Біз ба?ытты балдыр?ан!

Гаухар» бөбекжайы

Бекітемін:

«Гаухар» бөбекжайының директоры В.К.Кайназарова

Біз бақытты балдырған!

(1- маусым Балаларды қорғау күніне арналған ертеңгіліктің сценарийі)

Ұйымдастырушы: Куккузова А.Н

2015-2016 оқу жылы

Мақсаты:Балалардың жеке қасиеттерін дамыту,өлеңдерді, әндерді нақышына келтіре  айтуға үйрету. Бір- бірін сыйлауға, адамгершілік қасиеттерін  жоғалтпауға  тәрбиелеу.

Жүргізуші:     Армысыңдар балалар, бармысыңдар

Жазда келді жайнаған гүлді шыңдар

Алдыменен алайық амандасып,

Армысыңдар бәріңде бармысыңдар!

Бүгін бізде мереке қуанышта балалар,

Хош келдіңдер, хош келдіңдер,  ата- аналар, қонақтар

Құрметті «Гаухар» бөбекжайымыздың көркі де сәні болған бүлдіршіндеріміз.!Бүгінгі төл мерекелерің құтты болсын!Болашақтарың жарқын, аспандарың ашық,елімізді өркендетер, келешектің кемеңгері болыңдар , демекпін.

Баршамызды бала тілмен баурайтын

Бала деген бір бақыт қой самғайтын

Ата- ананың арманы мен тілегін

Бала емес пе  бал бұлақтан жалғайтын

Бүгінгі  1- маусым  Балалар күніне арналған «Біз бақытты балдырған» атты мерекелік ертеңгілігімізді ашып беру үшін және  бүлдіршіндерге мерекелік лебізін білдіру үшін сөз кезегін балабақша меңгерушісі Кайназарова Венера Кабиболаевнаға береміз.

Жүргізуші:Бүгін қызық бүгін той

Бәрін оны біліп қой

Ән де салып би билеп

Жалғастырсын ойды ой- деп,

Би: «Хафананна» алдарыңызда Балапан тобы

Жүргізуші :  Балалар, бүгін бізге қонаққа  бүкіл әлемге жарық жылу беретін  күн келу керек еді. Бірақ күніміз қиын бір жағдайға ұшырап қалған сияқты. Жарық, жылу беретін күнге көмектесеміз бе? Қанекей қарайықшы. Күнді көріп тұрсыңдар ма? ( Күн костюмін киген ұл. Төрт бала бұлт  болып, күннің көзін жауып тұрады)

-Күнге нелер кедергі болып тұр? Бұлттар күнді бізге қарай жібермей тұр. Күнді құтқару үшін бәріміз бірігіп  сиқырлы сөздерді айтайық.

 Көк аспанда күн күлсін

Бірге күлсін бүлдіршін

Көк аспанда күн күлсін

Жерге ұдайы нұр құйсын!

(Бұлттар екі жақа қарай ашылады, күн ортаға шығады)

Күн:  Сәлем, гүлім!

Сәлем , жерім!

Сәлем,саған- туған елім!

Бір шаңырақ астында

Сен тұрасың,

Ол тұрады,

Мен тұрамын,

Біз тұрамыз!

Жүрек жылуын,Берем саған,

Берем сізге,

Берем мен бәріңізге!

1-бұлт:  Күлімде, күн, күлімде!

            Күлсін барлық бала шат.

            Берекелі бүгіндей,

            Бейбіт болсын болашақ!

2-бұлт: Күлімде, күн, күлімде!

Күлсін барлық бала шат.

Жаз келді деп қуанып,

Шаттанады бүлдіршін!

3-бұлт:  Бала деген бал дерсің, ел еркесі

Әрбір үйдің шаттығы берекесі

Бүгінгі күн мінекей балғындардың

Қуанышқа кенелген мерекесі

4-бұлт:

Балалар аман болсын әр үйдегі

Таусылмасын ананың әлдилері

«Балапан» биін билейді томпаң қағып

 «Балбөбектің» шуақты сәбилері

«Балапан» биі орындайтын: «Балбөбек» тобы

Жүргізуші: Өнерлі өрге жүзер талаптанып

Қыран биік самғайды қанат қағып

Адам үшін парыз ғой өнер іздеу

Жүрген соң адам деген атақты алып

Би:  «Сыған» биі .

Жүргізуші:  Балалардың бақшасында бүгін той

Балаларды қорғау күні біліп қой

Тақпақ айтып кезектесіп бір- бірлеп

Кел, қосылып ән шырқайық, би билеп

1.Диас

  Балақай-ау, балақай,

Жаз келедіалақай!

Жалаң аяқ жүреміз

Балақты да түреміз.

