Ел бірлігі-?лт байлы?ы

Өлеңті ЖОББМ «Бөбектер» шағын орталығының тәрбиешісі

Кажикова Айсулу Тулеутемировна, Павлодар облысы, Екібастұз ауданы

Тақырыбы: «Ел бірлігі – ұлт байлығы»

Тәрбиеші: Армысыздар құрметті қонақтар, балалар! 1-ші мамыр Қазақстан халқының ынтымағы мен бірлігі мерекесі құтты болсын! 1-Мамыр Қазақстан халықтарының бірлігі күні мерекесі қарсаңындағы «Ел бірлігі – ұлт байлығы» атты ертеңгіліне қош келдіңіздер. Қазақстан түрлі ұлттардың басын қосқан ұлы    мекен. Олардың салт-дәстүрлері, тілі мен мәдениеті жоғалмас   үшін қолайлы жағдай жасалған. Халықаралық   ынтымақ күні 1 – мамыр мерекесімен   құттықтау сөз беріледі.

Ата-бабам ежелден-ақ дос қылған,

    Татар, қазақ болашақты тосты алдан,

    Сол достығын тағы міне дәріптеп,

    Бүгінгі күн мерекеде жайнаған.

Бүгінгі мерекеде біздің шағын орталықтың бүлдіршіндерінің өнерлерін тамашалаңыздар.

Хор. «Менің Қазақстаным»

Қазақстан мемлекеті көп ұлтты. Біздің елімізде жүз отыздан астам ұлттар тұрады: өзбек, қырғыз, түрікмен, тәжік, армян, әзербайжан, украин, белорус және тағы басқа шет мемлекеттен келген ұлттар біздің елімізде тұрып ,еңбек етуде. Біз олармен татумыз, доспыз және бір - бірімізбен қоян - қолтық аралас өмір сүрудеміз.

Ағайын туған бар адам.
Адалдық үшін жаралған.
Бар қымбат туыстық,
Баянды болсын тыныштық!

Олай болса балалардың мамыр мерекесіне арналған тақпақтарын тыңдайық.

Мейрамбек

Барлық елдің бөбегі,

Бір-бірімен туысқан,

Бәрімізге төгеді,

Өз шуағым күміс таң.

Қарақат

Ортақ мекен жер шары,

Төбемізде бір аспан.

Барлық ұлттың баласы,

Достығымыз жарасқан.

Ортақ бізге бір отан,

Ортақ жердің байлығы.

Ілияс

Бұл гүлденіп жайнаған,

Гүлстандар отаны.

Бірін-бірі сыйлаған,

Туысқандар отаны.

Дәуіт

Біз балдырған тең басқан,

Дос құшағын елге ашқан.

Тілегіміз –бейбіт күн,

Ашық болсын кең аспан.

Еркежан

Туыспыз біз бәріміз,

Бір отанды сүйеміз.

Бақытты елде туған соң,

Бақытты өмір сүреміз.

Барлығы:
Ақпыз, қара, сарымыз,
Ағайынбыз бәріміз.

Тәрбиеші:

«Бейбітшілік құсы, ақ көгершін.
Биік ұшып, самғасын.
Тілектерді жерге жайсын,
Қанаттары талмасын»

«Ақ көгершін» биі

Тәрбиеші: Халқымыздың қанға сіңген осы берік бірлігі, ұйымшылдығы, басқа халықтармен одақтасып, достаса білу жеңістен жеңіске жеткізеді. Балалар, мен сендерге бір сұрақ қойғым келеді. Бұл әлемде адамзат баласына ең қажетті нәрсе не?
Балалар: тыныштық, бірлік.
Тәрбиеші: Ал, енді «тыныштық» деген сөздің мәнін білесіңдер ме?
Дүниежүзінде соғыс болмаса, тыныштық деген сол. Елдегі тыныштықты халық «береке - бейбітшілік» дейді.Ендеше балалар достық, ынтымақ туралы даналық сөздерге кезек берейік.
Қарақат: «Ынтымақ - достықтың бірлігі».
Мейрамбек: «Ырыс алды – ынтымақ».
Дәуіт: «Достық күші – бірлікте».
Еркежан: «Достық түбі – береке».
Ілияс: «Ел іші-алтын бесік».

«Ел бірлігі - ел теңдігі».
«Ынтымақ жүрген жерде,
Ырыс бірге жүреді»- мінекей балалар осындай даналық сөздерге халқымыз ерекше мән берген.
Тәрбиеші:

Қазақ жері достықтың гүлстаны 

Дархан өлкем мерейлі ырыс бағы

Күрестерде еңбекте,мерекеде

Мұнда сан ұлт қолдасып ту ұстады.

Ән: «Атамекен»

Тәрбиеші:

Тілі басқа тілегі бір біргеміз,

Өздеріңмен жүздесеміз күнде біз.

Мақсат ортақ, бейбітшілік ұран боп

Татулықтан бұзылмасын іргеміз.

«Ел бірлігі – ұлт байлығы» атты мерекелік іс - шарамыз осымен аяқталды. Көңіл қойып тыңдағандарыңыз үшін рахмет.