Ондық бөлшектерді 10;100;1000;. және 0,1; 0,01; 0,001;. сандарына көбейту.

Күні: 26.02.2020жыл.

Мектеп

Ұзақ мерзімді жоспардың тарауы: 5.3В

Ондық бөлшектер және оларға амалдар қолдану.

Мұғалімнің аты-жөні:

Сынып: 5 Ә

Қатысқандар :

Қатыспағандар:

Сабақтың тақырыбы:

Ондық бөлшектерді 10;100;1000;... және 0,1; 0,01; 0,001;... сандарына көбейту.

Осы сабақта қол жеткізілетін оқу мақсаттары (оқу бағдарламасына сілтеме)

5.1.2.29 ондық бөлшектерді 10, 100, 1000 және 0,1; 0,01; 0,001; көбейту ережелерін қолдана алу;

Сабақ мақсаттары

Барлық оқушылар:

Ондық бөлшектерді 10-ға, 100-ге; 1000-ға және 0,1; 0,01; 0,001; көбейту ережелерін қолдана алады.

Оқушылардың басым бөлігі:

Ондық бөлшектерді 10,100,1000 ... және 0,1, 0,01,0,001 ... сандарына көбейту өздігінен есептейді:

Кейбір оқушылар:

Қүрделі есептер шығарғанда ондық бөлшектерді 10, 100, 1000 және 0,1; 0,01; 0,001; көбейту ережелерін қолдануды біледі.

Бағалау критерийі

• ондық бөлшектерді көбейту алгоритмдерін біледі;

-ондық бөлшектерді 10; 100; 1000; ... және 0,1; 0,01; 0,001; ... көбейтуді орындай алады;

Тілдік мақсаттар

Оқушылар:

Ондық бөлшектерге арифметикалық амалдар қолдану алгоритмін түсіндіре алады.

Негізгі сөздер мен тіркестер:

қосу - addition

азайту - subtraction

көбейту- multiplication

бөлу- division

ондық бөлшек – decimal

Сыныптағы диалог/ жазылым үшін пайдалы тілдік бірліктер:

- 10-ға, 100-ге, 1000-ға және т.с.с. көбейту үшін ... керек;

- 0,1-ге, 0,01-ге, 0,001-ге және т.с.с. көбейту үшін ... керек;

- егер ондық бөлшектің соңына бір немесе бірнеше нөлдер тіркеп жазылса ( алып тасталса), онда ...бөлшек шығады;

Құндылықтарға баулу

Оқушылардың бір-біріне деген кұрмет, басқаның пікірін тыңдау, өз пікірін еркін білдіру дағдыларының қалыптасуы бірлескен жұмыс арқылы іске асады. «Ұлы даланың жеті қыры» мақаласын басшылыққа алу.

Пәнаралық байланыс

Ондық бөлшектерге амалдар қолдана білу ғылыми-жаратылыстану бағытындағы пәндер мен экономиканы оқытуда және есептерді ойдағыдай шешуге негіз болады.

АКТ қолдану дағдылары

http://www.bilimland.kz/, интернет-ресурстарды пайдалану

Алдыңғы оқу

Ондық бөлшектерді натурал санға көбейту және бөлу ережесін біледі. Ондық бөлшекті ондық бөлшекке бөлу ережесін біледі.

Сабақ барысы

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Сабақтың басы

Білу.

2мин

3мин

І.Ұйымдастыру кезеңі. Сәлемдесу. Оқушыларды психологиялық дайындау, өзін-өзі реттеу;

Топқа бөлу

Оқушылар тақтада ілінген хабарландырудан өз аттарын тауып үзіп алады. Парақтың артында жазылған атаулар бойынша топтарға бөлінеді.

1-топ «Ондық бөлшектер» тобы

2-топ «Натурал сандар» тобы

3-топ «Жай бөлшектер» тобы

Сабақтың ортасы

(Ойлау дағдысының деңгейі)

Түсіну

Қолдану

12мин

5мин

4мин

10мин

ІІ. Жаңа сабақ. Оқушылармен бірге сабақ мақсаттарын айқындау және сабақ соңында күтілетін нәтижелерді анықтау

Жаңа сабақ ертегілер еліне саяхатқа шығу арқылы түсіндіріледі.