2.Анель

Біз осы үйдің гүліміз

Біз осы үйдің сәніміз

Бұнда жақын туыстық

Бұнда тұңғыш дос таптық.

3.Алтын

Біздің топта ұл – қыздар

Тату тәтті ойнаймыз

Әлемдегі бар жанға

Тек жақсылық ойлаймыз

4. Назым І

Бейбітшілік әніміз

Бауыласпыз бәріміз

Қазақстан даласында

Жарасады сәніміз

5.Назым С

Бізбен бірге бар әлем

Қуанады балаша,

Қуанышқа бөленген,

Өмір қандай тамаша!

Жүргізуші:  Йә, рас, бала болған бәрі де

Салған олар балалықтың әнін де

Бала кезін еске алып отырсақ

 Сол емеске тіршіліктің мәні де!- дей келе ата-аналар  сіздерді  ортаға ойын ойнауға шақырамыз.

Ойын: ата -аналармен

Би: Түрік биі Нұрпейіс Арай мен Битенбаева Анеля

Жүргізуші: Ән айтайық қосылып

 Сәбилердің бұл күні

Мақтап кетсін осы жұрт   

Балалар деп үлгілі

 Ән шашу : « Қошақаным » Балапан тобы

Жүргізуші: Бақшаға біз гүл ексек ,

 Балдырғаным, сен үшін,

 Бақытыңды жыр етсек,

 Балдырғаным, сен үшін

 Жігіт болар, күні ертең

 Балдырғаным, гүл еркем

 Бақытты бол, өсе бер,

 Құтты болсын мерекең! –деп, «Біз бақытты балдырған » атты мерекелік ертеңгілімізді аяқтаймыз. Құттықтау сөздерін осы мерекеге шақырылған қонақтармен ата-аналарға береміз!

Көңіл қойып  тамашалағандарыңызға көп рахмет!

 

Бекітемін:

«Гаухар» бөбекжайының директоры В.К.Кайназарова

Гаухар бөбекжайында 1-маусым Халықаралық балаларды қорғау

күніне орай өткізілетін іс-шаралар

жоспары

№	Тақырыбы	уақыты	жауапты
1	«Ойыншықтарды бөбектерге сыйлаймыз!» (балабақшамен қоштасу кеші)	30.05.2016ж	Берикбаева А.С
2	«Біз бақытты балдырған!» (Мерекелік ертеңгілік)	1.06.2016ж	Куккузова А.Н
3	Қамқорлық акция	1.06.2016ж	Әкімшілік

Орындаған: әдіскер Куккузова А.Н

Қобда ауданы, Талдысай ауылы

«Гаухар» бөбекжайында

Халықаралық балалар күні

мерекесін өткізілуі туралы

Мәлімет

Қобда аудандық білім бөлімінің 25.02.2016 жылғы №287 қатынас хаты негізінде Қазақстан Республикасының Тәуелсіздігінің 25 жылдығын мерекелеуге арналған желілік жоспарына сәйкес және 1-маусым Халықаралық балаларды қорғау күні мерекесіне орай «Гаухар» бөбекжайында «Біз бақытты балдырған!» атты ертеңгілік жоспарланып, сол күні өткізілді.

Ертеңгілікте бөбекжай қызметкерлері мен тәрбиеленушілері шағын концерттік бағдарлама қойды.Бағдарлама барысында өлең оқылып, мың бұрала билеп, әннен шашу шашты. Концерт соңында бөбектерімізге құттықтау сөз айтылып, сыйлықтар таратылды.

Ертеңгілікпен қатар, «Қамқорлық» акциясы өткізілген болатын. Акцияға «Тамбай» шаруа қожалыңының басшысы Тлеуов Асет Жангалиевич (100000тг көлемінде ойыншық), жеке кәсіпкер Төлиша Сағынайқызы (5000тг) және ата-аналар тарапынан белсенділік көрсетіп, өз үлестерін қосты.

Сонымен қатар, бөбекжаймен биыл қоштасатын түлектерге арнап, «Ойыншықтарды бөбектерге сыйлаймыз!» атты ертеңгілікті «Балапан» тобының тәрбиешісі Берикбаева Алмагуль Сирикбаевна өткізді.Балалар бөбекжайда алған білім мен біліктіліктерін көрсетіп, өнерлерін ортаға салды. Ертеңгілік соңында ата-аналар бөбекжай ұжымына өз алғыстарын айтты.

«Гаухар» бөбекжайының директоры: В.К.Кайназарова

Орындаған:әдіскер Куккузова А.Н

Қамқорлық акциясы

«Тамбай » шаруа қожалығының басшысы

Тлеуов Асет Жангалиевичтің

бөбекжай бүлдіршіндеріне тартуы

Қамқорлық акциясына

ата-аналарда белсене қатысты