«Ерте және мәжбүрлі некелердің алдын алу» әдістемелік құралы
негізінде тәрбиелік шаралардың орындалуы жөнінде хабарламасы
2017 жыл 12 мамыр
№20 жалпы орта білім беретін мектепте Жылыой аудандық білім бөлімінің 2017 жылғы 02 мамырда Атырау облыстық Білім беру басқармасы 2017 жылғы 13 сәуірдегі №18-6/444 санды хатымен келген «Ерте және мәжбүрлі некелердің алдын алу» әдістемелік құрал негізінде іс-шаралар жоспары жасақталып,бекітілді. Ата-аналардың,оқушылардың құқықтық білімдерін арттыру, азаматтық міндеттерін өз құқықтарымен байланыстыра отырып сезінуге тәрбиелеу мақсатында «Ерте жастағы және күштеп қиылатын неке дегеніміз не?» «Ерте жастағы және күштеп қиылатын некелердің алдын алу» ДТІЖО К.С.Сабирова ата-аналар мен оқушыларға түсіндіру жұмыстарын жүргізу кезінде негізгі үндеулер,ата-аналар жиналысын өткізді. Өз өмірін және уақытын қадірлей білетін, өмір мәнін түсінетін,өзгенің де, өзінің де құқықтары мен міндеттерін білетін, болашағын бағамдай алатын, заманауи құндылықтарды білетін, парасатты әрі саналы тұлға қалыптастыру мақсатында бұрыш ұйымдастырылды. Адамның және адамзаттың құқықтары мен бас бостандықтарын қамтамасыз ету және қорғау – конституциялық заңдылықтың басты талабы екендігін ұғындыру мақсатында «Құқық» пәнінің мұғалімі Б.Инебаева «Қыз балалар құқықтарын көтермелеу негізінде «Адам құқықтары»тақырыбында 11 сынып оқушыларына танымдық сабақ өткізді. Балаларға қатыгездікпен қарау мәселесі бойынша ата-аналарды ақпараттандыру және жәбірлеуді болдыртпайтын және оның алдын алуда ата-ананың міндетін түсіндіру, тұрмыстық зорлық-зомбылықтың алдын алу мақсатында Т.Тұрғанбайқызы «Жанұяда балаға зорлық-зомбылық болмасын!»тақырыбында 2 сынып ата-аналарына тренинг ұйымдастырды. Әрбір адам жеке тұлға және ешкімге ұқсамайтынын жеткізу,өз өміріміз өз қолымызда екенін түсіндіру,ережелерді білуге қабылдау және өзін-өзі бағалау декларациясымен таныстырып,өмір құндылығын сезіндіру мақсатында психолог А.Ауелбаева мен әлеуметтік педагог К.С.Сабирова «Бала өміріндегі жәбірлеу» тақырыбында ата-аналарға тренинг өткізді. Оқушыларға зорлық зомбылық туралы мағлұмат беру, зорлық –зомбылық адам ағзасына тікелей әсер ететінін түсіндіру,
жаман әдеттерден бойларын аулақ ұстап, ондай әрекеттерге бармауға тәрбиелеу, адамгершілігі мол саналы азамат болып өсуіне ықпал жасау мақсатында С.Сапаркулова 10 сынып оқушыларына «Мен зорлық-зомбылыққа қарсымын» тақырыбында 10 сынып оқушыларына сынып сағатын тренинг түрінде өткізді. Бүгініміз де, ертеңіміз де, болашағымыз да бұлдыр болмай, айқын болсын десек, әлем болып қорғалып жатқан құқықтарымызды дұрыс пайдалана біліп, өзгенің де дәл өзіміздей адам екенін естен шығармау мақсатында «Ислам әйелдердің отбасындағы ролі және әйелдер мен қыз балаларға қатысты зорлық-зомбылыққа қарсылығы туралы» түсіндіру жұмыстары жүргізілді.Әлемдік өркениеттің жалпы адамзатқа тән құндылықтары негiзiнде оларды жоғары имандылық қасиеттерге, елжандылық пен азаматтыққа тәрбиелеу, олардың бойында ұлттық сана-сезiмдi қалыптастыру принциптерiнiң басымдығына реттеу мақсатында Г.Төлеуова «Қыздарымызды бірге қорғаймыз» тақырыбында 1 сынып ата-аналарына сынып сағаты тренинг түрінде өткізсе, Н.Бектілеуова «Отбасындағы зорлық-зомбылыққа жол жоқ!»тақырыбында 4 сынып оқушыларына сынып сағатын өткізді.Жасөспірімдердің ортасындағы зорлық,қатыгездік мәселелер туралы ақпарат беру,алдын алу шарттарымен таныстыру,шешу жолдарын анықтау мақсатында психолог А.Ауелбаева мен әлеуметтік педагог К.С.Сабирова «Сіздер есейіп келесіздер» тақырыбында 9 сынып оқушыларына тренинг ұйымдастырды. Өмірдегі түрлі жағдайларда дұрыс әрекет етуге,олар қандай болмасын жағымсыз оқиғаға қалай түспеу керектігі жөнінде толығырақ ақпарат беру, ептілікті үйрету мақсатында мейірбике Н.Еңсепова «Репродуктивті денсаулық» тақырыбында мектеп оқушыларына тренинг өткізді.Ғасыр дертіне айналып отырған кеселдің залалын жан-жақты меңгерту,зиянды әдеттерден аулақ болып, өзін де, өзгені де зиянды әдеттердің қасіретінен қорғай білуге,оқушылардың бойында салауатты өмір салтын берік қалыптастыру, жеке тұлғаның санасын дамыту, өмірге деген көзқарастарын қалыптастыру мақсатында мейірбике Н.Еңсепова «ВИЧ/СПИД-тің алдын алу» тақырыбында ата-аналар мен оқушыларға тренинг өткізілді.
К.С.Сабирова
№20 орта мектептің әлеуметтік педагогы
