Просмотр содержимого документа
«Баяндама «Білім беру мен о?уда?ы жа?а т?сілдерді а?ылшын тілі саба?тарында пайдалану. ?шінші де?гейлі о?ыту »»
№30 орта жалпы білім беретін мектеп
Баяндама
«Білім беру мен оқудағы жаңа тәсілдерді ағылшын тілі сабақтарында пайдалану. Үшінші деңгейлі оқыту »
Ж. Досмұхамедов атындағы педегогикалық колледж
(Ғылыми-практикалық конференция)
Дайындаған: Кенжеалиева Бану Сагындыковна
2012-2013 ж
Тақырыбы:Білім беру мен оқудағы жаңа тәсілдерді ағылшын тілі сабақтарында пайдалану. (Үшінші деңгейлі оқыту)
Мақсаты:Оқушының пәнді терең түсіну қабілетін дамыту, алған білімдерін сыныптан тыс жерде, кез келген жағдайда тиімді пайдалана білуін қамтамасыз ету.
Қазақстан Республикасының жалпы білім беретін мектептері педагогтерінің біліктілігін арттыру курстарының бағдарламасынан күтілетін нәтижелер оқушылардың қалай оқу керектігін үйреніп, соның нәтижесінде еркін, өзіндік дәлел-уәждерін нанымды жеткізе білетін, ынталы, сенімді, сыни пікір көзқарастары жүйелі дамыған, қазақ, орыс, ағылшын тілдерін өз деңгейінде меңгерумен қатар, сандық технологияларда құзырлылық танытатын оқушы ретінде қалыптасуын қамтиды.
Мектеп жұмысы мен оқушы жетістіктерін өрістетудегі негізгі тұлға –мұғалім.
Дүние жүзіндегі көптеген мұғалімдердің іс-тәжірибесінен тұрақты орын алған оқыту жұмысын ұйымдастыру мен жоспарлаудың негізгі қағидаттарын қолдану орынды да нәтижелі екендігін дәлелдейтін фактілер бүгінгі таңда ғылыми-педагогикалық әдебиетте жеткілікті деңгейде кездеседі.
Білім берудегі Кембридж тәсілінің теориялық негіздері.
Орта білім беру жүйесінде әлемдік жоғары деңгейге қол жеткізген анағұрлым танымал білім беру әдістемелері арасында сындарлы (конструктивті) теориялық оқытуға негізделген тәсіл кең тараған.
Бұл бағдарламаның басым бөлігі, түрлі тәсілдер қарастырылғанына қарамастан, сындарлы оқыту теориясы негіздерін қамтыған. Бұл теория оқушылардың ойлауын дамыту олардың бұрынғы алған білімдері мен жаңа немесе сыныптағы түрлі дерек көздерінен, мұғалімнен, оқулықтан және достарынан алған білімдерімен өзара әрекеттесуі жағдайында жүзеге асады деген тұжырымға негізделеді. Сындарлы теорияның тиімділігін жақтаушылардың басым бөлігі дайын білім беруге негізделген оқыту тәсілдерінің білімді меңгеру былай тұрсын, олар бойынша терең түсінік қалыптастырып, бастапқы білімді жаңа біліммен өзара байланыстыруға да мүмкіндік тудыра бермейтінін тілге тиек етеді. Дайын білім беруге негізделген «дәстүрлі» әдіс арқылы алынған білім оқушылардың жинақтаған өзге білімдерімен тиімді сіңісе алмайды, сол себепті де механикалық есте сақтау, үстірт білім алу жағдайлары орын алады. Дәстүрлі оқытудан алынған механикалық түрде есте сақталған мәліметтерді емтихан кездерінде ұтымды пайдалануға болады, бірақ мән-мағынасы терең меңгерілмей, жай ғана жатталғандықтан, тақырыпты оқыту аяқталған соң немесе емтихан біткен соң керексіз болып қалады және оқушы оны өмірде пайдалана алмайды. Сындарлы оқытудың мақсаты – оқушының пәнді терең түсіну қабілетін дамыту, алған білімдерін сыныптан тыс жерде, кез келген жағдайда тиімді пайдалана білуін қамтамасыз ету.
БАҒДАРЛАМА МАЗМҰНЫ.
