Саба? жоспары ?ыры?буынт?різдес ?сімдіктер б?лімі

Күні: 25.11.2015 ж

Пәні: Биология

Сыныбы: 7

Сабақтың тақырыбы: Қырықбуынтәріздес өсімдіктер бөлімі

Сабақтың мақсаты:

Білімділік:Оқушыларға қырықбуынтәріздес өсімдіктер бөлімі туралы жан-жақты түсінік беру.

Дамытушылық:Пәнге деген қызығушылықтарын арттыра отырып оқушылардың өй өрісін,ойлау қабілетін дамыту.

Тәрбиелік:Адамгершілікке, жауапкершілікке, жан-жақты болуға тәрбиелеу.

Сабақтың түрі:Аралас сабақ

Сабақтың көрнекілігі: үлестірмелер, суреттер

Сабақтың әдісі: Түсіндіру, ауызша, сұрақ-жауап

Сабақтың барысы

1.Ұйымдастыру кезеңі.

Оқушылармен : а) амандасу

ә) түгендеу

б) сабаққа назарларын аудару

2.Үй тапсырмасын сұрау

1.Плаун қандай жерлерде өседі?

2.Плаундар қандай жолдармен көбейеді?

3.Плаундардың спораларынан не пайда болады?

3.Үй тапсырмасын пысықтау

4.Жаңа сабақ

Қырықбуынтәріздестер өсімдіктер дүниесінің бір бөлімі болып табылады.Сабағында буындар мен буынаралықтары көп болғандықтан, өсімдік «қырықбуын» деп аталған.Қырықбуынтәріздестер бұдан 300 млн жыл бұрын тас көмір кезеңінде ағаш тәрізді орман түзген.Қырықбуын - ылғалды топырақ өсімдігі.Көбірек таралған өкілі – далалық қырықбуын.Қырықбуындар көп жылдық, қатқыл сабақты, тамырсабағы дамыған шөптекті өсімдіктер болып табылады.Қырықбуыннның жаздық және көктемдік өркендері болады. Жаздық өркенде фотосинтез үдерісі жүріп – өсу, ал көктемгі өркені көбею қызметін атқарады. Көбеюі суда өтеді. Өсімді, жыныссыз және жынысты жолдармен көбейеді.Қырықбуындар – дәрілік өсімдіктер, улы түрлері де бар.Дәрілік шикізаты қанайналымның әлсіздігінен болатын ісікке, несеп жүргізуге қолданылады.Сонымен бірге қырықбуыннның споралар түзетін масақтары мен сабақтарын тамаққа қолданылады.

5.Сабақты бекіту

1. Қырықбуынның құрылысы қандай?

2.Қырықбуыннның жаздық және көктемдік өркендерінде қандай айырмашылықтар бар?

3.Қырықбуын медицинада қандай мақсатта қолданылады?

6.Үйге тапсырма

§ 20 оқу мазмұндау,

7.Оқушыларды бағалау