Просмотр содержимого документа
«Сабақтың тақырыбы: "Қазақтың көне музыка аспаптарын жинаушы Болат Сарыбаев"»
Сабақ жоспары
Күні: 08.12.2017ж.
Сыныбы: 3қ
Сабақтың тақырыбы: Қазақтың көне музыка аспаптарын жинаушы
Болат Сарыбаев
Мақсаты: а) білімділік: белгілі ғалым, зерттеуші Болат Сарыбаевпен таныстыру, қазақтың көне музыкалық аспаптары жайлы түсінік беру;
ә) дамытушылық: көне музыкалық аспаптардың орындауындағы күйлерді тыңдату арқылы музыканы сезінуге, түсінуге баулу, домбырада ән-күй орындаудағы шеберліктерін шыңдау;
б)тәрбиелік: балаларды әсемдікті сезінуге, өз халқының музыкалық мұрасынан эстетикалық ләззат ала білуге , өнер иелерін үлгі тұтып, құрметтеуге тәрбиелеу.
Сабақтың түрі:Дәстүрлі.
Әдіс-тәсілдері: түсіндіру, сұрақ-жауап әдісі, ой қозғау, миға шабуыл, талдау, әңгімелеу.
Көрнекілігі: интерактивті тақта, қазақтың көне музыкалық аспаптары, үнтаспа, бейнетаспа
Пәнаралық байланыс: ана тілі, бейнелеу, тарих, би өнері, еңбек пәндері Сабақтың барысы
І. Ұйымдастыру кезеңі
а) оқушылармен сәлемдесу
Мұғалім: Армысың, аманбысың, ұландарым!
Биікке самғап ұшар қырандарым.
Оқушы: Иіліп сәлем берді ұландарың,
Биіккке самғап ұшар қырандарың.
Үлкенге де сіз
Кішіге де сіз
Құрметпенен сіздерге
Сәлем бердік біз.
1.Психологиялық дайындық
Кел балалар күлейік
Күлкіменен түлейік
Күлкі көңіл ашады
Күліп өмір сүрейік .
Кел балалар күлейік
Күлкіменен түлейік
Қабақ түйген не керек
Көңілді болып жүрейік.
ә) оқушылардың назарын сабаққа аудару
ІІ. Үй тапсырмасын сұрау
1. Миға шабуыл
Оркестрдегі дирижер міндеті
-Дирижер міндеті қандай?
-Дирижер қандай болуы керек?
-Құрманғазы атындағы халық аспаптар оркестрінің алғашқы дирижері кім?
ІІІ. Жаңа сабақты меңгерту
(интерактивті тақтадан қазақтың көне музыкалық аспаптарының суреттері көрсетіледі)
Шаңқобыз, сыбызғы, шертер,дауылпаз,үскірік, даңғыра, жетіген т.б көне музыкалық аспаптарға жатады. Ал бұл аспаптардың көпшілігі ХХ ғасырдың басында жоғалып кеткен. Осы аспаптарды бәрін жинап, зерттеп, орындау мәнеріне келтірген – Болат Сарыбаев.
2. Болат Сарыбаевтың өмір жолы, шығармашылығы туралы мәлімет беру
Болат Сарыбаев (1927-1984) – көрнекті ғалым, қазақтың көне музыкалық аспаптарын жинаушы, зерттеуші. Аспаптарды зерттеп қана қойған жоқ, оларды қайта жаңғыртты, аспаптарды жетілдіре келе, тұңғыш фольклорлық ансамбль құрды.
3. Бейнетаспа көрсету: фольклорлық ансамбльінің орындауында, қос алқа күйі.
3. Көне музыкалық аспаптардың шығу тарихына тоқталу Бейне таспа
Мұхаммеджан:
Шанағыңда ойнаған
Үніңе еш тоймаған
Қасиетті домбыра.
Анеля:
Шертіп сыры мол күйді
Жүрегімді толқиды
Көкіректі кернейді
Қасиетті қобызы.
Аида
Жетіген жүрегіммен үндес едің
Өзіңмен сырласымдай тілдесемін
Бабамнан қалған мұра сен болмасаң
Өнердің не екенін білмес едім.
V. Сергіту сәті «Табиғат құбылыстары» Мұғалім: « Жай жаңбыр» Балалар: Саусақтың ұшымен жай тырсылдатады. Мұғалім: « Қатты жаңбыр» Балалар: Саусақтың ұшымен тез тырсылдатады. Мұғалім: «Жел тұрды» Балалар: Ысылдайды (желдің дыбысын салады) Мұғалім: «Боран соқты» Балалар: Гуілдейді
Мұғалім: «Бұршақ жауды» Балалар: аяқтарын тарсылдатады Мұғалім: «Қар жауып кетті» Балалар: Қол шапалақтайды.
VI. Күй тыңдау
Болат Сарыбаевтың жетекшілігімен фольклорлық ансамблінің орындауында халық күйі «Кеңес»
«Ұйқасын тап» ойыны Менің ағам Сансызбай, Жасады маған.......... /Сазсырнай/ Жылаған соң інімді аяп, Жасап бердім.........../Асатаяқ/ Тоныма орап кетіп ем Бүлінбепті............. /Жетіген/.
«Бұл қандай аспап» ойыны. Тақтаға бір оқушы шақырылады. Аспаптың суреті отырған балаларға ғана көрсетіледі. Олар аспапты сипаттайды. Тақтадағы оқушы аспапты дәл табуы керек.
VІІ. Жаңа сабақты бекіту
Сабақты қорыту. Кеспе қағаз 1. Қобыз қандай аспапқа жатады?. 2. Домбыра қай аспаптың түріне жатады? 3. Сыбызғы қай аспатың түріне жатады?