басшы басқарған ел – ең бай мемлекет, халқы ең бақытты халық. Тәуелсіздігімізді алғаннан соң халықтың басын біріктіріп Н.Ә.Назарбаев тұңғыш елбасы болды. Елбасының бастауымен біздің Отаным әлемге танылды. Елім елдігін көрсетті, ерлігін тантты. Қазақ халқы егемендігін алып, Тәуелсіздікке қол жеткізгенде өз алдымызға ел бола алатындығымызға күмәнданған жандар да болған екен. Бірақ ар-намысты ту еткен Елбасымыз бен үкімет басындағы ел үшін еңбек еткен ағаларымыздың аянбай еңбек етуі осы нұрлы күндерге жеткізді .

Ендеше, балалар бүгінгі ашық сабағымызды әнұранмен ашайық.

Ән: Әнұран

Қ.Аманжолов:

Қазақстан дейтін менің бар елім .

Жатыр алып жарты дүние әлемін!

Бұл даланы анам жаспен суарған,

Бұл далада атам қолға ту алған,

Бұл далада жылап келіп, уанған

Бұл даланы көріп алғаш қуанған

Бұл далада өскен жанда жоқ арман!

Н.Ә.Назарбаев 6-шілде 1940 жылы Алматы облысы Қаскелең ауданындағы Шамалған ауылында туған.Балалық шағы кейде айта беретініміздей таршылық жағдайда өтті. Үлкендердің мал бағуына, бау-бақша өсіруіне көмек көрсету керек болды, шөпшек теріп, отын жарды.Өзі еске алғандай, өсірген аз-маз өнімдерін сатып, үй-ішіне қажетті заттар алу үшін есек жеккен арбамен жақын маңдағы теміржол стансасына бару дегенің керемет мереке саналған.Мектепті жақсы оқып, жақсы білім алды.Ата-анасын қатты құрмет тұтты. Ол ерте есейді, орта мектепті бітіре салысымен Кеңес Одағындағы аса ірі Қарағанды металлургия комбинатының көлемді құрылысына аттанды.Құрылыста біраз еңбек еткеннен кейін бір топ қазақстандықтармен Украинаның Днепродзержинск қаласына барып металлург –жұмысшы мамандығын меңгерді.Бұл шойын құюшы, домна пешінің көмекшісі жұмыстарын атқарды, ал кейінірек инженер дәрежесіне көтерілді.

Отбасылық жағдайына келетін болсақ, Нұрсұлтан Әбішұлы Назарбаевтың жұбайы – Сара Алпысқызы. Оның 3 қызы бар: Дариға, Динара, Әлия.
1991 жылы 1-желтоқсанда республика жұртшылығы тұңғыш рет Нұрсұлтан Әбішұлы Назарбаевты Республикамыздың Президенті етіп сайланды.

1992 жылы 4-маусымда жаңа мемлекеттік рәміздер Елтаңба, Ту, Әнұран бекітілді.
«Таңбасыз ел болмайды, Найзасыз ер болмайды», - дейді қазақ халқы. Кез келген халықтың өз таңбасы болады. Қазақстан Республикасының Мемлекеттік Елтаңбасы мемлекеттік құжаттарға қойылады.
Елтаңбаның авторлары – халқымыздың танымал ұлдары Жандарбек Мәлібеков пен Шота-Аман Уәлиханов.
Шаңырақ –Отан отбасынан басталады. Ортақ шаңырақ биік, босаға берік болсын деген мағынаны, ал уықтар –үлкен үйдің уықтарын шын ниеттерімен қосыла танытқан елшілес ел жұртқа да бай, қуатты тілеймін дегенді білдіреді.Ай мүйізді, алтын қанатты қос пырақ-арыстанның жүректілігін, қыранның қырағылығын, өгіздің қара күшін, еліктің шапшаңдығын, қырмызы қызыл түлкінің жауын жер соқтырар айлакерлігін білдіреді. Бес бұрышты жұлдыз «Бағымыз ашылып, жұлдызымыз жарқырай берсін» деген асыл арманды арқалап тұр.

Әнуар

Мағыналы ,сымбатты,

Бар осындай белгіміз-

Елтаңбаны қымбатты

Қастерлейік енді біз.

Айшабибі

Жоғарыда түсер көз

Жарқыраған жұлдызға.

«Қазақстан» деген сөз

Таныс барлық ұл-қызға.
Мемлекеттік Ту-1992 жылы 4-маусымда қабылданып, 6-маусымда күшіне енді.Тудың ортасында шұғылалы күн, оның астында қалықтап ұшқан қыран бейнеленген, ішкі бұрышты көгілдір матаның сол жағында қызыл өрнегі бар. Жалаудың ұзындығы -2 метр, ені-1метр.Жалаудың жобасын жасаған – суретші Шәкен Ниязбеков.
Қазақ елі желбіреп көк байрағың,
Гүлге оранды ауылың мен аймағың.
Нұрсұлтаның биіктерге бастады,
Ол көрсеткен нұрлы жолдан таймағын!
Ал, енди балалар сендер Отан,Елбасы туралы сендер қандай тақпақ ,өлең білесіңдер?

Айым

Отанды біз атамекен

Деп аялап атаймыз.

Өйткені оны мекен еткен

Бабамызбен атамыз.

Б.Бауыржан

Отанды әркім анасындай,

Қастерлейді, бағалап.

Өйткені Отан баласындай,

Бізді өсірер аялап.

Каусар

Отан деген-атамекен,

Отан деген-туған жер.

Отан-ана,

Отан-үлкен,

Қазақстан- туған ел!

Іңкәр

Отанды

Жас ,кәріміз де,

Туған жер деп сүйеміз.

Өйткені онда бәріміз де

Туып, өмір сүреміз.

Нұрсұлтан

Отан-туған үйіміз,

Отан-туған жеріміз.

Отан -ортақ үйіміз,

Көңілді ән мен күйіміз.

Ойын: Мозаика құрастыру

Шарты:Қиылған қиықтардан сурет құрастыру.

Ал, балалар қазір өздерін құрастырған суреттер еліміздің қай қаласында орналасқан?

Ендеше, балалар, қазір мен сендерге АСТАНА сөзіне байланысты сөзжұмбақ жасырамын, сендер оны шешесіңдер. Жақсы, келістік пе?
-Иә!
Сұрақтары:

1.Әкеннің әкесін кім деп атаймыз?

2.Уақытты немен өлшейміз?

3.Үй құстарының бірі?

4.Жемістің түрі?

5.Қ.Р. Президентінің аты?

6.Отбасымыздағы ең сүйікті адам?

Балалар сендер Астана туралы кандай тақпақ білесіңдер?

Бекзат

Халқым жетсін мұратқа,

Арыстарды ардақта,

Ей,бас қала-Астанам!

Ей, бас қала-Астанам!

Бақдәулет

Намысы бар найзадай,

Ордасы бол ойшылдың

Ей,бас қала-Астанам!

Ей, бас қала-Астанам!

Тұратұғын болашақтың үні кеп
Тартылар күй айтылатын жыры көп
Ерекше бір еркіндік, бауырлар
Басшымыздың бүгін туған күні деп.-«Осы тәуелсіз еліміздің намысын қорғайтын, бүгінімізді ертеңіне жалғайтын, қазақ елінің ертеңі, болашағы үшін жауап беретін ұрпақ екенімізді сезінеміз» және келешек ұрпаққа сенім арта отырып бүгінгі тәрбие сабағымызды осымен аяқтаймыз!