Осы бағдарламаның негізгі міндеті – қазақстандық мұғалімдерге педагогикалық тәжірибесін жетілдіру мен бағалауға көмектесу. Сондықтан білім беру мен оқытудың қазіргі заманғы әдістері мұғалімнің күнделікті тәжірибесі және кәсіби мәнмәтінмен өзара байланыста қарастырылады.
Бағдарлама барысында педагогиканың әртүрлі аспектілері талқыланады. Осы бағдарламаның негізгі қағидаты тәжірибелік қызметті нақты ғылыми зерттеулердің дәлелденген нәтижелерімен кіріктіру болып табылады.
Мұғалімдер,сондай-ақ, қажетті әдебиеттерді өз беттерінше оқи алады. «Мұғалімге арналған нұсқаулықта» негізгі материал тиісті сабақтарда қарастырылатын жеті модульге сараланған. Алайда, осы жеті модульде қарастырылған идеялар сабақта пайдаланылатын жекеленген страгегиялар мен тәсілдер сияқты өзара байланыста болады.
Модульдер:
1) Білім беру мен білім алудағы жаңа тәсілдер.
2) Сыни тұрғыдан ойлауға үйрету.
3) Білім беру үшін бағалау және оқуды бағалау.
4) Білім беруде ақпараттық-коммуникациялық технологияларды пайдалану.
5) Талантты және дарынды балаларды оқыту.
6) Оқушылардың жас ерекшеліктеріне сәйкес білім беру және оқыту.
7) Білім берудегі басқару және көшбасшылық.
Біліктілікті арттыру бағдарламасының негізгі мазмұны жеке жеті модуль түрінде берілген, олар оқыту барысында аралас түрде ұсынылады.
БІЛІМ БЕРУ МЕН БІЛІМ АЛУДАҒЫ ЖАҢА ТӘСІЛДЕР
МҰҒАЛІМДЕР ҚАЛАЙ ОҚУ КЕРЕКТІГІН ҮЙРЕТЕДІ.
Алдыңғы бөлімде білім беру – бұл жекеленген құбылыс немесе дағды емес, ол оқушылардың оқуға қабілетін жақсартуға мүмкіндік беретін педагогикалық тетіктердің біртұтас кешені деп айқындалған. Іске тартылған педагогикалық тетіктердің ішінде мыналарды атап өтуге болады:
• білім беру негізін түсіну, білім беру стильдерін назарға алу және өмір бойы өзін-өзі оқытудың
қажеттілігін мойындау және оның әдістерін таңдау;
• ойлануға жүйелі білім беру;
• өзінің шығармашылық таланттарын және оларды барынша жақсы пайдалану жолдарын
зерттеу және анықтау;
• оқу үдерісі үшін және өзін-өзі тану әдісі ретінде оқуды жақсы көру;
• тілді, есептеуді жақсы игеру және кеңістіктік ойлау қабілетінің болуы;
• сандық технологиялар саласындағы жоғары құзыреттілік.
Келесі бөлімде біз «білім алуды үйрету» деп түсінетін құбылыс және мұғалім оқушыларға осындай оқу тетіктерін қалай бере алатыны қаралады.
СЫНЫПТАҒЫ ДИАЛОГТІҢ МАҢЫЗДЫЛЫҒЫ.
Ғылыми зерттеу нәтижелері сабақта диалогтің маңызды рөл атқаратынын көрсетті. Мерсер мен Литлтон (2007) өз еңбектерінде диалог сабақта оқушылардың қызығушылығын арттырумен қатар олардың білім деңгейінің өсуіне үлес қосатындығын атап көрсетеді. Зерттеулерде ересектермен
интерактивті қарым-қатынас пен достарымен бірігіп жүргізілген жұмыстың балалардың оқуына және когнитивті дамуына әсер ететіндігі айтылған.
Білім беру барысындағы диалог атқаратын негізгі рөлге назар аударуды мақсат етеді. Қазірдің өзінде сыныптағы оқушылардың бірлескен сұхбаты үлкен пайда келтіретіндігін көрсететін жеткілікті дәлелдер бар. Олар:
• оқушылардың тақырып бойынша өз ойларын білдіруіне мүмкіндік береді;
• басқа адамдарда түрлі идеялардың болатындығын оқушылардың түсінулеріне көмектеседі;
• оқушылардың өз идеяларын дәлелдеуіне көмектеседі;
• мұғалімдерге оқушыларға білім беру барысында олардың оқушылары қандай деңгейде екендігін түсінуге көмектеседі.