Мұғалім:

- Балалар, сендерге ертегі оқыған ұнай ма? Бүгінгі сабағымызда ертегілер еліне саяхатқа шыққыларың келе ма?

Ендеше, аудио тыңдайық:

Тыңдалым

             - Ерте ерте ертеде Сонау «Ондық бөлшектер» елінде Натурал сан деген ханның Көбейту атты жалғыз қызы бар екен.    

          Бір күні хан саяхатқа кеткен кезде, кішкентай ханшайымды алыс жерде мекендейтін айдаһар ұрлап әкетеді. Жалғыз қызын жоғалтып қатты қайғырған хан:

   “Жалғыз қызымды тауып әкелген

адамға бар байлығымды беремін”

деп еліне жар салып жатыр. Бірақ айдаһарды іздеп тауып, онымен айқасуға ешкімнің күші жетпей жатыр екен. Айдаһарды табу үшін көптеген қиындықтардан өтіп, көптеген тапсырмаларды орындау қажет болыпты. Бағын сынап көрген батырлардың барлығы «ондық бөлшектерді 10,100,1000... және 0,1, 0,01, 0,001... сандарына көбейту» ережесін білмепті.

Біз де осы ережені мұқият түсініп алып, бағымызды сынап көрейік:

          Ондық бөлшекті 10,100,1000... және 0,1, 0,01, 0,001... сандарына көбейту үшін:

Видео

Ережемен таныстық, енді жолға шығуымызға болады.

ІІІ. Сынып жұмысы. Есептер шығару.

Топтық жұмыс: «Тасқа жазылған тапсырма»  

1 топ басшысы жарғы (тапсырма шартын)оқиды. Осы тапсырманы дұрыс орындай алсақ, айдаһардың қамалына апаратын дұрыс жолды табамыз:

Барлық топтарға:

Әр топқа алты есептен беріледі. Оқушылар бірлесе отырып,есепті шығарады және тексеруге келесі топқа береді. Топтар бірін-бірі жұлдызшалар саны арқылы бағалайды. Кері байланыс жасайды.

Жүре-жүре ну орманға кез болдық. Сол орманда бір жалғыз үй тұр. Ол үйде жалмауыз кемпір тұрады екен. Жалмауыз кемпірден айдаһардың қайда тұратыны сұрайық.

     Жалмауыз кемпір: - менің көптен бері шешуін таппай жүрген тапсырмам бар еді. Соны тауып берсеңдер, мен сендерге көмектесемін,- дейді.

«Жалмауыз кемпірдің тапсырмасы».

Жұптық жұмыс: «Қас қағым сәт» - үтірін тап

Сөздердің қазақша және ағылшынша

баламаларын сәйкестендіру арқылы жұптарды

анықтау.

1,83 ×10=18,3 1,03×0,1=0,103

12,085×100=1208,5 275,8×0,01=2,758

7,5492×1000=7549,2 6304,57×0,001=6,30457

Оқушы өз бетімен ойланып көргеннен кейін,жанындағы оқушымен бірігіп, жұпта өз ойларымен бөліседі,есепті шығарады. Есептің жауабын тақтадағы дайын жауаппен салыстырады.«Бір-бірінің арқасын қағу арқылы бағалау» жүзеге асады.

Назар аудару: 1)Үтір қоюға назар аударту.

2) Үтірден кейінгі нөлді жазбау керек екенін ойда сақтау.

Есепті толық шығарып болғанан кейін, жалмауыз кемпір айдаһарға жол сілтеп, оның қамалына кіретін кілттің осы ормандағы ең биік ағаштың

ұшар басында, «алтын сандықтың» ішінде екенін айтады.

«Көмектесіңдер!». Аспанды шырылдап ұшып жүрген құстың балапанының «көмектесіңдер» деген дыбыс естіледі. Ол келесі есептерді шығаруып беруін өтінді.

- Егер біз оған қатесін тауып берсек, бізге ол сандықтың ішінен кілтті алып берер, солай емес пе балалар?!

Қалыптастырушы бағалау. Жеке жұмыс.

Сараланған үш деңгейлі тапсырмалар пайдаланылады. Барлық оқушыға барлық есепті шығару міндеттелмейді. Таңдаулары бойынша тапсырмаларды орындай алады.

