Басталуы Ортасы | Ұйымдастыру кезеңі. Сәлемдесу. Жеке заттары бойынша сынып оқушыларын топқа бөлу: әр оқушы өзінің жеке заттарын береді, сол заттарын топтарға іріктеу арқылы топқа бөлу жүзеге асырылады. Топтағы тәртіпті қадағалау, жұмысты ұйымдастыру мақсатында топ басшысын сайлау.Топ ережесін қайталау. Топ ережесі Ынтымақтастық. Қолдау көрсету. Мәдениеттілік. Әділдік. Тапқырлық. Уақытты тиімді пайдалану. Сыйластық. Тәртіп. Белсенділік. Ойын еркін, ашық жеткізу. Үй тапсырмасын тексеру. Сөзжасам. 361-жаттығу. Проблеманы айқындау. -«Лексика» сөзінің мағынасы. Тіл білімінің лексика саласының зерттеу аясы. - Табыс критерийлерін оқушылармен бірлесе отырып құру. Табыс критерийлері: 1. Лексикалық жолмен жасалған туынды сөздердің ерекшелігін білу. 2. Сөздердің мағыналарын ажырата алу. 3. Сөздің жаңа мағыналарына талдау жасай алу. Проблеманы шешу кезеңі. Мәтінмен танысу. «Туынды сөздердің лексикалық жолмен жасалуы дегеніміз – сөздің сыртқы түрі өзгермей-ақ, жаңа мағыналарға ие болуы». Проблема шешімін қолдану кезеңі. Топтарға жеке сөздер жазылған постер таратылып беріледі. Тапсырма - бір сөзден лексикалық жолмен жасалған бірнеше жаңа мағыналы туынды сөзді тауып жазу. Әр топ өз постерін қорғайды. Жаттығу жұмысы. 362-жаттығу. Мына сөздердің қанша мағынада жұмсалатынын табыңыздар. Жол, қырық, тоқсан, тамаша, ашық, тәтті, жаз, бас. 363-жаттығу. Қарамен жазылған сөздерді жақша ішіндегі сөздермен тіркестеріп айтқанда, мағыналарында қандай өзгеріс болатынын түсіндіріңдер. Арам (шөп, тамақ, тер, ойлы, ас); адал (ас, адам, жүрек, кәсіп, құс, сөз, дос); суық (су, сөз, хабар); сары (май, уайым, уыз, ауыз, қотыр, бауыр, су); қалың (киім, жұрт, бет, қамыс); қоңыр (сиыр, жіп, дауыс, салқын, күз, қаз, жел, тарту, аю). | Оқушылардың жеке заттары Оқулық Оқулық А3 парақтары Түрлі – түсті қарандаштар |