"Бақыт кілті еңбекте" ойын-сауық

Приозерск қаласының «Балақай» КМҚК бөбекжайының

"Бақыт кілті еңбекте" ойын-сауық.

Тәрбиеші:Түлек Е.Б.

2016-2017ж.ж.

Күні: 23.09.2016ж

Тәрбиеші:Түлек Е.Б.
Тақырыбы:Бақыт кілті еңбекте.
Мақсаты: Дән тұқымымен таныстыру, бидайдан нан жасалатынын айта отырып, дастарханға жеткенге дейінгі істелетін еңбек мазмұнымен, қолданылатын, техникалардың аттарымен таныстыру. Диханшылардың еңбегіментаныстыру, үлкендердің еңбегін бағалай білуге тәрбиелеу.
Дамытушылық мақсаты:Балалардың ақыл - ой белсенділігін арттыру. Өлең, мақал – мәтелдер арқылы тіл байлығын дамыту.
Тәрбиелік мақсаты:Берілген тапсырманы орындауға, еңбекқорлыққа тәрбиелеу, нақыл сөздердің тәрбиелік мәнін түсінуге талпындыру.
Білімділігі :Еңбектерінің жемісін көру.
Әдіс – тәсілдер: Түсіндіру, көрсету, сұрақ жауап арқылы сөздердің мағынасын түсіндіру.
Көрнекіқұралдар: Нан суреттері, слайд1,2.
Алдын – ала жүргізілетін жұмыстар: Балабақшаға нан қалай әкелетінін бақылау.

Шаттық шеңбер.

Шуақ шаша алтын таңда,
Мөлдір таза ауада.
Табиғаттың бәрі оянады.
Қайырлы таң балалар!
Сәлем бердім саған елім!
Тал бесігім туған жерім.
Сәлем бердім бәріңізге!

Тәрбиеші:

- Балалар сендердің көңіл – күйлерін қалай?
- жақсы
- Олай болса көңілді болғанда не істейсіңдер? Қол шапалақтау
- Ренжігенде (Қабақ түйеміз)
- Таң қалғанда (Көздерін бақырайту)
- Қуанғанда (Күледі) 
- Ендеше бір – бірімізге жақсы көңіл күймен бастайық.

-Балалар сендер нанды қалай жасалатының білесіңдер ме?

-Ондай болса бәріміз паравоз болып , егінші атайдың үйіне барайық. (Паравоз әуенімен)

-Салеметсіз бе Егінші атай.Біздің балалар нан дастарханға қандай еңбекпен келетінін білмейді екен.

-Салеметсіздер ме балалар! Балалар нан дастарханға қандай еңбекпен келетінін айтып берейін ба?

Осы кезде қасқыр нанды ұрлап жатады.Оны балалар көріп қояды.

Егінші: Қасқыр не істеп жатырсын? Нанды ұрлауға болмайды. Сен білесін бе? Қандай еңбекпен келетінін.

Қасқыр:Білмеймін.

Егінші: Ал енді мына экрандағы суретке назар аударамыз:
1 сурет. Мынау трактор, бұлар көктемде жерде жыртып, жыртылған жерге тұқым себеді.
2 сурет. Мынау егін орып жүрген комбайн, комбайн астықты жинап машинаға артады.
3 сурет. Мынау диірмен. Диірменнен ұнтартып шығады. Ұн мінекей мынадай болады. көрсету
4 сурет. Ұнды наубайханаға жіберіп, әртүрлі нандар шығарады, оны балабақшаға жібереді.

Тәрбиеші: Біздің балалар нан туралы тақпақтар біледі.

Егінші мен Қасқыр: Кәне, тындайық.

Аделия

Нан қоқымын шашпаңдар,
Жерде жатса баспаңдар.
Теріп алып қастерлеп,
Торғайларға тастаңдар.

Рустам

Біреу астық түсіріп
Біреу бидай ұшырып
Жатқан мезгіл күз
Алдым соны түсіріп
Сабина
Көк майсалы көрікті
Алқаптағы көп егін
Бұл күндері киіпті
Сары жібек көйлегін
Гаухар
Берекесін сыйлауға
Өлкемізге күз келді
Жемістерін жинауға
Шақырады біздерді

Тәрбиеші: Балалар сендер нанның қандай еңбекпен дастарханға келетінің түсіндіңдер ме? Олай болса балалар «Ретімен орналастыр»деген тапсырманы орындауларын керек.

Шартты:Экранға назар аударамыз. Экранда ұяшықтар берілген сол ұяшықтағы жасырын тұрған суреттерді табуларын керек.

Егінші:Жарайсыңдар балалар! Менің айтқанымды сендер мұқият тындапсыңдар ғой.

Тәрбиеші:Жарайсыңдар балалар! Шаршаған шығарсыңдар енді бәріміз бірге серігіп алайық.

Сергіту сәті:

Көктемде жерді жыртамыз,
Тегістейміз тырмалап.
Дәндерді оған егеміз,
Жайқалып егін шықсын деп.
Күз болғанда орамыз,
Нанға біздер тоямыз

Қасқыр: Балалар менің қарным ашты.

Егінші:Балалар кәнекей қасқырға нан пісіріп берсек қалай болады.

Тәрбиеші:Балалар бәріміз орнымыздан тұрып егіншіге нан пісіруге

көмектесейік.

Қасқыр: рахмет сендерге. Қарным тоятын болды.Жарайды балалар мен қайтайын. Сау болыңдар.

Тәрбиеші:Балалар бізде қайтайық.(әуенмен қайтады)

Тәрбиеші:Балалар біз қайда бардық?

-Нан қандай еңбекпен келеді екен?

Тәрбиеші: Бүгінгі «Бақыт кілті еңбек» атты ойын-сауығымыз аяқталды. Сау болыңдар!