Көп жағдайда сыныптағы талқылау мұғалімнің басқаруымен тақырып төңірегінде, оқушының дұрыстап және орнымен нені, қашан және қалай айту қажеттігі сипатында болады.
СЫНИ ТҰРҒЫДАН ОЙЛАУДЫ ҮЙРЕТУ.
Сыни тұрғыдан ойлау «ойлау туралы ойлану» деп сипатталған. Ол маңызды мәселелерді талқылауды және тәжірибені ой елегінен өткізуді қамтиды. Мұғалімдер педагогикалық білімі бар және қосымша білім беру мен өз біліктілігін арттырушы субъекттер болғандықтан, оларда бұл дағдылар дамыған және іс-тәжірибеде қолданылады деп ойлаймыз. Сыни тұрғыдан ойлау – Қазақстандағы білім беруді дамыту үшін маңызды болып табылатын қазіргі ең басты педагогикалық түсінік. Бұл модуль оқушылардың да, мұғалімдердің де сыни тұрғыдан ойлауды дамытуды саналы және оймен қабылдауын көздейді.
ОҚЫТУ ҮШІН БАҒАЛАУ ЖӘНЕ ОҚЫТУДЫ БАҒАЛАУ.
Сыныптағы бағалау тек қана техникалық тәсіл емес. Мұғалімдер жазбаша немесе ауызша түрде баға қою жолымен бағалайды. Олар қолданатын кез-келген нысанның артында тек қана объективті немесе жеткілікті дәрежеде объективті емес нормалар мен стандарттар ғана емес, сондай-ақ баланың дамуы, оқуы және уәжі туралы түсінік, сонымен қатар өзін-өзі бағалау,
қабілеттілік және күш-жігер сияқты ұғымдарға қатысты құндылықтар жатады.
БІЛІМ БЕРУДЕ АҚПАРАТТЫҚ-КОММУНИКАЦИЯЛЫҚ
ТЕХНОЛОГИЯЛАРДЫ ҚОЛДАНУ.
Ақпараттық-коммуникациялық технологиялардың (АКТ) дамуы білімді бағалау және пайдалану жүйесін де уақтылы өзгертіп отыруды талап етеді. Осыған байланысты білім беруде қолданылатын әдіс-тәсілдер, әдістемелер, технологиялар жаңартылып отырады. Мысал үшін Ұлыбританияда мұғалім мамандығын таңдап алған бүгінгі жастардың, өздерінің болашақ оқушылары сияқты, жеткілікті дәрежеде сандық сауаты бар, себебі ол өмір
жағдайларының барлық аспектілерінде жаңа технологияның бар
мүмкіндіктерін пайдалана отырып, сандық технологиялармен үнемі өзара әрекеттесетін ұрпақ өкіліне жатады. АКТ оқушыларға ғылыми ұғымдарды
түсіндіруді және олардың қабылдауын, түсінуін жеңілдетуге мүмкіндік беріп, мұғалімдерге сабақ беруде көмектесетін маңызды құрал болып отыр. Сондықтан оқыту барысында осы технологияларды ойланып қолдануды қажет етеді. Осы тарауда ұсынылған ақпараттар мұғалімдерге оқыту
барысында ғылыми жетістіктерді пайдалану, оқытуды жетілдіру мақсатында жаңа сандық технологияларды қолдану бойынша көмек көрсетуге арналған.
ТАЛАНТТЫ ЖӘНЕ ДАРЫНДЫ БАЛАЛАРҒА БІЛІМ БЕРУ.
Барлық мұғалімдер балаларға білім беруде барынша жоғары жетістіктерге қол жеткізу үшiн қолайлы орта жасауға тырысады. Дарынды және талантты балаларға қатысты бұл едәуір күрделі мәселе ойлауды, талқылауды және мұқият жоспарлауды талап етедi. Әртүрлi теориялар мен стратегиялар балаларды оқытудың мазмұнын анықтау үшін тиісті бағдарлама шеңберiнде қолданылады.
