Біріншеге барар к?н жа?ын

Жолын болсын, балдырған!

Ертеңгіліктің мақсаты: Балалардың жыл бойы алған білімдері мен үйренген жұмыстарының нәтижиесін көрсету. Олардың сөздік қорын ,тілін,ой-өрісін кеңейту. Отансүйгіштікке, ұйымшылдыққа, имандылыққа тәрбиелеу.

Тәрбиеші:Құрметті ата-аналар, ұстаздар, оқушылар! Біз бүгін өзіміз оқып үйренген мектепалды даярлық тобымен қоштасып, бүлдіршіндерімізді «Жол болсын, балдырған » деп мектепке шығарын салмақпыз.

Балаларға тілейтініміз, талаптарың таудай, қанаттарын талмай, биіктерге самғай беріңдер! Балалардың қадамдары құтты болсын.

Адина. Армысыңдар мұғалімдер қымбатты.

Біздер үшін ашатын сан жұмбақты.

Құшақ жайып қарсы аламыз сіздерді.

Шәкіртіңнің қылықтары өте тәтті,

Қош келіпсіз, ақ жаулықты аналар,

Жүздеріңнен мейірім мен нұр тамар,

Алдарыңда жау қызындай құлпырған ,

Біз алаңсыз балғын шақты балалар!

« Біз мектепке барамыз» хор.

Тәрбиеші: Айналайын балғындар,

Алға бағыт алдындар.

Ертең өсіп толыңдар,

Ел мақтаны болыңдар.

Орындалар ойларын,

Құтты болсын тойларың!

Тимур. Мектепке енді барамыз,

Біз оқушы боламыз.

Жақсы оқып сабақты,

Кілең бестік аламыз.

Ән салайық бас қоса

Даярлықпен қоштаса

Қалам,дәптер,өшіргіш,

Кітаптармен достаса.

Баулып, баптап өсірдіңіз ,

Балалық етсек кешірдіңіз ,

Ұмытпаймыз, апай , сөзіңізді

Ұмытпаймыз өзіңізді.

Элдос. Мектепке ертең барамыз

Оқимыз, сауық құрамыз.

Қашық та болмас арамыз,

Сіздерге келіп тұрамыз.

Аяулы мектебім (Эльмира)

Айбек. Алтыға келді жасымыз ,

Сәбиліктен астық біз.

Мектепке бізді шақырды

Қош даярлық тобымыз.

Құшағында жарқылдап ,

Өтті бала күндерім .

Көп нәрсені үйрендім ,

Сен үйреттің сөйлеуді,

Сенде ойым есейді.

Мектепке барамын енді,

Даярлық тобым қош енді.

Эльмира.Ойыншықты жинаймыз

Бөбектерге сыйлаймыз.

Өнер білім үйреткен,

Өзіңізді қыймаймыз.

Біз мектепке барамыз.

Қолға қалам аламыз,

Кітапты да оқимыз,

Суретті де саламыз,

Биді де билейміз.

Би «Лентамен»

Елдің атын жазамын.

Жердің атын жазамын,

Туған тілге тазамын ,

Батаңды бер қазағым,

Мен мектепке барамын

( Бата беріледі )

Эльдар. Тартылатын күйіміз.

Шарқ ұратын биіміз

Шырқалатын әніміз

Бір болатын бәріміз ,

Даярлық тобы үйіміз.

Біз өмірдің гүліміз.

Шарлармен залға Сайқымазақ кіріп келеді

Сайқымазақ: Сәлеметсіңдер ме, балалар!

Сәлеметсіз бе ,Сайқымазақ!

Балалар, мен цирктен шаршадым, барлығы мені мазақтап күле береді,енді мен мектепке барамын ,міне бүкіл ойыншықтарымды да салып алдым.

Тәрбиеші. Осы отырған балалар да мектепке барады, бірақ оларға ойыншық керек емес.

Сайқымазақ. Сонда мектепке не үшін барамын.

Балалар. Білім алу үшін.

Тәрбиеші. Сен мектепке баруға дайын емес сияқтысың.

Балалар «Кім мектепке тез жиналады?»

