Сценарий конкурса чтецов “Айрылып китсәм дә синнән, гомремең таңында мин. ”, посвященный дню рождения Габдуллы Тукая

Внеклассное мероприятие – конкурс чтецов

“Айрылып китсәм дә синнән, гомремең таңында мин... ” , посвященный

дню рождения Г.Тукая

Составила: Саттарова Гулюса Явдатовна

учитель татарского языка и литературы,

МАУО “Надежда” г.Нижнекамска

г. Нижнекамск – апрель, 2014

Максатлар: 1) Укучыларда Г. Тукай иҗатына кызыксыну уяту;

2) сәнгатьле уку күнекмәләрен формалаштыру;

3) татар шигырьләре ярдәмендә патриотик хис тәрбияләү.

Җиһазландыру: плакатлар, презентация.

1 слайд ( Г. Тукай портреты)

( Мелодия һәм “Шүрәле”, “Су анасы” ның сәнгатьле уку версиясе яңгырый)

1 а.б. Исәнмесез, хөрмәтле укучылар һәм кунаклар!

2 слайд ( Г. Тукай фотолары)

Тарих бик күп исемнәрне белә,

Бөек исемнәргә дөнья бай;

Сәнгать дөньясында маяк булып,

Мәңге яши, яшьни яшь Тукай!

Бүген без дә бөек шагыйрьнең иҗатын яратучы, хөрмәт итүчеләр һәм аның шигырьләрен яттан сөйләүчеләр конкурсына җыелдык.

2 а.б. Жюри әгъзалары белән таныштырып китик.(...).

Һәр татар баласының теле “Туган тел” шигыре белән ачыла.

( “Туган тел” җырының 1нче куплеты яңгырый)+ 3 слайд ( фотолар)

1 а.б. Ә хәзер беренче конкурсантларыбызны чакырабыз. 2А сыйныфы укучылары Палто Данил һәм Таҗиева Элвина Габдулла Тукайның “Бала белән күбәләк” шигырен укып китәрләр.

4 слайд ( фотолар)

2 а.б. Шигъре Лермонтов вә Пушкин –

Олугъ саф диңгез ул;

Хәзрәте Пушкин вә Лермонтов,

Тукай – өч йолдыз ул!

Алдагы укучыларыбызны сәхнәгә чакырабыз. 3А сыйныфы укчылары Долганова Полина белән Бикбулатов Артур “Фатима и соловей” шигырен укып китәрләр.

5 слайд ( фотолар)

1 а.б. Халкым күңеленә ак нур сиптең,

Кара төндә булдың якты ай;

Шаулы язның сүнмәс тугаедай,

Мәңге дәртле җырчы син, Тукай!

Тукай иҗаты белән кызыксынучы 4А сыйныфы укучылары Мөбәрәкова Ләйләне “Җир йокысы”, Верещагин Данилны “Чыршы” шигырьләре белән сәхнәгә чакырабыз.

6 слайд ( фотолар)

2 а.б. Үксез тормыш читкә типкән чакта,

Иркәләде мине киң Кырлай;

Моңлы Кырлай урманнары ничек,

Шигъриятең синең шулай бай.

Г. Тукай иҗатының бай булуын тагын бер тапкыр 5А сыйныфы укучысы “Бабай” шигыре белән Сычева Мария раслап китәр.

7 слайд ( әкиятләрдән фотолар)

1 а.б. Урам ташларыннан эзләмәгез,

Тукай баскан утлы эзләрне.

Йөрәкләрдән аны сез эзләгез,

Йөрәкләрдә – Тукай сүзләре.

Тукай сүзләрен безнең йөрәкләргә 5Г сыйныфы укчылары Моисеенко Егор белән Коробков Олег үзләренең “Туган авыл” һәм “Җир йокысы” шигырьләре белән җиткерерләр.

8 слайд

2 а.б. Чал Иделдә бозлар ташкан чакта,

Килгән чакта җиргә җылы май;

Шигырь бәйрәмнәре үткерәбез,

Яшәтәбез сине, яшь Тукай!

Без дә шигырь бәйрәмендә катнашучы һәм Тукайны яшәтүче 6А сыйныфы укучыларын - Низамов Алмазны һәм Миндубаев Илһамны чакырабыз. Алар безгә шагыйребезнең онытылмас “Үз үземә” һәм “Бичара куян” шигырьләрен укып китәрләр.

9 слайд

1 а.б. Тел бирелгән гаделлекне

Һәм намусны якларга.

Бирелгән илне, җирне һәм ...

Телнең үзен сакларга.

Тукай абый телен саклап калучыларны - 8Г сыйныфы кучыларын Гарифуллин Наилне һәм Вәлиева Әдиләне чакырабыз. Алар саф татар телендә матур итеп “Киңәш” һәм “Карлыгач” шигырьләрен укып китәрләр.

10 слайд

2 а.б. Дусларым, кардәшләрем,

Тукай – бөек исем шул.

Кичәбезнең түрендә

Бүген олы кунак ул.

8А сыйныфы укчылары Алексеева Марина һәм Камалова Алия “Кошларга” һәм “Иртә” шигырьләрен укып китәрләр.

1 а.б. Безнең конкурсыбыз ахырына якынлашты һәм сүзне жюрига бирәбез.( жюри җиңүчеләрне билгели һәм игълан итә).

2 а.б. Әфәриннәр!

Туган телне, күңел гөле итеп,

Саф көенчә сакла гомергә.

Рухи кыйблаң булсын – Тукай моңы,

Илең йөрсен уйда гел бергә.

1 а.б. Шуның белән безнең конкурсыбыз тәмам.Сау булыгыз!