Сабақтың тақырыбы: Ч.Дарвин және оның түрлердің пайда болу теориясы. Ч.Дарвиннің эволюциялық теориясының негізгі ұстанымдары. Эволюцияның синтетикалық теориясының шығуы.
Сабақтың мақсаты:
Білімділік: Ч.Дарвиннің эволюциялық ілімінің қағидаларының маңызы туралы түсінік қалыптастыру.
Дамытушылық: Оқушылардың қызығуы, ынта – қиялы мен қабылдауы сияқты танымдық қабілеттерін дамыту арқылы айналадағы құбылыстарды байқауға, салыстыруға, талдай білуге дағдыландыру.
Тәрбиелілік: Уақыт, дәлдік, ұқыптылық сезіміне , адамгершілік қарым-қатынастардың мәдениетіне тәрбиелеу.
Сабақтың түрі: Жаңа сабақ
Сабақтың әдісі: баяндау, сұрақ-жауап.
Сабақтың көрнекілігі: сызба-нұсқа,тірек-сызба.
Сабақтың барысы:
Ұйымдастыру бөлімі.
Үй тапсырмасын сұрау.
Жаңа сабақты түсіндіру.
Бекіту.
Үйге тапсырма беру.
Бағалау кезеңі.
І. Амандасу. Сабаққа әзірлеу. Түгендеу.
ІІ. Үй тапсырсын сұрау кезеңі.
“Бәйге” ойыны. Ламарктың эволюция теориясына қосқан еңбегі бойынша ауызша сұрақтар қойып жарыстыру.
”Мыңның жүзін білгенше, бірдің атын біл” ойыны.
Ғалымдар портреттері бойынша олардың еңбектеріне тоқталып кету (мәліметтер қайталанбауы тиіс).
ІІІ. Жаңа сабақты түсіндіру.
Ч.Дарвин ілімінің алғы шарттары.
Қоғамдық-экономикалық:
-Англияда ХІХ ғасырдың алғашқы жартысында өнеркәсіп пен ауыл шаруашылығы қарқынды дамыды.
-Жергілікті мамандар жануарлардың қолтұқымдары мен өсімдіктердің өнімді іріктемелерін көптеп шығара бастады.
Ч.Дарвин ілімінің алғы шарттары.
Ғылымдағы жаңалықтар:
-жасуша теориясының;
-тірі организмдердің ұрықтарының ұқсастығының;
-өлі және тірі табиғаттың химиялық
біртұтастығының;
-аралық формалардың;
-энергияның сақталу заңының ашылуы.
Ч.Дарвин өмірінің кезеңдері.
1809 жылы 12 ақпанда Шрюсбериде дәрігер отбасында өмірге келді.
1826 жылы Эдинбург университетінің медицина факультетіне оқуға түседі.
1829 жылы Кембридж университетінің дін факультетіне түсіп, 1831 жылы бакалавр дәрежесін алады.
Осы жылы “Бигль” кемесімен саяхатқа шығып , одан 1836 жылы оралады.
Ч.Дарвиннің еңбектері:
“ Табиғи сұрыпталу жолымен түрлердің шығуы” (1859).
“Үй хайуанаттары мен мәдени өсімдіктердің өзгеруі” (1868).
“Адамның шығу тегі және жыныстық сұрыпталу” (1871) және т.б.
Ч.Дарвин қолдан сұрыптау туралы:
Үй жануарларының қолтұқымдары мен мәдени өсімдіктер іріктемелерін ғалым қолдан сұрыптау нәтижесі деп есептеді.
Сұрыптауды: мақсатсыз және әдістемелік сұрыптау деп екіге бөлді.
IV. Бекіту кезеңі. Тақырып соныңдағы деңгейлік тапсырмаларды орындау.
ІV. Үй тапсырмасы. §36. 0қу, мазмұндау.
Реферат жазу 1-оқушы. Тақырыбы « Ч.Дарвин еңбектері».
