Тәрбиеші :Сәлеметсіздерме , құрметті ата-аналар , ұстаздар!Бүгінгі «Күзгі бақ»
атты мерекемізге қош келдіңіздер!
Жапқандай жапырағы іздерді,
Қуантып байлығымен ізгі елді.
Бір тойдырып қайту үшін елімді,
Сабырлы сары алтын күн келді.
Ортамызға МДС «Ә» тобының балаларын қарсы алыңыздар!
Балалар қазір жылдың қай мезгілі екен?
Ия ,дұрыс айтасыңдар, күздің де аяқталуына азғана уақыт та қалды, бірақ біз еш қиналмаймыз себебі ,әр жыл мезгілінің бізге дайындаған қызығы мол емеспе!
Ендеше біз «күзгі бақ» атты шағын балымызды бастасақта болады.
Сахнаға «Күз ханшайымдары» келеді. (қолында жеміске толы себет).
Сәлеметсіңдерме балалар, ата-аналар, ұстаздар!
Тәрбиеші:Қош келіпсіз Алтын күз! Ал, ендеше біздің бүлдіршіндеріміздің сізге деген жылы ықыласын қабыл алыңыз.Ал балалар енді біз күз патшайымы мен ханшайымына өз өнерімізді көрсетеміз.
Күз патшайымы:
Біз мына жақтан өтіп бара жатқан едік. Сендердің дауыстарыңды есітіп қалып, осында келдік.
Уа, халайық, дархан далам армысың,
Табиғатым жаны жайсаң тал мүсін
Ханшайымы күздің бүгін келіп тұр,
Алмақ болып бар халқымның алғысын.
Мен күз патшайымымын, мынау Күз Ханшайымы менің кішкентай сіңлім , танысып қойыңыздар!
Күз ханшайым:
Сәлеметсіздерме, балалар, ата-аналар, ұстаздар!
Сіздерді көріп қатты –қатты қуанып қалдым.
Күз патшайымы:
Сендерге алыс жерден келдік. Бізді күз патшасы жіберді. Бұған дейін көп ормандар мен жерлерге бардық, ол жақтан сендер сияқты балаларды кездестірдік. Олар өте ақылды балалар екен біздің тапсырмаларымызды орындаған соң сыйлыққа жеміс- жидектер бердім. Сендер менің тапсырамаларымды орындауға дайынсыңдар ма?
Балалар: Ия
Күз ханшайымы: Балалар сендер күз айларын білесіңдерме?
Айта қойыңдаршы
Балалар: қыркүйек, қазан, қараша
Күз ханшайымы Өте жақсы:
Бір жылда неше мезгіл бар?
Балалар: 4 мезгіл бар
Күз ханшайымы. Төрт мезгілді атап беріңдерші?
Балалар: күз, қыс, көктем, жаз.
Күз ханшайымы: дұрыс айтасыңдар балалар, мен сендерге риза болдым.
Балалар мен сендерге жұмбақ жасырғым келіп жатыр.Менің жұмбақтарымды шешесіндер ме?
1. Қалың киімді ұнатады,
Шешіндірсең, жылатады.
(Пияз)
2. Жасыл болып жыпырлап өнеді,
Сары болып үзіліп түседі.
(Жапырақтар)
3. Ұзын мұртты сарылар,
Қойнында дәні бар.
(Бидай)
Тәрбиеші: Балалар біз күз ханшайымы мен патшайымын төрге отырығызайық.
Қонақтарымыз ең алдымен сендердің өнерлеріңді тамашалағысы келеді.
Жаннұр
Қауын-қарбыз жемістермен
Толтырамыз қол себетті
Алтын күз деп аталады
Күз айы деп сол себептен
Қайрат
Аспанда қаптаған
Бұлт тыным таппаған
Жөңкіліп көшеді
Суық сел еседі
Айдана
Құстар қайтып ән салып
Бұлт шарлады аспанды
Қыс келеді жар салып
Күзгі суық басталды
Дамир
Көрінеді шалғайды
Бел-белестер сарғайған
Сары жапырақ төгілген
Тоғайды да көрдім мен
Нұрсая
Берекесін сыйлауға
Өлкемізге күз келді
Жемістерін жинауға
Шақырады біздерді
Мағжан
Ән алақай тамаша
Шашу шашты жапырақ
Бақтың іші алаша
Аунар ма еді жатып ап
Таңшолпан
Жайдарлы күз,жарқын күз
Аяулы күз,алтын күз
Дәнге толы ен далам
Дариядай шалқар күз
Хор «Алтын күз»
Тәрбиеші: Балалар күз туралы тақпақтарымызды айтып береміз.
