"Күз"

«Бөбек бөбекжайы» МКҚК

Сауықтыру-шынықтыру шаралары

« Жауқазын» тобы

Дайындаған: Қонарбаева. С

2016-2017 оқу жылы

Мақсаты: балаларды күз мезгіліндегі ерекшеліктермен таныстыру, мерекелік көңіл-күй сыйлау, күз мезгілінің адамға беретін пайдасы туралы түсінік беру, ән айтуға, би билеуге дағдыландыру.

Зал іші мерекеге сай безендірілген. Көңілді әуеннің дауысы шығады, залға бірін-бірі қуалап екі тышқан кіреді,

Тышқан: Досым, қарашы мына бидайлар дәмді болып піскен сияқты, қане дәмін көрейікші. Екі тышқан тықырлап дәндердә жей бастайды. Музыкамен залға мысық кіреді.

Мысық: Мяу, мяу!

Тышқандар: Ой мысық келе жатыр, қашайық!

Мысық тышқандарды қуалап залдан шығып кетеді.

Көңілді әуенмен қолдарына сары жапырақтар ұстап балалар кіреді.

Жүргізуші: Сәлеметсіздерме құрметті ата-аналар! Бүгінгі «Ботақан» тобының дайындаған «Күзгі бақта» атты ертеңглігіне қош келдіңіздер.

Береке, бақ дарыған

Жомарт көңіл, жарқын күз.

Сары алтынға малынған

Жетті міне алтын күз!

Құрметті балалар, бүгін біз ерекше меоекеге жиналдық. Күзде ағаштар жайнап тұрады, қызыл-сары жапырақтар жерге түседі.Бізге де жапырақтар қонаққа келді, қане жапырақтарымыз қайды?

Балалар жапырақтарын жоғары көтереді.

Ендеше балалар бүгінгі мерекеге жиналған қонақтарға тақпақтарымызды айтып берейік.

1. Ахмет Күздің қазан айында

Алма-алмұрт піседі.

Жапырақтар сарғайып,

Сылдыр-сылдыр түседі.

1. Зарина Күз айлары болғанда,

Жапырақтар жамырап,

Сайға ұшып кетеді.

1. Ақжайық Жайдары күз, жарқын күз,

Аяулы күз, алтын күз.

Бірін-бірі қуалап, екі тыщқан кіреді.

Жүргізуші: Тоқтаңдар тышқандар, сендерге не болды? Балалардың мерекесін бүлдіретін болдыңдар ғой!

Тышқан: Мереке, ол не?

Жүргізуші: Ия, тышқан, бүгін балалар күз мерекесін тойлап жатыр, Бұл мерекеде балалар ән айтады. Міне , қазір балалар күз мезгіліндегі жаңбыр туралы ән айтқалы тұр, тыңдап көріңдерші!

Ән: «Жау-жау жаңбыр»

Тышқан: Ой қандай керемет ән, сендер бәрін біледі екенсіңдер, Біз де мерекеге қатысайықшы не істейді, қап тесе ме? Астық жей ме?

Жүргізуші: Жоқ, тышқан мерекеде біздің балалар ән айтып, өз өнерлерін көосетеді.Біз де тіпті ормандағы саңырауқұлақтар да би билейді.

Саңырауқұлақтар биі

Мысық кіреді: Мяу-мяу, манағы тьышқандар тағы келіпті ғой!

Жүргізуші:Сәлеметсің бе мысық, біздің мерекемізге қош келдің, тышқандарға тиіспе, ашуыңды бас.. Кел бізбен бірге мерекені тамашала балалардың тақпақтарын тыңдап қара

1. Надежда Жетті желмен алтын күз,

Жеміс жинау салтымен

1. Ұлағат Алтын,сары, қызыл-көк

Алуан-алуан жапырақ.

Күзгі бақта күлімдеп

Көз тартады атырап.

Мысық: Ой балалар, сендер мерекені тойлай беріңдер, мен тышқандарды ұстап алайыншы!

Жүргізуші: Мысық тоқтай тұр, мұнымен лі қызық аяқталған жоқ, балалармен күз ханшайымын қарсы алайық!

Әсем әуенмен күз ханшайымы кіреді

Жүргізуші:Қош келдіңіз, Алтын күз!

Өзіңізбен бірге береке, байлық, молшылық ала келдіңіз, біз өте қуаныштымыз! Сізге арнап біздің жемістар тақпақтарын айтып береді.

1. Баубек Мен алмамын, алмамын,

Тамсандырар бар дәмім.

1. Еркеназ Мен шиемін, шиемін,

Піскенше тон киемін,

Бала келсе қасыма,

Басымды мен иемін.

1. Нұрислам Мен өрікпін, өрікпін.

Табиғатқа көрікпін.

1. Аяна Мен жүзіммін, жүзіммін.

Моншақ болып тізілдім.

Күз ханшайымы: Жарайсыңдар өнерлерің маған ұнады, мен сендермен өзімнің алтын жапырақтарыммен биімді ала келдім.

Жапырақтар биі

Мысық: Ой балалар, сендердің мерекелерің өте қызық екен, менің сендермен ойын ойнағым келіп тұр. Тышқандар келіңдер сендермен де дос боламын.

Ойын: «Астықты жинайиыз»

Тыщқан: Мысық қарашы, мына балалар қандай әдемі!

Жүргізуші: Ия, тышқан бұл балалар да әдемі киініп өз өнерлерін сендерге көрсетуге келіп тұр.

