"Табысты мектеп. Жетістіктері мен м?селелері"

СКО Ақжар ауданы

Алқатерек орта мектебінің директоры

Капенова А. Е.

Табысты мектеп.

Педагогикалық кеңесінің дәстүрлі емес түрінде өткізуін әріптестеріме ұсынамын.Педагогикалық кеңесінің тақырыбы: “Табысты мектеп. Жетістіктері мен мәселелері’’. Слайдта екі афоризм: ”Жақсы мұғалім – мектептің жүрегі:, ”Мектеп өз ұстаздарымен және оқушыларымен көрікті’’.

Ұжым бірнеше топқа бөлінеді. Мысалы,бірінші топ-тіл мамандарының тобы, екіншісі-математиктер,физиктер тобы,үшіншісі - бастауыш сынып мұғалімдер тобы. т.с.Әрбір топтың лидері сайланады.

Педагогикалық кеңес пікір-талас ретінде өткесін, сөйлеушілерге кеңестер беріледі (слайд):

• сөйлеушінің сөзін бөлмей тыңдай білу керек;

• өз көзқарасыңды дәлелдей білу;

• нақты ұсыныс енгізу;

• ашу шығармау керек;

• айтып тұрғаныңды ойлап айту;

• әділ айтқан шындықты тыңдай білу және ренжімеу керек;

• ащы да болса шындық қажет;

• кеңесте байқаушы қажет емес,әркім белсенді сөз сөйлеуші болсын.

Кеңестер берілген соң,сарапшылар тобы тәжірибелі ұстаздардан

қаланады.(2-3 ұстаз)

Пікір- сайысқа арналған сұрақтар, слайдтар. Сұрақтарды мұғалім бөлмесінде алдын-ала іліп қою.

1.Табысты қызмет ететін мектеп ұжымын қалай түсінесіз, мектебіміздің нәтижелі жұмыс істеу барысында қол жеткізген табыстары қандай, кемшіліктері қандай деп ойлайсыз? Осы мәселенің орындалу барысында сіздің өз басыңыз қандай қиыншылықтарға тап болды? Мектебіміз табысты қызмет көрсету үшін қандай ұсыныстар еңгізесіз?

2.Нәтижелі сабақ өткізу барысында, оны жоспарлаудағы ой өрісіңіздің бағыты, қолданып жүрген әдістемеңіз қандай?

3.Нәтижелі жұмыс істеу бағытында жаңа технологияларды оқу үрдісінде қолдануда мемлекеттік стандарттар талабына сай, жаңа буын оқулықтармен жұмыс істеу барысында қандай қиындықтарға тап болдыңыз?

4.Нәтижелі жұмыс істеу үшін сабаққа даярлықта, сабақ өткізу барысында сыныптың деңгейін, даярлығын қалай бағдарлайсыз,үйлеспеушілікті жойып, білім стандарттарына сай сапалы білім беру үшін қандай шара қолданып жүрсіз? Осы орайда сізге жаңа технологиялар не берді ?

5.Сіздің оқушы мен оқытушы мәдениеттің ұжымындағы микроклиматтың қалыптасуына, дамуына тигізер әсері қандай?

6.Осы мәселерді шешуде өздігінен білім алудың, әдістемелік бірлестіктердің жұмысының, әдістемелік мектепшіліктің қызметтің сізге беріп отырған көмегі қандай?

7.Егер мектеп көркі - ұлағатты ұстаз, білімді оқушы екенін ескерсек, ұлттық бірыңғай тестілеу мен олимпиада қорытындылары сізді қанағаттандырып жүрме?

8.Жалпы мектеп пен ұстаз беделінің артуы үшін сіз қауымға қандай тың ойлар ұсынып, өзіңіз қолданып жүрген әдістемелермен бөлісер едіңіз?

Сөйлеушілер өзінің пікірлерін айтып болған соң,әрбір топ постер сызады, тақырыпты қорғайды.

Мысалы.

Мектептің материалдық

қамтылған базасы

Сапалы білім, саналы

тәрбие

Табысты

мектеп

Жаңа технологияларды

пайдалануы

Тәжірибелі ұстаз

Педагогикалық

ұжымының бірлігі,

жауапкершілігі

Мұғалімдердің шығармашылық

лабораториясы

Әдістемелік бірлестіктерінің жұмысының жақсаруы

Ең соңында сарапшылар тобына сөз беріледі де, педагогикалық қаулысы

шығарылады.