«Салауатты өмір салтын ұстанайық»
Мақсаты:
Балаларға салауатты өмір салтын сақтаудың қажеттілігін, зиянды заттардың зардаптарын білуге, жат әдеттерден аулақ болуға үйрету;
Білімділік: табиғаттың адам баласына сыйлаған басты байлығы –денсаулықты сақтаудың басты жолдары –зиянды, жат қылықтардан аулақ болып, салауатты өмір сүру екендігін ұғындыру
Дамытушылық: «Ауырып ем іздегенше, аурмаудың жолын іздегеннің» әлде қайда тиімдірек екендігін ұғындыру, дене тәрбиесіне, салауаттылыққа дағдыландыру.
көрнекілігі: суреттер, мақал-мәтелдер, слайдтар
Сабақ барысы
I.Ұйымдастыру кезеңі :
Тәрбиеші:
Құрметті қонақтар,балалар! Бүгінгі «Салауатты өмір салтын ұстанайық» атты ашық тәрбие сағатымызға қош келіпсіздер.
Тәрбие сабағымыздың мақсаты: балалардың бойына адами игі қасиеттерді қалыптастыруға, денсаулықтың қадірін түсіне, салауатты өмір салтын сақтай білуге тәрбиелеу
–Балалар тәрбие сағатымызды бастамас бұрын бір-бірімізге жақсы көңіл-күй сыйлайық.
Психологиялық көңіл-күй
(Оқушылар орнынан
тұрады)
Армысың, асыл күн!
Армысың, асыл жыр!
Армысың
көк аспан!
Армысың
жан досым!
Жылуыма
жылу қос
Міне,
менің қолым.
Тәрбиеші:
-Енді, балалар бәрін маған жақындап мына қима қағаздардан бір-бірден алып,сол қима қағаздағы дәруменнің суретін құрау арқылы екі топқа бөлінеміз.
1-топ «Салауат»
2-топ «Денсаулық»
II. Негізгі бөлім.
-Адам үшін осы өмірде ең басты не қажет?
-Денсаулық
-Балалар салауатты өмір дегенді қалай түсінесіңдер?
-Жауабы: Спортпен шұғылдану, күн тәртібін жеке бас гигиенасын сақтау, жаман қылықтардан аулақ болу
Тәрбиеші
«Адам денсаулығы-қоғам байлығы. Әрбір адам өз денсаулығының мықты болу жолдарын қарастыру керек. Дені сау адам-табиғаттың ең қымбат жемісі.
Біздің бақытымыздың оннан тоғызы денсаулығымызғы байланысты.Сондықтан сендердің таңдауларың салауатты өмір салтын сақтау.
-Салауатты өмір салтын қалыптастыру мақсатында Елбасымыз Н.Ә. Назарбаев:Салауатты өмір салтын насихаттау, дені сау ұрпақ тәрбиелеу бүгінгі күннің басты талабы. «Дені сау ұрпақ –мемлекет байлығы» -деп атап көрсетсе керек.
-Олай болса қазір денсаулық туралы бейнебаянға назар аударып бірге тамашалайық
Видео. «Денсаулық-зор байлық »
Сұрақ-жауап
(Оқушылардың жауабы)
-Видео не туралы және кім туралы?
-Денсаулық туралы не айтылған екен?
Ал ауырған кезде, ауруды асқындырмау үшін не істеу керек?суықтан сақтанып, емделу керек.
-Адам бойындағы вирустарға қарсы тұратын, аурудан сақтайтын ол қандай қасиет?(иммунитет)
Ал мүлде ауырмау үшін не істеу керек?
-Иммунитетті күшейту керек
-Адамның иммунитеті неғұрлым күшті болса, оның денсаулығы соғұрлым жақсы болады
Иммунитетті күшейту үшін дұрыс тамақтану керек,денсаулыққа пайдалы, дәрумендерге бай тағамдарды жеу керек. Сонымен қатар дене жаттығуларды жасау керек, ауруларға қарсы егулерді уақытылы алу, сондай ақ тазалықты да сақтау керек,қолды жиі -жиі жуып, лас жерден аулақ жүру, айналаны таза ұстау керек екен.