І .Қасқырдың тапсырмасы

Есептеңіз:

1) 1,025 × 100 = 2) 81,2 ×0,1 = 3) 125,78×0,001=

Бағалау критерийлері:

Ондық бөлшектерді натурал сандарға көбейте алады.

Дескрипторлар: Білім алушы

Ондық бөлшекті 10,100,1000... және 0,1, 0,01, 0,001...сандарына көбейтеді.

ІІ. Аюдың тапсырмасы

Тік төртбұрыштың ұзындығы 425,17 дм, ені 0,01дм.

 Тік төртбұрыштың ауданын табыңдар?

Дескрипторлар: Білім алушы

1) Тік төртбұрыштың ауданын формуласын еске түсіреді.

2) Көбейтуді орындайды.

ІІІ. тапсырма

Кестені толтырыңыз:

Дескрипторлар: Білім алушы

1. Жүрілген жолдың формуласын еске түсіреді.

2. Көбейтуді орындайды.

Оқушыларға жұмысын сыныпта бағалау және келесі сабақта ІІІ тапсырманы орындаған оқушыларды бағалау.Тапсырманы жинап алып жазбаша бағалау.

5 сынып.Оқулық

Алдамұратова .А.

«www.bilim-all.kz_Білім алл» - ақпараттық агентігі

Олимпиадаға дайындық есептер жинағы. Математика 5-6

Т.А.Алдамұратова.

Сабақтың соңы

4 мин

Рефлексия және кері байланыс

«Қамауды кілтпен ашу» әдісі бойынша кері байланыс жасаймын.

Үйге апсырма:

№936,937есеп, ереже жаттау

Қосымша ақпарат

Саралау – Сіз қосымша көмек көрсетуді қалай жоспарлайсыз? Сіз қабілеті жоғары оқушыларға тапсырманы күрделендіруді қалай жоспарлайсыз?

Бағалау – Оқушылардың үйренгенін тексеруді қалай жоспарлайсыз?

Денсаулық және

қауіпсіздік техникасын сақтау

Топтық, жұптық жұмыстар арқылы оқушыларға өзара қолдау, көмек көрсету жүзеге асырылады және таңдау бойынша сараланған деңгейлі тапсырмалар берілді. Жеке тапсырмалар орындау барысында әлсіз оқушыға түсіну үшін көмек көрсету , мықты оқушыға – бағыттаушы сұрақтар қою. Қабілетті оқушылардан тапсырмалардың барлығы орындалуы немесе аздаған қате жіберіп орындалуы күтіледі.

Оқушылардың қажетті білім-дерін білу мақсатында топтық жұмыс арқылы оқушылардың бірлескен әрекетін бақылау, «жұлдызша,шаршы,үшбұрыш» топтар өзара бағалайды және

жетістіктерін айқындау.

Жұптық жұмыста.«Өзін-өзі бағалау» жүзеге асады.

Әр оқушының оқу мақсатына

жеткендігін анықтау үшін бағалау критерийлері мен дескрипторлар қолдану

Рефлекция

Сыныпты желдету, ноутбук пен ұялы телефон пайдалану ережесін қайталау.

Рефлексия

Сабақ \оқу мақсаттары шынайы ма?

Бүгін оқушылар не білді?

Сыныптағы ахуал қандай болды?

Мен жоспарлаған саралау шаралары тиімді болды ма?

Мен берілген уақыт ішінде үлгердім бе?

Мен өз жоспарыма қандай түзетулер енгіздім және неліктен?

Төмендегі бос ұяшыққа сабақ туралы өз пікіріңізді жазыңыз.

Сол ұяшықтағы Сіздің сабағыңыздың тақырыбына сәйкес келетін сұрақтарға жауап беріңіз.

Қорытынды бағамдау

Қандай екі нәрсе табысты болды (оқытуды да, оқуды да ескеріңіз)?

1:

2:

Қандай екі нәрсе сабақты жақсарта алады (оқытуды да, оқуды да ескеріңіз)?

1:

2:

Сабақ барысында мен сынып немесе жекелеген оқушылар туралы менің келесі сабағымды жетілдіруге көмектесетін не білдім?