Жаңа ақпараттық технологияның білім беру саласындағы маңызы
Кенжебекова Жаңагүл Серікбайқызы
№ 15 мектеп – лицей бағдарламашысы
«Еліміздің ертеңі бүгінгі жас ұрпақтың қолында,
ал жас ұрпақ тағдыры ұстаздың қолында»
Н.Ә.Назарбаев
Ертеңгі келер күннің бүгінгіден гөрі нұрлы болуына ықпал етіп, адамзат қоғамын алға апаратын құдіретті күш тек білімге ғана тән. Олай болса, білім беруді ізгілендіру, ақпараттандыру – бүгінгі заман талабы. Ақпараттық білімнің, орта мен адамның өзара қарым-қатынасын үйлесімді ету және жаңа ақпараттық қоғамда ақпараттық технологияны пайдалану, ақпараттық мәдениетпен байланысын кеңейту мүмкіндіктері мол. Өркениеттің өсуі ақпараттық қоғамның қалыптасуымен тікелей байланысты екенін ескерсек, қазіргі кездегі білім мен техниканың даму деңгейі әрбір адамға сапалы және терең білім мен кәсіби іскерліктердің болуын, жастардың белсенді шығармашылықпен жұмыс істеуін талап етеді.
Сабақта ақпараттық технологияларды пайдалану арқылы оқушылардың ақпараттық құзіреттілігін қалыптастыру, қазіргі заман талабына сай ақпараттық технологияларды, электрондық оқулықтарды және Интернет ресурстарды пайдалану оқушының білім беру үрдісінде шығармашылық қабілетін дамытуға мүмкіндік береді. Оқушылардың ақпараттық құзіреттілігі мен ақпараттық мәдениетiн қалыптастыру қазiргi таңда үздiксiз педагогикалық бiлiм беру жүйесiндегi ең көкейтестi мәселелердiң бiрiне айналып отыр.
Білім ақпараттық қоғамда, жаһандану заманында құнның негізгі көзіне айналуда. Ғылым мен жаңа технологияларды, білім беруді дамытудың жаһандық үрдістеріне интернет ресурстары Bilimland, iMektep, iTest, Twig-Bilim онлайн жобаларын №15 мектеп – лицей мұғалімдері сабақ барысында өздеріне қажетті ақпараттарды осы интернет ресурстарынан алып, білім базаларын толықтыруда. Сондай – ақ білім алушы оқушыларда керекті ақпарат көздерін жинақтап, сабақта пайдалануда. Bilimland - арқылы оқыту оқушылардың өзара ақпарат алмасуын мүмкін етеді, танымдық қызметін арттырады, білім алуға қызығушылық ұлғайып, өз бетінше ізденуге ұмтылдырады. Оқушылардың мұндай қабілеттерін ашып, танымдық іс-әрекетін қалыптастыратын әрине, мұғалім екені даусыз. Оқытудың бұл жүйелерінде мұғалім тек басшылық жасайды әрі ұйымдастырушы, бағыттаушы рөлінде болады.
Bilimland.kz деп аталатын интерактивті сабақтардан тұратын білім беру платформасын іске қосты. Сонымен бірге Қазақстанның ашық кітапханасы kitap.kz жобасына техникалық және ақпараттық көмекті білім беру базасында маңызды рөлге ие болып отыр. Бұл жобада мұғалім не оқушы болсын қолжетімді ақпаратты осы kitap.kz ашық кітапханасынан өзіне қажетті кітап нәрі көздерін тезарада тауып уақытты үнемдеуге жол беріп отыр.
Әдебиеттер тізімі:
1. Қазақстан Республикасының «Білім туралы» Заңы
2. http://www.nis.edu.kz/
3.Мұхамбетжанова С.Т., Мелдебекова М.Т. Педагогтардың ақпараттық – коммуникациялық технологияларды қолдану бойынша құзырлылықтарын қалыптастыру әдістемесі. Алматы: ЖШС «Дайыр Баспа», 2010 ж.