Просмотр содержимого документа
«Аяулы к?з, Алтын к?з »
Мұнайлы ауданы
№5 мектеп
Ертеңгілігі
Өткізген: Турганбаева Баршын
Сыныбы: 0 «Б»
2014/2015 оқу жылы.
Тақырыбы: Алтын күз
Мерекеге сай безендірілген сынып.Әдемі сазды әуен ойналып тұрады.Бүлдіршіндер тәрбиешімен бірге кіріп ,орындықтарға жайғасады.
Балалардың қолдарында жапырақтар.
Тәрибиеші: Құрметті қонақтар,ұстаздар! Бүгін мектепалды даярлық тобының балалары дайындаған «Алтын күз» атты ертеңгілігіне қош келдіңіздер.
Армысыздар халайық ,
Бармысыздар халайық!
Күзгі тойды жұп жазбай,
Келіңдер қарсы алайық!
-Қараңдаршы, бүгін біздің сыныбымыз қандай әдемі болып кеткен.
Әуелі жұмбақ жасырам,
Қулығымды асырам.
Таба алсаңдар шешімін,
Қонағымды дәл ортаға шақырам.
Жұмбақ:
Бозарып дала,
Тоңады бала,
Астығы піскен,
Жапырағы түскен - бұл қай мезгіл балалар?
Балалар: Күз мезгілі
Дұрыс, Күзмезгілі. Ал, күзде табиғатта қандай өзгерістер болады екен? (Балалардың жауабы). Өтежақсы. Ендеше, уәде еткенімдей ортаға қонағымыз - Алтын күзді шақырайық!
Қонағымыз тез келсін десек,оны дауыстап шақырайық.
Балалар: «Күз ханшайымы»(Музыка ойнап, ішке Алтын күз келіп кіреді).
Күз ханшайымы: Амансыздарма балғындар
Күзгі бақтағы қонақтар
Өздеріңе әкелдім
Күздің сыйын көз тартар
Мен –Күз ханшайымымын. Сендерді көргеніме қуаныштымын.
Тәрбиеші: Қош келдің, Күз ханшайымы! Төрлетіңіз!Біздің балалар сізге арнап өздерінің жан-жақты өнерлерін дайындап отыр.Соны тамашалаңыз.
Күз ханшайымы: Балалар, мен сендерге бір жұмбақ жасырайын.
Ағайынды бәрі,
Шықса-жасыл,
Түссе-сары. Бұл не?
Балалар: Жапырақ
Күз ханшайымы:Дұрыс таптыңдар, жарайсыңдар! Егер де тапсырмамды орындасаңдар,менің де сендерге деген сыйлығым бар.
Балалар сендерге сұрақ берейін, айтыңдаршы?
1. Бір жылда неше мезгіл бар?( Төрт)
2.Күз айларын ата.( Қыркүйек, қазан, қараша)
Тәрбиеші: Әрине, қымбатты Күз ханшайымы! Біздің балалар күз туралы өлең, тақпақ, жұмбақтар шеше алады. Сіз жайланып отырып,балалардың өнерін тамашалаңыз.
Тәрбиеші:
Ендеше ортаға күз айларын шақырайық.
Қыркүйек:
Сыңғырлайды қоңыраулар
Қыркүйек айында
Жас ұландар бара жатыр
Өнер білім бағында
Қазан:
Қазан айы басталды
Құстар қайта бастады
Туысқан,адал,достықпен
Бейбіт өмір жалғасты
Қараша:
Күздің қараша айында
Жиын терін бітеді
Жапырақтар сарғайған
Сыбдыр-сыбдыр түседі.
Күз ханшайымы:Жарайсыңдар балалар! Жұмбақты шеше алдыңдар,күз айларының тақпағын айттыңдар өте жақсы.Мен қыздармен бірге жапырақ биін билегім келіп тұр.
Би: «Жапырақтар»
Тәрбиеші:Рахмет, саған Алтын күз! Қабылалдық сыйды біз! Ал, ендеше, балалар, бекер қарап тұрмаңдар. Жапырақ пен сиқырлы, ойынды тез ойнаңдар. (Ойын «Кім тез жапырақтарды жинайды?»).
Тақпақтар:Айдана,Расул,Асия,Ерасыл,Нұрсәт,Диана
Ән: «Күз жомарт»
Тәрбиеші: Күз ханшайымы, балалардың өнерлері ұнады ма?
