?келер бізде ?она?та (круглый стол)

Тақырыбы: «Әкелер бізде қонақта».

Мақсаты: Балабақшамен ата – ананың арасындағы қарым – қатынасты, ата – анаға деген құрмет сезімін нығайту,ата – ананың бала тәрбиесіне , оның тәртібіне ықпал етуіне көмектесу, ата – ана белсенділігін арттыру.

Түрі: дөңгелек үстел

Қатысушылар: әкелер

Көрнекіліктер: ақ шар, акварель бояу, қалам.

Кіріспе:

Жүргізуші: Құрметті әкелер сіздерге арналған «Әкелер бізде қонақта» атты кездесуімізді бастаймыз.Әр шаңырақта әкенің орны ерекше , әке отбасының асыраусшысы , отбасы мүшелерінің тірегі, қамқоршысы. Әкенің мінез құлқы , өзгелермен қарым – қатынасы, өнерімен білімі баланың көз алдындағы үлгі өнеге алатын оған қарап өсетін нысанасы . Отбасының пейіл береке ,ынтымағы үшін отағасының әділ болуы орасан маңызға ие. Оның тәрбиелік мәні де зор. Ер бала әкесімен сырлас , жолдас, дос. Ол әрқашан бір әрекет жасау үшін әуелі әкесімен сырласады . Ер баланың осіп жетілуі , өз алдына жеке тұлға болып қалыптасуына , қоғамдағы өз орынын дұрыс табуына әкенің атқарар еңбегі ерекше. Отбасының ұйытытқысы , берекесі , мейір – шапағат көзі – әке .

Құрметті әкелерімізге зор денсаулық , жанұяларыңа мол бақыт , еңбектеріңе жеңіс тілеймін.

Жүргізуші: Бүгінгі кездесуіміздің жоспарымен таныстырып өтейін .

1). Тренинг – сабақ

2).Бүлдіршіндердің тақпағы мен әні .

3).Үй тапсырмасы шығарма

4).Сұрақтар

5).Балабақша өмірі туралы слайдтан көрсету .

6).Ата – ананың өз өнері .

Жүргізуші: I Танысу тренингін бастаймыз .

« Ол үй » - деп аталады.

Қажетті құралдары А4 парағы , бояуы.

Ата – аналар мен сіздерге ақ парақпен бояуды беремін .Ақ параққа үйдің суретін салу керек, салған үйіңіздің бірнеше терезесі болуы шарт, үйді салып болғаннан кейін , сол терезелерге отбасы мүшелерінің аттарын жазыңдар. Өз отбасыларыңмен таныстыруды сұраймыз .

Психолог: Сіздердің өз отбасыларыңызбен толық таныстық.

II ойын: Ол « ата – ана мейірімі » - деп аталады.

Енді ақ параққа гүлдің суретін акварель бояуымен саламыз. Осы гүлдерге балаңызға деген сүйіспеншіліктеріңді жазып, өз пікірлеріңізді білдіру керек.

III жағдайат: Ата – аналар үш топқа бөлінеді .

1 сұрақ . Балаларыңыздың өнері қандай да бір іске қызығушылығы , бейімділігі байқалса , не істер едіңіз?

2 сұрақ . Баламен сөйлесе білуде улкен өнер. 4 – 6 жастағы бала күніне көптеген сұрақ қояды. Сіздің балаңыз осындай сауалдарды көп қойса жауап беруге тырысасызба, жоқ әлде елеусіз қалдырасызба?

3 сұрақ . Кейбір ата – аналардың баласының әрбір істеген іс – әрекетіне көңілі толмай « сен сала алмайсың , сен істей алмайсың » - деп айтып жататынын байқаймыз . Бала іс – әрекетіне теріс баға беруге қалай қарайсыз?

IV тілек: отбасы туралы тілек айту.

Жүргізуші: Енді кезекті бүлдіршіндердің тақпағымен әніне берейік .