Орыс биі

Мысық: Ой балалар, мен қатты тоңып кеттім, күз келді ау деймін. Мен өз жылы үйіме кетейін, тышқандар жүріңдер, сендерді де өз үйлеріне жеткізіп салайын.

Жүргізуші: Дұрыс, мысық сен ақылды болдың барлық аңдар бір-бірімен дос болу керек. Балалар, мысықпен және тышқандармен қоштасайық.

Мысық пен тышқан шығып кетеді.

Жүргізуші: Ал, біз балалар мерекемізді жалғастырайық. Кузге арналған тақпақтарды кім біледі?

1. Ақарыс Берекесін сыйлауға,

Өлкемізге күз келді.

Жемістерін жинауға

Шақырады біздерді.

1. Мөлдір Көктемде егін егетін,

Күзде жиын беретін.

Біздің дала, бай дала

Алтын астық айнала.

1. Зарина Күз айлары болғанда,

Жапырақтар жамырап,

Сайға ұшып кетеді.

Ән: «Топ-топ балақан»

Күз ханшайымы; Балалар, өнерлерің үстем болсын. Әрдайым осцндай тату-тәтті, дос болып мерекелерді тойлай беріңдер. Мен де сендарге өз жемістерімді сыйлыққа алып келдім.

Күз ханшайымы сыйлықтарын таратады.

Жүргізуші: Күз арқылы білеміз,

Жомарттықтың салтын біз.

Біз өзіңді сүйеміз,

Рахмет саған алтын күз.

Құрметті ата-аналар, бүлдіршіндер бүгінгі күз мерекесіне арналған «Күзгі бақта» атты ертеңгілігімізді аяқтаймыз

«Бөбек бөбекжайы» МКҚК

«Қарға мен кірпі» ертегісі

«Ботақан» тобы

Дайындаған: Қонарбаева. С

2015-2016 оқу жылы

Мақсаты: балалардың ертегіге қызығушылығын арттыру, ертегі кейіпкерлерімен таныстыру, рольдерге бөлініп ертегіні сахналауды үйрету, мейірімділікке тәрбиелеу, шығармашылық қабілеттерін дамыту.

Рольдерде:

Хан – Базарбай Әділ

Кірпі - Төлегенова Ақбота

Кірпінің баласы – Оразбаева Жансая

Қарға – Амин Көркем

Карғаның баласы – Жақсылық Мөлдір

«Қарға мен кірпі» ертегісі

Ерте, ерте заманда бір хан өмір сүріпті. Хан бір күні қарға мен кірпіні шақырып алып, былай деп бұйрық беріпті:

-Сен қарға, бір күнде жер дүниені аралап, әдемі дауысты құсты тап. Ол құсты менің бас жағыма әкеліп отырғыз, таң атқанда ол құс мені әдемі дауысымен оятсын. Ал сен кірпі, барып жердің жүзін тінтіп, бір жұмсақ нәрсе тап. Ол нәрсені менің жастығымның үстіне, бетіме жақын қой. Әдемі құстың сайраған даусынан оянған кезде, бетім сол жұмсақ нәрсеге тисін!

Қарға дамыл таппай, көп жерді аралап, көп құстардың сайрағанын естиді, бірақ оған бірде-бір құстың сайрағаны ұнамайды. Барлық жерді аралап, бірақ әдемі дауысты құсты таба алмай, шаршап үйіне келеді. Анасын көрген қарғаның балапандары қарқылдай бастайды. Балапандарының қарқылдаған дауысы сондай әдемі, сондай нәзік естіледі. Қуанып кеткен қарға: -«Міне таптым, ең әдемі дауыс менің балапандарымның дауысы екен ғой» - деп ханның бас жағына әкеліп балапандарын отырғызады.

Кірпі де дамыл таппай, жердің жүзін кезіп, жұмсақ нәрсе іздейді, бірақ еш жерден таба алмайды. Кірпі де жалығып, шаршап-шалдығып өз үңгіріне қайтып келеді.Анасын көрген кішкентай кірпілер алдынан жүгіріп шығып, құшақтайды. Кірпіге балаларының денесі сондай жұмсақ болып сезіледі. Сонда кірпі де жер бетінде менің балаларымнан жұмсақ еш нәрсе болмас деп ойлайды да, балаларын ханның жастығына отырғызып қояды.Таң атады. Қарғаның балапандары қарқылдай бастайды, хан оянып, оларға қарай бергенде, оның бетіне кірпінің баласының тікендері қадала кетеді. Қараса қарға мен кірпінің балалары екен.

Хан ашуланып қарға мен кірпіні шақыртады.

-Бұл не сендердің әкелгендерін?

Сонда қатты қорыққан қарға мен кірпі өздерінің істеген істерін бастан –аяқ баяндап береді.

Ойланып қалған хан : Сендердікі дұрыс екен, әркімге өзінің баласынан артық ешнәрсе жоқ екен. Әркімнің өз баласы өзіне балдан тәтті, оттан ыстық, мамықтан да жұмсақ екен ғой- деп қарға мен кірпіні жазадан босатып жібере

«Бөбек бөбекжайы» МКҚК

Білім беру саласы: Таным

Ұйымдастырылған оқу іс-әрекеті: ҚМҰҚ, Құрастыру, Қоршаған ортамен таныстыру.

Тақырыбы: Жаз мезгілінде...

Дайындаған: Қонарбаева. С

2015-2016 оқу жылы