Ертеңгілік Тақырыбы:Ормандағы Жаңа жыл!"

Ормандағы жаңа жыл !

Кейіпкерлер: Аяз ата

Ақша қар

Қар ханшайымы

Аққала

Ит

Мыстан кемпір

Доңыз

Қарақшылар.

(музыка залы қараңғы үлкен шырша, қасында үш шағын шырша)

(Музыка ойналады)

Қарақшылар залға кіреді.

Қарақшылар: Ақырын, ешкім естіп қалмасын, мына жерде әдемі шыршалар бар екен. Отынға шауып алайық. (Кіші шыршаларды шауып алады.)

Үлкен қарақшы: Мәәә, мынау қандай үлкен шырша, мұны да шауып алайық. (музыка ойналып, қар ханшайымы шыршаның түбінен шығады.)

Қар ханшайымы: Оой, сендер не істеп жатырсыңдар? Мына шыршалардың бәрін шауып тастадыңдар, бұл шыршаларға тимеңдер. Мен жаңа жыл мерекесіне арнап шыршаларды безендіріп қойдым.

Үлкен қарақшы: -Қайдағы жаңа жыл, жаңа жыл болмайды !!! (айқайлайды.)

Қар ханшайымы: (қолында сиқырлы таяқшасы бар) -Мен қазір сендерді қазір сиқырлаймын! Адастырып жіберемін. (музыка ойналады.)

Қар ханшайымы :Таяғым бар сыйқырлы,

Ойларым бар сан түрлі.

Суф,суф

(музыка ойнайды, шыршаны орнына қояды, шыршаны айналып қарақшылар шығып кетеді.)

Музыка ойналады.

Балалар кіреді( Жартылый шеңберге тұрады.)

Жүргізуші:

Жаңа жылдың таңы неткен арайлы,

Ақ мамыққа бөлеп алды маңайды.

Жаңа жылмен құттықтаймын бәріңді

Бақыт, шаттық, молшылық пен ........

(музыка қойылады, жалмауыз кемпір кіреді.)

Жалмауыз кемпір: -Не істеп жатырсыңдар? Мынау не? Шыршаны кесіп тастау керек!!!

Қар ханшайымы:Тоқтат, мыстан, Доғар... Жаңа жыл мерекесінің шырқын бұзба. Бұл жерде аяз ата мен ақша қарды күтіп отырмыз.

(Мыстан кемпір күледі.) -Қайдағы аяз ата., қайдағы жаңа жыл. Мен сендердің аяз аталарың мен ақша қарларыңды сиқырлап тастадым. (Қалтасынан аяз ата мен ақша қардың ойыншығын алады.)

Жүргізуші: -Балалар енді қайттық?

Музыка ойналып,

Аққала келеді. –Мыстан мұнда жүр екен ғой, мен сыпырғыштарымды таба алмай жатсам, Мыстан алып кеткен екен ғой. Балалар, маған көмектесіңдерші (музыка қатты ойналады, Мыстан кемпірді аққала қуады. Қар шашады,)

Мыстан кемпір: -Болды қойдым, берем сыпырғышыңды, тоңып қалдым.

Жүргізуші: -Аққала, бұл біздің аяз атамыз бен ақша қарымызды сиқырлап тастапты.

Мыстан: -Мені кешіріңдерші, мен аяз ата мен ақшақарды да алып келемін.

Кешіріңдер балалар бұл жай ойыншық ,мен өтірік айттым мені ұрмаңдаршы кешіріңдерші!

Аққала: Ендеше менің сыпырғышымды бер кеттік тездетіп аяз атаны ақшақармен осында жіберейік!. Жүр мыстан тездет .

2-еуі кетеді.

Ән: «Кішкентай шырша»

Жүргізуші:

Балалар Аяз,ата мен Ақшақарды шақырайықшы.

Балалар хормен Аяз ата,Ақша қар деп 3 рет айғайлайды.

Музыка ойналады.

(Аяз ата мен ақша қар келеді ортаны айналып өтеді.)

Аяз ата:

Құтты болсын, балалар

Келген Жаңа жылдарың

Алаңдамай өсіңдер,

Еркелеп қыз, ұлдарым

Өткен жылы келіп ем,

Бәріңді де көріп ем

Жыл өткізіп келем деп,

Уәдемді беріп ем.

Ойларың мен бойларың да

Бірдей өсіп қалдыңдар ма?

Ал, мен кіммін айтыңдаршы? –Мені тани алдыңдарма?

Балалар :Аяз ата!

Ақша қар: -Сәлеметсіңдер ме, балалар. Жаңа жылдарың құтты болсын.

Сүйсіндірер маңайды

Ақшақармын арайлы

Жалт-жұлт еткен жүзімнен

Күміс сәуле тарайды.

Ақша қармын әппақпын

Қалай тыныш жатпақпын

Менсіз қыстың сәні жоқ

Әнмін, жырмын, тақпақпын.

(Шырша шамын жағады.)

Аяз ата:Балалар сондай әсем шыршаларың неге шамы жанбай тұр?

Қар ханшайымы: Аяз ата бұл шыршаны мен шапқызбай қарақшылардан алып қалдым.

Иә балалар қане дауыстап бірге шамын жағайық.

Аяз ата :Дұрыс қар ханшайымы рахмет саған!

Балалар: Қуант бізді таңырқат

Шамдарыңды жарқырат!

(шырша шамдары жанады)

Ән: «Ақшақар»

Тақпақтары айтылады.

Би: «Пингвины» ұлдар.

(Музыка әуенімен ит келеді.)

Ит: Сәлеметсіздер ме, балалар!!!

Мен тұрмын қуанып,

Шаттыққа бөленіп

Бір жыл бойы сіздермен

Достасып үйреніп,

Қоштасамын сендермен

Келер жылға жақсылық

Осылайша халайық,

Аман,есен жүрейік!

Ойын: «Пима» (Ит ата-аналармен ойнатады.)

Би: «Аңдар» қыздар биі

Аяз ата балалармен ойын ойнайды.

(Сиқырлы таяғымен тоңдырамын ойыны.)

Ит: - Ал, енді балалар, сендермен қошатасамын.

(Ит балалармен қоштасып, жаңа жылды шақырады.)

Балалар:Жаңа-жыл деп хормен шақырады.

(Музыка әуенімен жаңа жыл келеді)

Жүргізуші: Кел, Жаңа Жыл! Төрле – төрле жеріме,
Құт –береке боп келгейсің еліме!
Үміт артып армандарға аяулы,
Шаттығыңа бөлегейсің бізді де,-

Доңыз жылы қош келдің?

Доңыз(Жаңа жыл )

Жаңа жылда жаңа белден асыңдар,

Жаңа жылға жырмен шашу шашыңдар.

Бейбітшілік ұранымен, жеңіспен

Жаңа жылда тағы да алға басыңдар!

Жаңа жылдарыңыз құтты болсын !

Ән: «Ахау,Жаңа жыл!»

Аяз ата :Мен де құр қол келмедім сыйлығым бар сендерге Қарша қыз мына мұзды сыйқырлап жіберші, түбінде сырты мұздан бейнеленген қорапша тұрады.(Сиқырлы сөз айтқанда мұз жарылып сыйлықтар шығады.)

Қарша қыз:Ақ сандығым ашыл,

ішінен сыйлық шашыл!

Аяз ата балаларға сыйлықтарды береді. Балалармен қоштасады.