III. бөлім
«Тәрбие көзі-халықта» мақал-мәтелдер жарысы
- Балалар, денсаулыққа байланысты қандай мақал – мәтел білесіңдер ме ?
Екі топ денсаулық, ауру туралы мақал-мәтел ауызша кезекпен 4 мақал-мәтелден айтады
1-топ «Салауат»
1. Денсаулық-зор байлық
2. Емнің алды - еңбек
3. Ауру желмен келіп, термен шығады
4. Аурудың жақсысы жоқ,
Дәрінің тәттісі жоқ
2-топ «Денсаулық»
1.Ауырып ем іздегенше
Ауырмайтын жол ізде
2.Денсаулықтың қадірін, ауырғанда білерсің
3.Демі бардың, емі бар
4. Ауру аздырады,
Суық тоңдырады
Тәрбиеші
- Жарайсыңдар! Балалар біз жаңа жеке бас гигиенасына қатысты мақал-мәтелдер айттық. Енді балалар деніміз сау болу үшін біз тағы не істеуіміз керек?
- Иә, спортпен айналысуымыз қажет.Адам өмірінде спорттың алатын орны ерекше.
Мыс: Кешегі Лондон олимпиадасының жеңімпаздары велоспортшы А.Винокуров, ауыр атлетикадан М.Манеза, және де 4 – жылда бір келетін параолимпиада ойындарының іш дүркін чемпионы Ә.Ахметовпен алтын медаль иегері А.Колядиндер соның айғағы. Бізде болашақта осы аға-әпкелерімізге ұқсап еліміздің абыройын асқақтата білейік.
- Балалар, енді бойымызды бір сергітіп демалып алу үшін жаттығу
жасап жіберейік.
Сергіту сәті
VІ. " Жүйрік болсаң, шешіп көр"
Балалар, енді бүгінгі сабағымызға байланысты жұмбақтар шешіп көрейік:
Пайдалы тағамдардың ішінде денсаулыққа пайдалы
нелер бар?
- Дәрумендер
- Балалалар, тақтадан нені көріп тұрсыңдар?
-Бұл тамақтану пирамидасы деп аталады.
Қазір біз осы тамақтану пирамидасына қатысты жұмбақтардың жауабын шешу арқылы, тамақтану пирамидасын құрастырамыз.
1.Ұзын мұртты сарылар
Қойынында дәні бар (Бидай)
Үсті тас, асты тас
Ортасында піскен ас (Нан)
Түскенде салқын күз
Жинадық алтын тіс (жүгері)
2.Көк лағым көгенде жатып семірген (Қарбыз)
Үстінде тігіп көк шатыр,
Астында қызғылт дәу жатыр (қызылша )
Ояғы тау бұяғы тау
Ортасында бұжыр тау (Жаңғақ)
Түбі толған қомалақ (Картоп)
3.Суда өседі,өнеді
Сыртқа шықса өледі (Балық)
Аппақ сұйық
Қалса ұйып
Шөлің қанады
Ішсең құйып (Сүт пен айран)
Бір құдықтың екі алуан суы бар-ды
Қайнатса оның суы мұз болады (Жұмыртқа )
4. Өзі ащы
бірақ
Дәмді етер асты (Тұз)
Дәмін татсаң тәтті-ақ,
Түсін көрсең –әппақ (Қант)
Алтын алдым жапырақ
Жатқан жері топырақ
Алтын менен аптаған
Күміспенен қаптаған (Өсімдік майы)
-Жарайсыңдар. Керемет.
-Балалар, адам денсаулығына пайдалы дәрумендермен қатар зиянды әрекеттерде бар.Қазір сол зиянды әрекеттер жайындағы бейнебаянға көңіл аударсақ.
Бейне баян: Зиянды әрекеттер (Темекі мен ішімдік туралы ) 2 мин
Сұрақ-жауап
(Балаларға бейне баян жайында сұрақ қою арқылы толықтыру)
-Балалар, темекіден қандай аурулар туындайды ? ( ерін, тіл және өңеш пен өкпе рагы туындайды )
-Темекі түтіні құрамында не бар? (никотин бар)
- Ішімдік арты адамды неге апарады ? (Түрлі қылмыстарға апарады )
-Ішімдік ішу адам ағзасына қаншалықты зиян? (ақылың азайтады, ми мен жүйкесін тоздырады, бүйректің қызметін бұзады)
Тәрбиеші сөзі:
Адам денсаулығына қатысты зиянды әрекеттер олар ішімдік пен темекі.
