Тақырыбы: Натурал сандардың бөлінгіштігі 9-ға және 3-ке бөлінгіштік белгілері.

Шығыс Қазақстан облысы

Семей қаласы

«№32 ЖОББМ» КММ

Ашимова Кулизат Солтановна

жоғары санатты, математика пәні мұғалімі

Тақырыбы:  Натурал сандардың бөлінгіштігі 9-ға және 3-ке бөлінгіштік белгілері.

Мақсаты:

·       Берілген санның цифрларының қосындысына қарап, оның 3-ке 9-ға бөлінетіндігін ажырата білуге үйрету

∙ берілген мәтін бойынша оқып –үйренгенін жалпылау, сараптау және қорытынды шығару, ойын жинақтау  білігін қалыптастыру;

·        Өзін-өзі бақылау, жауапкершілік сезімін тәрбиелеу; есте сақтау қабілетін, өздігінен ойлауды дамыту, математикалық тілде сөйлеу, ойларын нақтылы сөздермен баяндауды үйрету.

Көрнекілігі:

Слайдтар, ауызша және өздік жұмыстарға арналған тапсырмалар, үлестірмелі кеспелер

Сабақтың типі: аралас

Сабақтың түрі: іздендіру-шығармашылық жарыс сабақ

 Сабақ барысы:

 Ұйымдастыру кезеңі

- Барлықтарыңызға қайырлы күн тілеймін! Бүгінгі сабақта сіздерді көргеніме қуаныштымын! Менің ойымша, әрбіреуіңіз осы сабақтан жаңа бірдеңе үйренем деп қана қуанбай, жаныңызда отырған көршіңізді көргеніңізде де қуаныштысыз деп ойлаймын. Бір-бірімізге күлімдеп қарап, сәттілік тілейік!

Сабақтың жоспарымен таныстырамын.

1. Сыныпты EXCEL программасын қолданып топқа бөлу.

2.Үй тапсырмасын тексеру .Әр топ бірін бірі тексереді. Әр топ спикерлері оқушыларды бағалап отырады. /Слайдта Үй тапсырмасы көрсетіліп тұрады./

3.Берілген мәтінмен таныса отырып жаңа сабақтың тақырыбын анықтау.

4.Ауызша жаттығу орындау /табыс баспалдағы/

5. Есеп шығару /оқулық бойынша/

6.Сергіту сәті.

7. Шығармашылық тапсырма /топ болып орындайды/

8. Сабақты бекіту /Тез әрі жылдам ойыны/

9.Рефлексия жүргізу.

-Сабағымыздың тақырыбын анықтау үшін бәріміз берілген тапсырмамен жұмыс істелік

Тапсырма: Берілген мәтінмен танысу арқылы сабақтың тақырыбын анықта.

1.Цифрларының қосындысы 9-ға бөлінетін натурал сандар 9-ға бөлінеді. Ал цифрларының қосындысы 9-ға бөлінбесе, онда берілген сан 9-ға бөлінбейді.

Мысалы: 76455 саны 9 ға бөлінеді,

СЕБЕБІ: 7+6+4+5+5 = 27 – 9-ға бөлінеді

Мысалы: 51634 саны 9-ға бөлінбейді, СЕБЕБІ: 5+1+6+3+4 = 19 – 9-ға бөлінбейді

2.Цифрларының қосындысы 3-ке бөлінетін натурал сандар 3-ке бөлінеді. Ал егер цифрларының қосындысы 3-ке бөлінбесе,онда берілген сан 3-ке бөлінбейді.

Мысалы: 26583 саны 3-ке бөлінеді,

СЕБЕБІ: 2+6+5+8+3 = 24 – 3-ке бөлінеді

Мысалы: 60421саны 3-ке бөлінбейді,

СЕБЕБІ: 6+0+4+2+1 = 13 – 3-ке бөлінбейді

1. Натурал санның жазылуына қарап 9-ға бөлінетін не бөлінбейтіндігін қалай білуге болады?

2. Қандай натурал сандар 3-ке бөлінеді?

3. Қандай натурал сандар 3-ке де,9-ға да бөлінбейді?

Оқушылар сабақтың тақырыбын анықтап , сабаққа мақсатын қояды.

Слайд арқылы жаңа сабақты бір жүйелеп өтемін.

«Натурал сандардың9-ға және 3-ке бөлінгіштік белгілері»

Ендеше, бәріміз бірігіп осы жоспарды іске асырайық!

Ауызша жұмыс. Миға жаттығу

- Сабағымыздың басында  жаттығу жасайық. Адамның әсемдігі оның ойының, сөздерінің, әрекеттерінің әсемдігінде дейді. Ендеше біз миымызға жаттығулар жасайық.

(табыс баспалдағы ойынын ойнату)

Слайдтағы тапсырмаларды орындату.

Есеп шығару кезеңі /оқулықпен жұмыс/

№627

1. 3-ке бөлінетіндер -123, 342, 561, 672, 873. 948, 1041.

2. 9-ға бөлінетіндер -333, 558, 9468, 576, 891, 7839, 765, 936.

№634

4а+3

3-ке еселік а=3 4∙3+3=15, а=6 4∙6+3=27, а=9 4∙9+3=39

№642

а) 5091, ә) 30042 б) 1710

Сергіту сәті.

«Ойланайық, кім ойшыл»/шығармашылықпен жұмыс /

1-тапсырма

Қоржында 321 асық бар. Ондағы асықтар көк, қызыл және сары түске боялған. Және боялған асықтар саны бірдей. Қоржында неше көк, неше қызыл, неше сары асық бар?

2- тапсырма

Ұлттық ойын көкпар

1 сұрақ. Бұл ақшаны команданың әр ойыншысына тең бөліп беруге бола ма?

А. Бөліп беруге болады. Себебі

В. Бөліп беруге болмайды. Себебі

2 сұрақ Егер бөліп беруге болса, әр ойыншы қанша теңгеден алар еді?

А. Әр ойыншы тең бөліп ала алмайды.

В. Әр ойыншы 8109 теңгеден алады.

  «Тез, әрі жылдам» . / сабақты бекіту/ Слайдтағы тапсырманы орындау.

Рефлекция. «Кемелер»

Сабақты қорытындылау. Топ спикерлерінің бағасын тыңдау. Сынып оқушыларының және жеке балалардың жұмыс сапасын  бағалау.

Үйге тапсырма беру. Қоштасу.

Сабақтың нәтижелілігі: сабақты дәстүрлі емес түрде өткізгенде бағдарламалық материал белсенді түрде игеріледі, балалардың танымдық белсенділігі артып, білімге деген құштарлығы артады, өздігінен жұмыс істеу қабілеті дамиды, шығармашылық белсенділік, логикалық ойлау дамиды.