Тәжiрибеге жасалған талдау оқушылардың қажеттіліктерін қанағаттандыруда мектеп бүкіл оқушылар үшін мектеп стандартын күрделендіре отырып, бастауыш буын деңгейінде «жалпы- мектептік саясатты» және орта буын деңгейінде «кеңейтілген» мектеп тәсілін құрған жағдайда анағұрлым жоғары нәтижелерге қол жеткізе алатынын көрсетті. Талантты немесе қабілетті үнемі
айқындай отырып бастауыш мектептердiң мұғалiмдерi өздерін «дарынды бақылаушылар» ретiнде көрсетуге тиіс».
ОҚУШЫЛАРДЫҢ ЖАС ЕРЕКШЕЛІКТЕРІНЕ СӘЙКЕС БІЛІМ БЕРУ ЖӘНЕ ОҚУ.
Когнитивтік даму және жас ерекшеліктері.
Когнитивтік даму – баланың оқу және проблемаларды шешу қабілеті. Дәлірек айтқанда, когнитивтік даму оқуға деген қабілеттік, сондай-ақ зейін, сөз сөйлеу дағдылары, ойлау, негіздеу және шығармашылық зияткерлік сияқты қабілеттерді дамытуға және тұрақтандыруға қатысты. Аталған зияткерлік қабілеттер ойлау үдерістерінің сипаты және жасына қарай
олардың өзгеру ықтималдығы туралы маңызды ақпараты бар когнитивтік даму теориясы шеңберінде сипатталады.
БІЛІМ БЕРУДЕГІ БАСҚАРУ ЖӘНЕ КӨШБАСШЫЛЫҚ.
Мұғалімдердің пайдаға асырылмаған зор әлеуетін олардың кәсіби өсуіне, бірлескен кәсіби білім құруларына ықпал ететіндей қолдау көрсетілген жағдайда ғана көрсете алады деген тақырып пікірталасқа негізделеді.
Бұл көзқарасты Хертс Кам Нетворк желісі және «Мұғалім көшбасшылығы» халықаралық жобасы қолдап отыр. Ол педагогикалық жүйе сәтті болу үшін, білім беру (оқыту) барлық деңгейде қатар жүру керек, яғни білім беру оқушыларды, студенттерді, мұғалімдерді және де мектеп жүйесінде қызмет жасайтын қосымша қызметкерлерді түгел қамту керек деген көзқарасқа
негізделген.
Сабақты құру және жоспарлауға арналған кесте
Апта
Күні:
Сабақ№1
Тақырыбы
I’m going to work
Жалпы мақсаты
Оқушыларды алда келе жатқан жазғы демалыс уақытына жоспар жасай алудағы және айтылған жаңа жоспарларын құрып сипаттап өз ойларын жеткізе білуге үйрету.
Күтілетін нәтиже
Грамматикалық құрлымды меңгеру, диалогтық оқытуда фразалық тіркестер мен нақты дұрыс қолдану
Сабақ түрі
Жаңа сабақ
Тапсырмалар
Мәтінмен танысып түсінеді,
қатесіз оқи алады, сөздік қоры молаяды,
көшбасшы айқындалады
Керекті жабдықтар
Постер, маркер, АКТ, оқулық, сөздік
Сабақ барысы:
Сабақ кезеңдері
Мұғалім әрекеті
Оқушы әрекеті
Кіріспе
Organization moment :
Good morning children!
How are you?
What’s weather like today?
What did you do yesterday? Берілген сұрақтарға оқушылар толықтай жауап береді.
Homework: to find about planets. To do presentation
Презентация жасау бұл дарынды оқушыларға жеке дара берілген тапсырма.
(топқа бөлу. Топқа бөлу әдісін үйреніп жатқан 3 тілді алып, оқушыларға бөліп сол бойынша 3топқа топтастыру)
What are you doing to do tomorrow? Берілген сұраққа топтар ассосация құру керек
Оқушылар мұғаліммен амандасып, қал жағдайларын сұрап әңгіме әдісін құрады. Ауа райының құбылыстарын, кеше не істегендері жөнінде мәлімдеп жаңа сабаққа көшіп алады. Содан кейін барып ертеңгі күнге жоспарларын ассосация арқылы құрып алады.
