Музыка пәні "Бейбітшіліктің ақ құсын әнге қосқан – А.Қ.Жұбанов"

Ақтөбе қаласы,

№48 орта мектебінің музыка пәні мұғалімі Кулбасова Аманкул Мереевна

Класы:  3а, 3ә

Тоқсандық тақырып:  Қазақстан композиторларының музыкасы                 

Сабақтың  тақырыбы: Бейбітшіліктің ақ құсын әнге қосқан – А.Қ.Жұбанов

Сабақтың  мақсаты:  Қазақ арасынан шыққан алғашқы кәсіби композитордың өмірі мен шығармашылығы туралы білім беріп, әнін үйрету.

Білімділік  мәні : Кәсіби композитордың шығармашылық жолы туралы түсінік беру.

Дамытушылығы: Оқушылардың  кәсіби композиторлардың өмірі мен шығармашылығы туралы танымдарын дамыту, ән иірімдерін дұрыс орындауын дамыту.

Тәрбиелік  мәні: өнерді сүюге, әннің мазмұнын түсініп орындауға тәрбиелеу.

Сабақтың түрі: жаңа сабақ

Сабақтың  әдісі:  СТО, ойын әдісі,   тақырыпты  түсіндіру, әңгімелеу, музыка тыңдау,  ән үйрету, шығармашылыққа  баулу.

                                           Сабақтың  барысы:

Ұйымдастыру кезеңі: Амандасу, түгендеу, психологиялық ахуал тудыру.

Жаңа сабақ: А.Қ.Жұбанов  (1906 - 1968) – қазақ арасынан шыққан алғашқы кәсіби композитор, қазақ музыкасын зерттеуші ғалым, дирижер. Қазақстанның халық әртісі, профессор, академик. Ол Ақтөбе жерінде дүниеге келген. Мектепте жүріп – ақ домбыра, скрипка аспаптарында шебер орындауды меңгереді. Музыкалық білімін Ленинградтағы музыкалық техникумда және консерваторияда жалғастырады.

А.Қ. Жұбанов 1933 жылы Алматы музыкалық драма училищесіне ұстаздық қызметке  келеді. Осы кезден бастап өмірінің соңғы күндеріне дейін ол қазақтың музыка мәдениеті саласында тыным таппастан еңбек етті. Ол халық күйлерін оркестрге лайықтап, нотаға түсірді.

А.Жұбанов қазақ музыкасын күрделі аспаптық симфониялық шығармалармен байытты.  Оның ұлы күйші – композиторлар – Құрманғазы, Дәулеткерей, Сейтек, Тәттімбет, Қазанғап туралы зерттеу кітаптары баршаға таныс.

Композитордың балаларға арналған шығармалары да бар. Ең таныс, көп орындалатын сүйікті әндерінің бірі – «Ақ көгершін». 

Сергіту. 

Шапалақта қолыңды жәй, жәй, жәй

Міне, былай (қолдарын жәй шапалақтайды)

Шапалақта қолыңды тез, тез, тез (тез – тез шапалақтайды)

Алға қарай адымда

Жәй, жәй, жәй

Міне, былай (қолдарымен, аяқтарымен адымды жәй көрсетеді)

Алға қарай адымда

Тез, тез, тез               

Музыкалық сауат.  Музыкадағы дыбыстардың ұзақ немесе қысқа болып айтылуын дыбыс ұзақтығы дейді. Олар музыкада түрлі белгілермен жазылады. Мысалы, ең ұзақ нота бүтін нота  деп аталады. Ол 4 – еуге саналады.

Дауысқа жаттығу.

Ө – нер – ді  үй – рен,     ( До – ре – ми – фа – соль)   

Үй – рен  де жи - рен      (Соль – фа – ми – ре – до)

Ән үйренейік! «Ақ көгершін» А.Жұбанов

Қорытындылау : «Адасқан әріптер» ойыны. «  Ж Ұ Н Б А О В  Х А Е М Т »

Бекіту.

• А.Жұбанов кім?
• Қай жерде дүниеге келген?
• Кәсіби композитор қай жерде білім алған?
• Балаларға арналған қандай әнімен таныстық?
• Бүтін нота деген не?

Қорытынды: «Синкуейн құру»

Үйге  тапсырма: 76 – 77 бет оқу, 78 бет жаттау.                                                                                                        Бағалау