Інтаграваны ўрок беларускай мовы і музыкі ў 5 класе "Вясна - цудоўная пара года”
Інтаграваны ўрок беларускай мовы і музыкі ў 5 класе "Вясна - цудоўная пара года”
Тэма: Вясна – цудоўная пара года
Мэта: абудзіць цікавасць вучняў да прыгажосці роднай прыроды вясною, дапамагчы вызначыць, як у літаратуры, музыцы, жывапісе раскрываецца вобраз вясны, звяруць увагу на цесную ўзаемасувязь паміж такімі прадметамі як беларуская літаратура, музыка, выяўленчае мастацтва;
Просмотр содержимого документа
«Інтаграваны ўрок беларускай мовы і музыкі ў 5 класе "Вясна - цудоўная пара года”»
Інтэграваны ўрок беларускай літаратуры і музыкі ў 5 класе
Тэма: Вясна – цудоўная пара года
Мэта: абудзіць цікавасць вучняў да прыгажосці роднай прыроды вясною, дапамагчы вызначыць, як у літаратуры, музыцы, жывапісе раскрываецца вобраз вясны, звяруць увагу на цесную ўзаемасувязь паміж такімі прадметамі як беларуская літаратура, музыка, выяўленчае мастацтва;
Стварыць умовы для выхавання мастацкага густу, пачуцця любові да прыроды роднага краю
О, вясна! О, вясна-чараўніца!
Ты прыйшла! Ты з’явілася зноў –
Прыгажуня ў квяцістай спадніцы,
Вышываны падол - з дзьмухаўцоў
Т. Дзям’янава “О, вясна”
Ход урока
І Арганізацыйны момант
Настаўнік літаратуры
Добры дзень! Мы рады вас бачыць, сядайце. Сёння наш урок літаратуры незвычайны. Па-першае, гэта ўрок развіцця маўлення, па-другое, праводзіць яго мы будзем разам з настаўніцай музыкі . Пачаць урок мне хочацца з верша Т. Дзям’янавай “О, вясна” ( чытае вучань)
О, вясна...
О, вясна! О, вясна-чараўніца!
Ты прыйшла! Ты з'явілася зноў –
Прыгажуня ў квяцістай спадніцы,
Вышываны падол – з дзьмухаўцоў!
Ты зляцела аднекуль на дрэвы...
Узбудзіла пупышачкі ў рост...
Падхапіла птушыныя спевы,
Захмялеўшы ад соку бяроз.
Ты аблашчыла сонейкам дахі
І зямлю – і палі, і лясы.
Ты распырскала дзіўныя пахі
І – брыльянтамі – кроплі расы.
На траву, на душу, на далоні,
На абшары дуброў і гаёў
Ты рассыпала гукі сімфоній
І дуэты шальных салаўёў.
ІІ Новая тэма
Настаўнік літаратуры
Вясна… Кожны чалавек па-свойму любіць гэтую пару года. Аднаму яна падабаецца птушыным шчэбетам, другому – гулкімі крыгаходамі. У многіх вясна выклікае прыліў жыццёвых сіл, невядомую радасць, надае надзею на лепшае.
Гэтай парой года захапляліся многія паэты і пісьменнікі, мастакі і кампазітары, і кожны з іх па-свойму паказаў вясну ў сваіх творах. Тэма нашага ўрока развіцця мовы – “Вясна – цудоўная пара года”
Сёння на ўроку мы будзем вучыцца слухаць, бачыць і разумець прыгажосць вясны, якая створана паэтамі, кампазітарамі, мастакамі.
Запішыце дату і тэму ўрока ў сшыткі.
Вясна бывае розная: з яркім сонцам і булькатаннем ручайкоў, са снегам і марозам, са спевам птушак і з’яўленнем першых кветак.
Тонка адчуваюць, бачаць усе змены ў прыродзе толькі людзі з чуйным сэрцам.
Настаўнік музыкі. Паслухайце ўрывак з п’есы “Поры года” Чайкоўскага (аналіз урыўка)
Настаўнік літаратуры
Паслухайце верш Анатолля Грачанікава “Капяжы” (чытае вучань)
Капяжы...
Капяжы,
Капяжы са стрэх.
Верабей —
Кіпцюркі сагрэў,
Ацяжэў набрынялы снег.
Ацяжэлі галіны дрэў.
Нібы першы вясновы гром,
Рэха кінуўшы між бароў,
Абудзіў раку крыгалом,
У гурты пазбіраў звяроў.
Пад птушыны нясмелы ўскрык
Ручаінка з гары паўзе.
Сакавік —
Вясны маладзік —
Праразаецца пакрысе.
Пытанні
1 Якія карціны вясны ўзніклі ў вашым уяўленні?
2 Ці ёсць што агульнае ў вершы і музычнай кампазіцыі, якую вы праслухалі?
3 Які перыя вясны паказаў паэт у вершы?
4 Чаму такую назву атрымаў першы месяц вясны? ( адказ вучня)
5 Якія прыказкі, прымаўкі, звязаныя з назвай гэтага месяца, вы ведаеце?
Прыказкі і прымаўкі
- Сакавік часамі снегам сее, а часамі сонцам грэе.
-Сакавік зялёны – ураджай благі.
-Як у сакавіку туман, дык у жніво дождж –пан.
-Няма ў сакавіку вады – няма ў красавіку травы.
