?ызы?ты ботаника

Сыныптан тыс жұмыс

Тақырыбы: Қызықты ботаника.

Көрнектілігі: Суреттер, биологиялық диктант,

интерактивті тақта, дидактикалық

тапсырмалар.

Түрі: Дәстүрлі емес сабақ.

Әдіс-тәсілдері: Сайыс, сұрақ-жауап,биологиялық

диктант,топтың және топ

басшысының сайысы.

Мақсаты: Оқушыларды өсімдіктер дүниесінің

құпиясы мен қызығы мол екенін жеткізе

отырып, ойын түрінде, қосымша

материалдардан мағлұмат беру.

Оқушыларды өздігінен іздену, топтасып

жұмыс істеуге, ұйымшылдыққа баулу.

Барысы: Сынып оқушыларын 2 топқа бөліп

топтастыру.Сабаққа алдын-ала

даярланған 2 топқа үй тапсырмасы

берілген.

Тапсырмалар:

1.Топ атын,эмблема, ұран ойластыру.

2.Әр топ қарсыласына 3 сұрақ дайындау керек.

3.Өсімдіктерге байланысты тақпақ немесе мақал-мәтел.

4.Өсімдіктер туралы әңгіме немесе мақала газет-журналдардан.

1-сайыс: «Бой жазу», «Ал, кәне танысайық» топ басшылары топтарын таныстырады, аты, ұраны, эмблемасы.

2-сайыс: «Кім білгір» өсімдіктерге байланысты биологиялық диктант.

Биологиялық диктант.

1.Жапырақтың кеңейген жалпақ бөлімі.

2.Жапырақша саны жұп болады.

3.Егер бір буында үш немесе бінеше жапырақ болса...орналасу болады.

4.Ф.Гук өте ұсақ майда ұяшықтарда микраскоп арқылы көріп,...деп атаған ғалым.

5. Ең алғаш жарық микроскобын ойлап тапқан......

3-сайыс: «Білімдар биолог»

Беріген тапсырмаларды орындау.

1.Тамыр жүйелері?

2.Жапырақтың сабаққа орналасуы?

3. Жапырақ түрлері?

4.Сабақтың түрлері?

1)Тік сабақ дегеніміз не?

2)Жатаған сабақ дегеніміз не?

3)Шырмалғыш сабақ?

4)Өрмелегіш сабақ?

5) Бүршіктің түрлері?

6) Гүл бөлімдері?

7) Пияз гүлінің формуласын жаз.

Сұрақтардың барлығы слайдтар арқылы көрсетіліп беріледі.

4- сайыс: Топ басшылар сайысы.

1) Мәдени өсімдіктердің ішіндегі суға шыдамды жалғыз дақыл. Оның тілім-тілім болып келген өрнекті жапырақтары өте ұқыпты. Олар ылғалды шектен тыс буланып кетуіне жол бермейді. Мықты тамырлары суды жердің терең қабатынан тартып алады, ал сабақтары оны бүйірін күнге қыздырып, суға тойып семіріп жатқан « көк ала торсыққа» жеткізіп отырады. Бұл қандай өсімдік?( Асқабақ)слайд

2) Пиязшығы- кішкене тілшелердің үйі ғана емес, оны көзге көрінбейтін күзетшілері қорғап тұратын әскери бекініс деседе болады.Пиязшықты кесіп алсаң, сен оларды бостандыққа жібергенің, ал олар сенің мұрныңда атқылайды,сөйтіп, сені тіпті жылатып та қояды. Мұндай көрінбейтін күзетшілерді не деп атайды және бұл қандай өсімдік?(Пияз) слайд

3) Бұл өсімдік алғаш рет Еуропада,Мадриттегі ботаникалық бақта гүлденген. Испандықтар- Мексиканы жаулап алушылар оны жеңіс гүлі ретінде алып келген. Бұл гүлдің өз еліндегі атақ-дәрежесі қандай еді? Ол онда арам шөп атанған. Еуропада ұзақ жылдар бойы ол қандай күйге жетті? Бақша гүлі болды. Ал біздің елде қандай атаққа ие болды? Өте құнды май беретін өсімдік екені анықталды. Ол осылайша өмірге қайта келді. Бұл қандай өсімдік?(Күнбағыс) слайд

5- сайыс: «Кім жылдам» . Берілген суреттерді анықта

6- сайыс: «Сен маған, мен саған». Екі топ бір-біріне даярлап кеген сұрақтарын қояды.

7- сайыс: «Кім зерек». Логикалық тапсырма. Берілгендерді дұрыс анықтай білсең, Мексикалық қиярдың аты шығады.

8- сайыс: «Үй тапсырмасы»

1. Өсімдіктер туралы тақпақ немесе мақал-мәтел.

2. Әңгіме, мақаларын оқу.

3. Әзірлеп әкелген гүл макеттерін қорғау.