Мектепалды даярлық тобы.
Қарттарым –асыл қазынам!
Жүргізуші: Құрметті балабақшамызда талай жыл еңбек етіп зейнетке шыққан ардагер апалар! Сіздерді 1-қазан Қарттар күні мерекесімен құттықтаймыз!
Сіздердің шаңырақтарыңызға шаттық, береке, бірілік, көңілдеріңізге қуаныш тілейміз!
Жүргізуші:
Қарттар жүрсін ортада
Өткенді көрген шежіре
Аман-сау болсын әрқашан
Сыйлаған бақыт біздерге, - деп тәрбиеленушілердің орындауында
«Мен әжемді өте қатты жақсы көремін» әнін қабыл алыңыздар.
Кезекті тақпақтарға берейік:
Айназ:
Әжем,әжем, әлі де
Ұқсамайды кәріге.
Шәй қайнатып береді,
Біздің үйдің бәріне.
Фатима;
Әжем менің,ақ әжем,
Ақыл беріп үйреткен.
Аппақ әжем,пәк әжем,
Мейіріммен тербеткен.
Мирас:
Менің әжем мейірбан,
Мені жақсы көреді.
Қажетіне жарасам,
Жас балаша күледі.
Альфия:
Шай қайнатып келейін,
Шекер салып,жан әжем.
Өзім құйып берейін,
Балдай тәтті бал әжем.
Әмина:
Менің әжем,ақ әжем,
Ұл мен қыздың бағы әжем.
Ертегі айтып бер десем,
Айтып берер тағы әжем.
Жүргізуші:
Бар тілегін арнаған балаларға,
Тәрбиеші ұстаздай пана бар ма?
Әр ісіне баланың баға беріп
Қиялдарын самғатқан армандарға - деп «Біз тәртіпті баламыз» әнін
тобымыздың кішкентай қыздары тарту етеді.
Жүргізуші:
Қазағымның шежіресін шертіп
Күй ойнатқан күмбірлетіп санаңа
Ұлтымның ұлылығын ұққызған
Қасиетіңнен айналайын домбыра, - деп «Би күйімен» өнерпаздарды шақырамыз.
Жайнаған қызғалдақтай қыр гүлімін
Кіші жүздің ішінде жиенеймін
Айта беріп созбалап не етпекпін
Еркелеткен анамның бір қызымын - деп жігіттерімізді «Бала тілегі» әнімен
шақырамыз.
Кезекті тақпақтарға берейік:
Раяна:
Аман болсын басыңыз,
Ағармасын шашыңыз.
Шөбере сүйіп әлі де,
Жүзге жетсін жасыңыз.
Аида:
Әжемді жақсы көремін,
Өлең айтып беремін.
Үлкен болып өскенде,
Бәрін алып беремін.
Жүргізуші:
Қорытындылау
«Бабаларым, рахмет сендерге!
Балаларым болмасын деп бос кеуде,
Қобызыңмен қосып ән мен тіл бердің,
Өмірге мен мылқау болып енгенде
Бабаларым, рахмет сендерге!»,- деп Мұқағали Мақатаев атамыз айтқандай міне, балалар, біз өзіміздің ата-әжелеріміз алдында қарыздармыз. Ол қарызымызды тек жақсы тәрбие арқылы, адамгершілігі мол, мейірімді болу арқылы ғана, оларды көрген жерде құрметтеп сыйлау арқылы ғана қайтара аламыз.
Қарттарымызды ардақтап өтейік! Оларды сыйлаңдар, қадірлеңдер!