Ойын шарты: Ортаға екі үстел қойылады. Екі бала шығады. Портфельге заттардың арасынан іріктеп, оқу құралдарын жинап салу керек. Бірінші біткен бала жеңімпаз атанады.

Сайқымазақ:Ой,рахмет, балалар, сендерге мен мектепте ойнайды деп барлық ойыншықтарымды салып алсам, енді қайттім? А таптым, таптым! Ойыншықтарымды мен «Еркемай» шағын орталығының балаларына таратып, оның орнына оқу құралдарын сатып аламын.

Тәрбиеші: Рахмет, сізге Сайқымазақ. Енді балалар сізбен би билеуге дайын!

Би «Бозжорға» Будашкин 1-4

Сайқымазақ: Ой, рахмет, балалар, сендерге кезіккенім қандай жақсы болды. Балалар , сендер байқадыңдар ма? Менің қолымда үрмелі ауа шарлары бар. Неге бұл шарларды үрмелі ауа шарлары деп атайды?

Балалар.Өйткені шардың ішін үрлеп,ауаға толтырады. Сосын ол ауаға көтеріліп ұшады.Сондықтан да оны үрмелі ауа шары деп атайды.

Сайқымазақ: Жарайсыңдар! Ал циркке келген көрермендер осы шармен ойнайтын ойынды өте жақсы көреді, сендер ойнайсыңдар ма?

Балалар: Ойнаймыз!

Сайқымазақ: Онда ойынның шартын мұқият тыңдаймыз. Ойынның шартымен балаларды таныстырады.

Ойын «Шарды кім тез жарады?»

Жарылған шарлардың ішінен тапсырмалар шығады.

Сайқымазақ:Балалар, шарлардың ішінде тапсырмалар бар екен,орындаймыз ба?

Балалар: Иә, орындаймыз.

1 тапсырма. 1- ге дейін тура және кері сана.

2 тапсырма. Геометриялық пішіндерді ата.

3 тапсырма. Сөз есепті шығарып көр.

Сатып алдым бір сәбіз,

Қойды үйрек себетке.

Тағы сонша қоссам оған,

Нешеу болмақ себетте?

Алма бағы жайнаған ,

Қызыл алма айналам,

Алдым үзіп бесеуін

Алдым сонда нешеуін?

4 тапсырма. Сөйлем құрастыру. «Біз мектепке барамыз»

5 тапсырма. Отан туралы қандай тақпақ,ән білесіңдер?

Астана -бас қала

Көркіне көз тоймаған.

Бақ мерейін үстем ет,

Жаратқан Алла жар болып.

Ән «Атамекен» 112

6 тапсырма. Гүл құрастыру.

Сайқымазақ:Білімді болған қандай ғажап балалар, білімдерін өсе берсін, қадамдарына гүл бітсін, менде мектепке дайындалайын,сау болыңдар!

Балалар: Сау болыңыз «Сайқымазақ!»

Осы кезде Әліппе оқулығы кіреді:

Сәлем гүлдей балғындар,

Алғашқы тәлімді алдыңдар.

Болыңдар ойлы, ақылды

Енді мектеп шақырды.

Менің атым Әліппе

Үйретемін әріпке,

Үйретемін білімге,

Әріптен білім бастаған ,

Әліппе оны бастаған.

Балалар (бәрі қосылып) : Әліппені сүйеміз.

Әдептен бас иеміз. Қолдарын кеуделеріне қойып бастарын иеді.

Ән «Әліппе» Би «Қарлығаш»

Тәрбиеші:Айналайын гүлдерім,

Айым менің,күндерім.

Маған қызық тілдерің,

Естен кетпес үндерің.

Сендердікі болашақ

Өтер балғын жастық шақ

Озат болып оқыңдар

Ойға білім тоқыңдар,

Басынан доссын баламен

Бас кітап сенсің ,Әліппе

Оқысын сені балғындар,

Танысқан әрбір сөзіне

Алғашқы әліппе ұстазы

Тапсырдым балаларды өзіңізге,- дей келесі сөз кезегі ұстазына беріледі.Тәрбиешінің естелік сыйлығы табысталады.Құттықтау сөз кезектері беріледі. Би «Вальс» Ән Ботақаным 108