Ендеше біздің қыздарымыздың көңіл көтерердей биін тамашалаймыз.
Топ биі: «Жылайды жапырақ»
Ернияс
Жетті желмен алтын күз
Жеміс жинау салтымыз
Жиып-теріп болған соң
Той жасайды халқымыз
Мол өнімді жинаймыз
Елге бәрін сыйлаймыз
Арсен
Жемісі мол теретін
Күз дос екен бізбенен
Бәрін тауып беретін
Жомарт екен күз деген
Зарина
Апорт деген алма бар
Алматы оның атасы
Ондай алма қайда бар
Жерді жарған атағы
Бекболат
Көк аспаның мөлдіреп
Алтын күзім елжіреп
Асыр салып жүре бер
Сары көйлегің желбіреп
Аяжан
Алқаптан бидайды
Қоймаға ел жинайды
Тырнасы тізілген
Ұнатам күз айды
Алихан
Шоғы толған гүлдей жайнап
жарқырады жарқын күз
Сайраңдады күліп-ойнап
Келді міне,алтын күз
Жанболат
Өрік,шие,балы бар
Қауын,қарбыз,көбейді
Жегін келсе бәрін ал,
Неге аласың демейді
Нұрдаулет
Құстар қайтты күз болып
Сұр бұлт жапты аспанды
Жапырақ түсті,гүл солып
Қыс ызғары басталды
Балалар енді біздің биші жігіттеріміздің биін тамашаласақ қалай болар екен, ортаға жігіттерімізді шақырамыз
Флеш-моб: Ұлдар биі
Тәрбиеші:
Бүгін бізде тамаша,
Ертегіде бәрі бар.
Әні,биі жарасқан,
Мектебімнің сәні бар.
Қыздардың сәндік модаларын көрсетеді.
Ән: Айжан,Айдана
(Есікті қағып, хат тасушы залға кіреді)
Хат тасушы: Сәлеметсіздерме балалар! Менен орман құстары мына хатты сендерге апарып беруін сұрады.
Тәрбиеші: Әкеліңіз, хатта не жазылғанын бәріміз бірге оқиық.
«Амансыңдар ма, сүйкімді балақандар.
Сендердің өте мейірімді балалар екендеріңді естідім. Сондықтан сендерге хат жазып отырмын. Мен, тырна –деген құспын. Балалар мен осы жылы кішкене ауырып, жылы жақа ұшып кете алмадым. Қазір осы орманнан, жылы ұя таптым, осы ұяға жұмыртқаларымды тасуға көмектесулеріңді сұраймын.»
Күз ханшайымы: Әрине, біз көмектесеміз.
Ойын: «Жұмыртқа тасу»
Ойынның шарты: Балалар бір ұядан, екінші ұяға қасықпен жұмыртқа апарулары керек. Жұмыртқаны қолмен ұстауға болмайды.
Күз патшайымы:
Балалар мен сендерге дән ризамын.Мен туралы айтқан тақпақтар мен билеген билерің , бәрі-бәрі ұнады. Сендерге көп-көп рахмет.Менің сенденрге әкелген жемісімді таратып берейін. Келесі жылы дәл осындай мезгілде кездескенше сау-саламат болыңдар!
Тәрбиеші:Ақтарады мырза күз,
Уылжыған жемісін.
Күзге бізде ризамыз,
Аянбаған ел үшін.
Балалар бүгін біз күз мерекесіне арналған «күзгі бақ» атты ертеңгілігімізді аяқтағалы отырмыз.Берекелі де мерекелі күздің сыйлаған сыйы әрбір отбасының ақ дастарханынан ажырамасын. Еліміз аман, заманымыз тыныш болсын!