Күз ханшайымы: Иә, балалардың бәрі өнерлі екен.
Тәрбиеші: Қане, балалар,осындай молшылық күз айында бір ойын ойнап жіберейік.Ол ойын «Кім жылдам?» деп аталады.Ойын шарты бойынша ұлдар бір себетке көкөністерді жинайды, ал қыздар екінші себетке жемістерді жинайды.
Ойын: «Кім жылдам?»
Тәрбиеші: Күз ханшайымы, балалардың ойынына баға беріңіз.
Күз ханшайымы: Жарайсыңдар, балалар!Көкөністер мен жемістерді дұрыс ажыратып жинадыңдар.
Тәрбиеші:
Көкөністер бәріде
Денсаулыққа пайдалы
Мұны жақсы біліңдер,
Оларды жақсы көріңдер.
Күзде өздері пісетін,
Тамаққа кеп түсетін
Мақтанбақшы сендерге ,
Көкөністер сан түрлі!
( Ортаға «көкөністер» шығып, өздері туралы тақпақтар оқиды). Балалар:Наурызбай,Жігер,Жанайым,Сандуғаш,Ақылбек,Жансейіт,Аққу
Тәрбиеші:
Жауын жауса қуанып
Көмекке келер қолшатыр
Ол шатырды алайық
Шырқап биге салайық.
Би: « Қолшатыр» ( ер балалар билейді.)
Күз ханшайымы: Жарайсыңдар, балалар! Тақпақтарда білесіңдер, әнде айталасыңдар, биде билейсіңдер.Ал енді қонақтарымызды сынап көрейік. «Судан өту» ойыны. Күздің күні жаңбыр көп болады, жер балшық , су болады. Осы судан өтуіміз керек. Екі ата - ана ортаға шығып, мына тұрған 2 картопты жылдамдыққа және қабығын үзбей тазалау қажет.
Ойын: «Кім жылдам?» Ата-аналармен
Ән: «Күз келгенде»
Би:«Ромашка»
Тәрбиеші:Бақ өсіріп көрік беріп Жайқалтамыз алқапты Алма,жүзім,өрік теріп Біздің бақтан тарапты.
Ортаға жемістер шығып өздері туралы тақпақтар айтады
Тәрбиеші:Жарайсыңдар!Енді бізді осы күнге жеткізген аяулы ана – әжелерімізге арналған сыныбымыздың әнші балапаны Жансейіттің орындауында. «Анашым» әні
Күз ханшайымы: Өте тамаша, балалар! Қазір менімен ойын ойнайсыңдар ма? Бұл ойын «Қай жеміс» деп аталады. Көздеріңді жұмып,жемісті жеп,қай жеміс екенін айтасыңдар. ( Бір ыдыста туралған әртүрлі жемістер)
Би: Вальный танец.
Тәрбиеші: Жарайсыңдар, балалар! Күз ханшайымы сізге біздің балалардың өнерлері ұнадыма?
Күз ханшайымы: Рахмет, балалар! Өнершіл-өрендерім! Міне, менің сыйлығым бір себет күз сыйы. Сендерге денсаулық, шаттық және байлық әкелсін.
Тәрбиеші: Күз ханшайымы, саған мың алғыс! Бүгінгі сыйлығына рахмет. Бізге тағы кел, біз сені сағына күтеміз.
Күз ханшайымы:
Мен қайтайын балалар
Аман-есен болыңдар
Еңбек етіп, ойнап-күліп
Шырқап әнге салыңдар
( Осы кезде әуен ойналады, Күз ханшайымы қоштасып кетеді )
Қош бол, Күз ханшайымы.
Тәрбиеші: Күздің кереметі, байлығы өте көп. Күзде біздің дастарханымыз дәнді дақылдарға, көкөністерге, жеміс-жидектерге толы болады, бірақ осы байлыққа жету үшін көп еңбек ету керек.
Сондықтан сендер еңбекшіл болыңдар. Қазіргі сендердің еңбектерің сабақ оқу. Міне, балалар, ата-аналар, ұстаздар осымен «Алтын күз» атты ертеңгілігіміз аяқталды. Сіздерді күз мерекесімен құттықтаймын, әр отбасыларыңызға бақыт, береке тілеймін.
