Разработка открытого урока по технологии на тему: "Тал ағашынан құс ұясын дайындау"

ТЕХНОЛОГИЯЛЫҚ КАРТА

Омарқұлов Шынарбай

№ 275 мектеп Байқоңыр қаласы 8 сынып

Сабақтың тақырыбы :Тал ағашынан құс ұясын дайындау.

Сабақтың мақсаты: оқушыларға ағаштың түрлерін қасиеттерін түсіндіре отырып, бүтін ағашты өңдеу арқылы құс үйін дайындауды үйрету.

Материалды үнемдеуге, ұқыптылыққа, шеберлікке баулу, ойлау қабілетін жетілдіру, еңбекпен ұштастыру.

Оқушыларды ізденімпаздыққа,тазалыққа, әсемдікке, еңбекке тәрбиелеу.

Сабақтың типі: жаңа білімді меңгерту.

Сабақ түрі: дәстүрлі сабақ.

Сабақ әдісі: сұрақ-жауап, түсіндірмелі сарамандық жұмыс.

Пәнаралық байланыс: сызу, химия.

Қолданатын құралдар: балға, қашау, егеу, зімпара.

Сабақ көрнектілігі: нұсқау карта, плакат, ағаш түрлері, дайын бұйым.

Материал: ағаш.

Жоспар

1. Ұйымдастыру кезеңі

2. Үй тапсырмасын сұрау

3. Жаңа тақырып түсіндіру

4. Жаңа тақырыпты түсінгені бойынша, жұмысын, білімін тексеру, бекіту

5. Жаңа сабақты қорытындылау, бағалау

6. Үйге тапсырма

Ұйымдастыру кезеңі

Оқушыларды түгелдеу, жұмыс киімін, сабаққа дайыдығын тексеру

Үй тапсырмасын сұрау

1. Тері илеудің мақсаты не?

б) Теріні табиғи жолмен бояудың қандай әдістерін білесің?

в) Аң мен жануар терісін илегенде қайсысы жеңілдеу?

г) Иленбеген ткрімен не қаптауға болады?

г) Иленген теріден, қандай киелі бұйымдар жасауға болады?

Үй тапсырмасын бекіту

Жаңа тақырыпқа көшу

Біздің Қазақстан табиғаты орманға бай. Орманда сан алуан ағаштар түрі өседі. Ерте кезде ата-бабаларымыз, ағаштардан түрлі, адам таңқаларлықтай жәдігерлік бұйымдар жасаған. Шет елден келген қонақтарда мұражайдағы бұйымдарға сұраныс және өте жоғары баға береді. Міне оқушылар, осыған орай , біз ата-баба дәстүрін шыңдап, жалғастыра беруіміз керек. Бүгінгі біздің өткелі отырған сабағымыз, тал ағашынан құс үйін дайындау.

Ескерту, орманда, түзде өсіп тұрған жас талдарды кесіп қолдануға тиым салынады. Қартайған, құлаған ағаштар молынан кездеседі. Дайындау тәсілі өте қарапайым.

Ағашты өлшеп кесіп алып, қашаумен ұңғылап оямыз, балғаның көмегі қажет етеді. Ағаш оюдың екі кезеңі бар.

I – кезеңде, құстың кіретін ұя аузын ұңғылап алған жөн.

II – кезеңде, төбесін ұңғылаймыз.

Себебі: бірінші төбесінен ұңғыласаң, аузын ұңғылау кезінде ағаш сынып кетеді.

Құс үйінің төбесін дайындау.

Ағаштың қақ ортасынан араның көмегімен кесіп, құс үйі төбесін дайындаймыз. Төбесін бекітуге ағаш желімін пайдаланамыз.

Нұсқау картада көтсетілгендей, құс үйін дайындау кезінде, өлшемді әр оқушы өзі қоюына болады. Қажет құралдар: ара, қашау, балға, ағаш желімі. Бұйымның әдемі, ұқыпты жасалуына әр оқушының шеберлігі байқатады. Құралдарды пайдалану кезінде «Қауіпсіздікті болдырмау ережесі» қатаң сақталуы керек.

Іс жүзінде мұғалім дайын бұйымды көрсетеді.

Жаңа тақырыпты бекіту

• Қандай ағаш түрлерін білеміз?

• Ағаштан жасалатын қандай жәдігерлік бұйымдарды білесің?

• Ағашты бекітуге ағаш желімінен басқа қандай желім пайдалануға болады?

• Қандай ағаш жеңіл ойылады?

Жасалған бұйымды тексеріп, қателерін жетілдіру, бағалау.

Үйге тапсырма: Жәдігерлік бұйымдар түрлерін біліп келу.