Айгөлек тобының булдіршіні:

Рахман: Әкем менің асқар тауым тірегім,

Бәрінен де сен қымбатсың білемін .

Қанат қағып кетсем алыс қияға,

Сен деп соғар жұдырықтай жүрегім.

Ақбота: Сәулелі сөз сөне ме,

Орыны бөлек батаның.

Бізге тәлім өнеге,

Ақ тілеуі әкенің.

Ақмоншақ: Асқар тауым аман жүр, аяулы әкем

Жақсы өнеге бердіңіз мақтан етем.

Кіп – кішкентай жүрегім сендіреді,

Мен өзіңді әкетай бақытты етем.

Жүргізуші: Жауқазын тобының бүлдіршіні.

Мәди: Сізсіз әке – ең ақылды ең шыншыл

Сізсіз әке – ең жақыным ең сыршыл,

Шуақ шашқан қашанда асыл жүрегің .

Жанымдасың қамқорымсың білемін ,

Қабыл алғын бала жүрек тілегін.

Айқынбек: Шаршаса да сыр бермеген әкешім,

Сен мен үшін еңбек сүйгіш әкесін.

Өзіңде үлгі, ісіңде үлгі ұлыңа,

Кім суймейді болса өзіңдей әкесін.

Жүргізуші: Бүлдіршіндердің орындауында « Әке – ана » атты әнін қабыл алыңыздар.

Жүргізуші: Ата – аналарға Отбасы туралы шығарма жазып келу тапсырылған еді .Сол шығармаларды оқып шығайық.

Ата – аналар өз шығармаларын оқиды.

Жүргізуші: Менің дайындаған бірнеше сұрақтарым бар соған жауап берейік.

1 сұрақ . Мақал – мәтелді жалғастыр.

( Ата – баланың қорғаны )

( Атаға баланың алалығы жоқ )

( Бала – балым,баланың баласы жаным )

2 сұрақ . Мақалды жалғастыр.

( Ағайында өкпе бар, кек жоқ )

( Ағайын тума кімде жоқ, сыйласпаса одан жат жуық )

3 сұрақ. Қанатты сөздерді жалғастыр.

( Білім берудің қай түрі болмасын – тәрбие )

( Тәрбиесіз алған білім, әлемге апат әкеледі )

4 сұрақ. Жеті қазынаны ата.

( Ер жігіт , сұлу айел, ақыл білім, жүйрік ат, қыран бүркіт, берен мылтық, жүйрік тазы)

5 сұрақ. Жеті атаны ата.

( Бала,әке,ата,арғы ата, баба , түп ата,тек ата)

6 сұрақ. Шілдехана қай кезде жасалады?

( Шілдехана – нәресте дүниеге келгенде жасалады)

7 сұрақ. Балаға кекілді неше жасқа дейін қояды ?

( 3 жасқа дейін қояды)

8 сұрақ. Балабақша қандай болғаны ұнайды ?

9 сұрақ. Баланы қалай тәрбиелеу керек деп ойлайсыз?

10 сұрақ. Қандай ертегі білесіз?

11 сұрақ. Ер жігіт ұалай болуы керек?

12 сұрақ. Балаңыздың тәрбиешісінің толыұ аты – жөнін атаңыз?

Ойын:

Жүргізуші: Экранға назар аударайық . Балабақша өмірі туралы көріністерді көрейік.

Жүргізуші: Балабақша қызметкері Нұрсұлтанның өнерін тамашалайық . Әкелер сіздерге арналады. « Әке мен бала » әнін қабыл алыңыздар.

Жүргізуші: Осымен бүгінгі балабақшаға келген қонақтармен қоштасатын сәт келді.

Сіздерге: Балаларыңыз аман, отбасыларыңыз бүтін болсын дей отырып,Қош сау болыңыздар!

« Бөбек бөбекжайы» МКҚК

Ата-анамен жұмыс.

Дайындаған:А.Жолдасова.

2015-2016 оқу жылы.