Заданне па жывапісе
( Вучням прадстаўлены рад рэпрадукцый карцін мастакоў пра раннюю вясну)
Звярніце ўвагу на рэпрадукцыіі карцін і выберыце тую, якая адпавядае тэме нашай гаворкі.
- Чаму вы выбралі менавіта гэтую рэпрадукцыю? Што імкнуўся паказаць мастак на сваёй карціне? Якія фарбы выкарыстоўвае ?
Сапраўды, у гэтых трох відах мастацтва аўтары паказалі сваё бачанне пачатку вясны – першага месяца сакавіка.
Настаўнік літаратуры
Другі месяц вясны – красавік. Чаму ён мае такую назву? (адказ вучня)
А зараз я прапаную адгадаць вам загадкі.
Загадкі
1 Чакае дзявіца з-пад снегу вадзіцы,
А пройдзе па ўзлеску, то з’явяцца пралескі ( вясна)
2 Глянеш – заплачаш, а ўсе яму рады ( сонца)
3 З-пад снегу расцвітае,
Раней за ўсіх вясну сустракае (пралеска)
Так, першай веснавой кветкай з’яўляецца пралеска.
Настаўнік музыкі прадстаўляе мініяцюру “Пралеска і матылёк”
Настаўнік літаратуры. З гэтай мініяцюры вы даведаліся ,чаму пралеска набыла блакітны колер. А як з’явілася пралеска мы даведаемся з беларускага фальклору, у якім ёсць шмат легендаў пра ўзнікненне першых веснавых кветак. Паслухаем адну з іх ( вучань расказвае легенду).
- А як у паэзіі раскрываецца вобраз першай кветкі вясны – пралескі?
( вучань чытае вершы В. Вярбы “Пралеска”)
Пралеска
Белыя бярозы
Спалі на узлеску,
Як сваю галоўку
Узняла пралеска.
Тоненькую ножку
З-пад пярыны белай
На зямлю пралеска
Ставіла нясмела.
А снягі наўкола —
Ні канца ні краю,
Страшна стала кветцы:
«Я адна — жывая!»
Кажа зверху сонца:
«Зорачка лясная,
З новым нараджэннем
Я цябе вітаю!»
Белыя бярозы
Разам зашапталі:
«Мы цябе, пралеска
Ўсю зіму чакалі».
І старая елка
Голасна ўздыхнула:
«Лета надыходзіць,
А зіма мінула»
Пытанні
1 Як прырода сустракае пралеску?
2 Якой вам уяўляецца пралеска ?
3 Назавіце адухаўленні ў вершы?
4 Чым падобнае апісанне пралескі ў мініяцюры, легендзе і вершы? Назавіце азначэнні, якія б ахарактарызавалі пралеску.
Фізкульхвілінка (праводзіць настаўнік музыкі)
Настаўнік літаратуры
Вось мы і падышлі да апошняга месяца вясны – мая. Чаму такую назву мае гэты месяц? ( адказ вучня)
Паглядзіце на рэпрадукцыю карціны І. Ваставухава ( “Першая зеляніна”). Якую пару вясны паказаў аўтар на сваім палатне? Якія фарбы на ім пераважаюць? Дайце назву карціне, выкарыстоўваючы радкі з паэтычных твораў і патлумачце свой выбар ( на дошцы прымацаваны некалькі цытат з вершаў:
1 Сонейкам цёпленькім,зеленню вабнаю
Абдаравала зямельку вясна (Я. Купала “Вясна”)
2 Вясна-прыгажуня ідзе!
Хто ў шапку не спіць, той збірае яе пацалункі…( Т.Дзям’янава “Вясна”)
3 Зямля гасцінна засцілае
Абрус зялёны свій на стол (Я.Колас “Ідзе вясна”)
4 Траўка вылезла ў канаўцы,
А ў бары – чуваць за мілі -
Музыканты-выканаўцы конкурс майскі аб’явілі (Н. Гілевіч “Свята зямлі”)
Настаўнік музыкі знаёміць вучняў з музычнай кампазіцыяй Вівальдзі.
Настаўнік літаратуры. Прачытайце вершы, у якіх паказана вясна ў сваім росквіце ( вучні чытаюць вершы на памяць ( 3 вучні)
Настаўнік музыкі аналізуе музычную кампазіцыю Глінкі
ІІІ Абагульненне
Сёння на ўроку мы гаварылі з вамі пра тры веснавыя месяцы, якія ў народзе маюць свае назвы. Якія?
Сонца, вясна, прырода – гэта сімвалы вечнасці. Напэўна, няма ні аднаго мастака, кампазітара, паэта, які не праспяваў бы гімн вясне. Толькі кожны з іх робіць гэта па-свойму: паэт – вершамі, мастак з дапамогай фарбаў, а кампазітар выкарыстоўвае чароўныя гукі музыкі, і ў гэтым мы з вамі ўпэўніліся на ўроку.
VІ Рэфлексія
Ацаніце сваю працу на ўроку праз складанне сінквейна да слова вясна ( праца па групах)
Вясна
Чароўная, прыгожая
Абуджае, напаўняе, упрыгожвае
Вясна – цудоўная пара года
Прыгажосць
V Выстаўленне адзнак
V І Дамашняе заданне
Скласці свой шэдэўр, прысвечаны вясне (апавяданне, верш, казку ці міні-сачыненне “Вясна – цудоўная пара года”)