Темекі тарту адамды баяу улайды.Темекіден ауаға жылына 720 мың тонна күкірт қышқылы, 384 мың тонна никотин, 660 мың тонна темекі майы, 550 мың тоннадай иісті газ шығады екен.
Ал ішімдік- жамандық атаулының басы.
Алкоголь- деген сөз арабтың альхукуль сөзінен шыққан және де ес аудыратын зат деген мағына береді.
Ішімдік ішкен адам - адамгершіліктен, имандылықтан айырылып, кедейлікке ұшырайды, отбасында жанжал шығарып, шырқын бұзады.
Тәрбиеші сөзі:
- Енді осындай денсаулыққа зиянды әрекеттер жайлы тереңірек мәліметтерден кейін балалар,сендерге тапсырма 1-топ үстел үстіндегі мәліметтерден темекіге қатыстысын,ал 2-топ ішімдікке қатыстысын жинақтап, постер құрап, постерді қорғауларын тиіс.
Постер қорғау
1-топ «Салауат»
1. Темекі Еуропа мен Азияға XV ғасырда келген
2.Алғашқы кезде темекі тіс ауруына қарсы қолданылатын дәрі ретінде пайдаланылған
3.Темекі жапырағында танин, желім, крахмал және алколоидер бар өсімдік.
4.Темекінің әр талы - адам өмірінін 12 минутқа қысқартатыны дәлеледенген шындық.
5.Жыл сайын дүние жүзінде темекі шегудің салдарынан 4 млн адам қайтыс болады екен.
6.Темекі зияны: ерін, тіл және өңеш пен өкпе ауруына жол ашады.Асқазанда жара пайда болуына көп әсері бар.
2-топ «Денсаулық»
1.Алкоголь- деген сөз арабтың альхукуль сөзінен шыққан және де ес аудыратын зат деген мағына береді
2.Ішімдік- қарабидайдан, бидайдан, арпадан әртүрлі жеміс-жидектерден, тұқымдардың ашытқысынан жасалады
3.Арақ ішкен адамның 40 күн бойы дұғасы қабыл болмайды
4. Ішімдік-адамгершіліктен, имандылықтан айырады, кедейлікке ұшыратады, отбасында береке болмайды
5.Ішімдік ішу- ақылды азайтып ми мен жүйке жүйесін тоздырып,бүйректің қызметін бұзады
6.Ішімдік әсерінен адамның еңбекке қабілеті кемиді, мінез-құлқы дөрекі, әдепсіз болады.
(Постерден кейін екі топ бір-бірін смайликпен бағалайды )
-Жарайсыңдар, балалар.
Сабақты бекіту
- Балалар, біз бүгін қандай тақырыпта сөз қозғадық? (Салауатты өмір салтын ұстанайық)
- Нені ойға тоқып, жадымызда сақтауға тиіспіз? (Жаман әдеттен аулақ болуымыз керек)
- Сіздер, қандай азамат болып өсулерің қажет? (Дені сау, ақылды, білімді, адал болып)
Рефлексия
Қорытынды : Ұлы ойшыл Сократқа кезінде мынадай сұрақ қойылыпты:«Адамға өмірде не қымбат, байлық па, атақ па?» деп Сонда Сократ«Байлық та, атақ та, даңқ та шын бақытты ете алмайды. Дені сау кедей, ауру патшадан бақыттырақ» деп жауап берген екен, яғни адам бақытты болу үшін оған денсаулық керек. Алкогольдің,темекінің зардаптарынан болатын өзгерістердің ішіндегі ең елеулілері
адамның ақыл-ойы мен санамыздың бұзылуынан сақтанайық.
Адам азбасын, ұлтымыз тозбасын !Сонымен «Салауатты өмір салтын ұстанайық» деп бүгінгі тәрбие сағатымызды аяқтаймыз.
Назар қойып тыңдағандарыңызға рахмет!