Тұсау кесер
Жаңа тақырып:I am going to work.
What’s going to happen in the 21st century? Топтар сұрақты талқылау.
Do new plan for the next day
What are you going to work on tomorrow?
Топпен сұрақтан жаңа ой, пікірлер айту
Негізгі бөлім
Phonetic drill сергіту сәті
Make dialogue about your plan Деңгейлік тапсырма білімі төмен оқушыларға жеке тапсырма
1.write the past tense of these verbs
Be- see- form- capture- make- orbit-
2.Put am/is/ are into gaps
a) I_ writing this exercise.
b) My sister _ doing gymnastics.
c) Bob and Sally _ watching TV.
d) We _ listening to music.
e) You _ not cooking
Әр топ өз тапсырмалары бойынша жұмыстанады. Топта бірлесіп орындайды. Жоғарғы деңгейдегі оқушылар белсенділік танытып, топқа көмектесіп отырды.
Сергіту сәті
Топ мүшелерімен диалог құрастыру келесі күнге жоспары жөнінде.
Өздігінен жұмыс жасауға , ізденуге талпыныс.
Сыныптағы деңгейі төмен оқушы берілген тапсырманы жеке өзі орындайды, жазады оқиды
Қорытынды
Бекіту
Мәртебесі жоғары сұрақтар
What’s going to happen in the 21st century?
What’s your plan for the future?
Рефлексия
Менің мұғалімім барлығын түсінікті түсіндіреді.
Менің мұғаілімім мен қиналғанда маған көмектеседі
Басқа оқушылар көп сөйлейді
Қорытынды: бағалау
Сабақтағы құрылымды дұрыс пайдаланып, ойлап нақты пікір ой айту.
Сабақтан алған әсерін қағаз бетінде көрсету
Сабақтың өзіндік талдауы
Тәжірибелік сабақты талдау
Сабақ бойынша өзгертулер
Тиімділігі.
Оқытудың қандай жолы қолданылса да, қарастырылатын екі көзқарас бар. Біріншіден, оқушының жеке тұлға және әлеуметтік нысан ретіндегі келешегі, екіншіден, білім берудің оқушы мен мұғалім арасындағы қарым-қатынас нәтижесі ретінде қарастырылуы. Мұғалімнің қасиеттерін бағалау барысында бағалаушы факторлар жиынтығын пайдалана отырып, қасиетті өзінше
түсіндіріп беретіндігін ұғыну қажет.
Сындарлы оқытуға негізделген сабақтар оқушыларға өз білімдері мен
сенімдері жайында ойланып, сұрақтар қойып, білімін толықтырып, белгілі бір тақырыпты оқып-білу кезеңінде өз түсінігін өзгертуге мүмкіндік береді. Бұл үдеріс оқушының өз болжамдарына күмәнмен, сыни тұрғыдан қарай отырып, сол арқылы әлем, тіршілік, жаратылыс туралы өзінің түсінігін тереңдетіп, кеңейтуге ұмтылу мүмкіндігін ұлғайтады. Оқытудың бұл түрінде оқушылар өте маңызды рөл атқарады: олар құрбы-құрдастарымен әлеуметтік байланыс жасау арқылы белсенді түрде білім жинақтайды. Мұғалім оқушылардың оқуына мүмкіндік тудырып, оқу материалы және өзге де қажетті құралдармен қамтамасыз етеді, ал оқушылар өз кезегінде пән бойынша өз түсініктерін арттыру іс-әрекеттеріне ынталы болғаны абзал.
Қорытынды:
Бағдарламаның негізгі мақсаты -оқушыға сындарлы білім беру. Ал, сын тұрғысынан оқыту дегеніміз тамшысымен тас тесетін бейнебір су тәрізді. Олай болса әр сабағымызда бағдарламаның жеті модуль идеяларын ықпалдастыра өткізу арқылы , түрлі жағдайда шешім қабылдап, кез-келген жағдаяттан шыға алатын өзіндік сана сезімі, пайымы қалыптасқан тұлға дайындай аламыз. Бүгінгі заман талабы да осы емес пе!
