Просмотр содержимого документа
«Қазақ тілі мен әдебиеті мұғаліміне арналған шығармашылық есеп»
Шығармашылық есеп
Мен, Кенжетаева Құралай Кенжебайқызы, Мамлют ауданы, Бексейіт коммуналдық мемлекеттік мекемесінде қазақ тілі мен әдебиеті мұғалімі болып қызмет атқарамын. Білімім – жоғары. 1995 жылы Солтүстік Қазақстан университеті тарих-филология факультетін ұлттық мектептердегі қазақ тілі мамандығы бойынша бітіріп шықтым. Біліктілік санатым – бірінші. Еңбек өтілім – 23 жыл.
Бүгінгі шәкірт-ертеңгі ел тізгінін ұстар, мемлекетіміздің болашағы деп тану үшін оқушыға сабақты түрлендіріп, қызықты ұйымдастыру керек. Сондықтан мен өзім алдыма бір ғана мақсат қойдым: сапалы білім беру - мұғалімнің міндеті. Осы міндетке жету үшін әр түрлі технологияларды қолданудамын.
Әдістемелік мәселем: «Жаңа үрдіс тәсілдерді қолдана отырып, оқушылардың тілдік талдау дағдыларын дамыту» Сертификатталған мұғалім болғандықтан, әр сабақты жаңаша жоспарлауға тырысамын. Осы мәселемді шешу барысында әрдайым топтық жұмыстар ұйымдастырамын. Топтық жұмыс оқушылар арасында әлеуметтік өзара қарым-қатынасты, тиімді араласу және проблемаларды шешу дағдыларын дамытуға ықпал етеді. Бұл өз кезегінде оқушыларды өздерінің оқуларына белсенді қатысуға итермелейді. Оқушыларды алынған ақпаратты ойластыруға және талқылауға өзгелердің пікірлерін түсінуге немесе теріске шығаруға ынталандырған жағдайда топтық жұмыс тиімді болады. Топтық жұмысты ұйымдастыру арқылы жаңа заманға сай білімді, қазақ тілі мен әдебиетін сүйетін тұлға қалыптасатынына менің көзім жетіп отыр. Сабақты топтастырып өткізу оқытуда жаңа нәтижеге қол жеткізеді деп ойлаймын. Балалар сабақта еркін сөйлейтін болды, ойларын сенімді түрде жеткізе алатын болды, тұйық оқушылар ашыла бастады. Білім сапасы да дәстүрлі оқытуға қарағанда арта бастады.
Соның нәтижесінде оқушыларым жыл сайын облыстық пән олимпиадаларының, аудандық «Жарқын болашақ», Қ. Бітібаева атындағы олимпиаданың, шығармалар байқауының жеңімпаздары.
Өзімнің іс-тәжірибеммен мектепішілік, аудандық коучингтерде, семинарларда, облыс көлемінде өтіп жатқан тамыз кеңесінде, ауданда шеберлік сыныптарын көрсетіп, бөлісіп тұрамын. ҰБТ бойынша орташа көрсеткіш – 21,5 ұпай.
Біліктілікті арттыру – кәсіби құзыреттіліктің негізі. Сондықтан үнемі өзімнің біліктілігімді арттырып отырамын. 2013 жылы ол Қазақстан Республикасы педагог кадрларының біліктілігін арттырудың деңгейлі бағдарламалары аясында екінші (негізгі) деңгей бағдарламасы бойынша курстан аяқтап, сертификат алдым. Бұқаралық ақпарат құралдарына мақалалар жариялап отырамын. Облыстық «Солтүстік Қазақстан» газетіне және аудандық «Солтүстік Қазақстан» газеттерінда мақалаларым басылып шықты.
«Білім беру жүйесін жаңғырту жағдайында қазақ тілі мен әдебиеті пәнін оқыту процесінде жаңа педагогикалық технологияларды қолдану тиімділігі» тақырыбында облыстық тамыз секциясында шеберлік сабақ өткіздім.
«Сындарлы оқыту – заман талабы» тақырыбы бойынша аудан көлемінде семинар өткіздім.
Аудандық білім бөлімінен олимпиадалар мен Абай, Махамбет оқуларына оқушыларды сапалы даярлағаны үшін грамоталармен марапатталдым. Адал еңбегі, білімді дамытуға және өсіп келе жатқан ұрпақты тәрбиелеуге маңызды үлес қосқаны үшін аудан әкімінің құрмет грамотасы мен алғыс хатымен марапатталдым.
Осындай биік нәтижеге қол жеткізуді - кәсіби құзіреттілігі жоғары мұғалім ғана жүзеге асырмақ.