Күні:
Сыныбы:6
Пәні: Информатика
Пән мұғалімі: Далабаева А.Н.
Сабақтың тақырыбы: Алгоритм типтері(сызықты, тармақталу және циклдік алгоритмдер)
Сабақтың мақсаты: Алгоритм типтері (сызықтық, тармақталу және циклдік алгоритмдер) тақырыбын түсіндіре отырып, оқушыларды күнделікті өмірдегі әрбір іс-әрекеттерінің алгоритімін құра білуге үйрету.
Білімділік: Оқушыларға алгоритм типтері, яғни сызықтық, тармақталу және циклдік алгоритмдер туралы түсініктеме беру
Тәрбиелік: Оқушыларды ұқыптылыққа және жауапкершілікке тәрбиелеу.
Дамытушылық: Оқушылардың ой-өрісін қалыптастыру, алгоритм жайлы білімдерін толықтыру
Сабақтың түрі: жаңа сабақ
Сабақтың әдісі: топтық жұмыс, жеке жұмыс, практикалық тапсырма орындау, сұрақ-жауап, интерактивті тақта көмегімен түсіндіру
Сабақта қолданылатын көрнекі құралдар: Компьютер, оқулық, интерактивті тақта, презентация, тест, кеспе қағаздар.
Күтілетін нәтиже: Оқушылар алгоритм типтерін үйреніп,оларды ажырата біледі.
Сабақтың барысы:
І.Ұйымдастыру кезеңі:
1. Сәлемдесу, «Шаттық шеңбері» - Алақандағыны сақта
2. Түгендеу
3. Топқа бөлу жасырынған фигуралар арқылы
II. Үй тапсырмасын тексеру
Тест шешкізу арқылы үй тапсырмасын тексеру
III. Жаңа сабақты түсіндіру: (Слайд)
3 топқа алгоритмнің 3 типін бөліп беріп, постер арқылы қорғату. Топтар қорғап болғансоң айтылмаған мәліметтермен толықтыру
Алгоритм блоктардың өзара байланысуына қарай үш құрылымға – сызықтық тармақталу және циклдік түрлерге бөлінеді.
Алгоритм типтері
Циклдік алгоритмдер
Тармақталу алгоритмдері
Сызықты немесе тізбекті алгоритм
Толық түрі алгоритмдері
Толық емес түрі
Сызықтық алгоритм тізбектеле орналасқан командалардан, ал блок-схемалар бір сызық бойына орналасқан тізбекті блоктардан тұрады. Әрекеттердің тізбектей орындалуын сипаттайтын алгоритм – сызықтық алгоритм деп аталады.
Сызықтық алгоритм командалары осында көрсетілген рет бойынша орындалатын тізбектеле орналасқан командалардан (блоктардан) тұрады.
Мысалы, «Үй салу алгоритмі».
1. Қолыңа қара, сары, қызыл, көк, жасыл түсті қарындаштар ал;
2. Үйдің суретін сал;
3. Шатырын қызыл түске боя;
4. Қабырғасын сары түске боя;
5.Терезесін көк түске боя;
6. Есігін жасыл түске боя.
2. Тармақталу алгоритмдері. Тармақталу алгоритмінде көбінесе арифметикалық теңсіздік түрінде берілген логикалық шарт тексеріледі. Егер орындалса, онда алгоритм бір тармақпен жүзеге асырылады да, соңында екі тармақ қайта бірігеді. Мұндай алгоритмдер шартты тексеру немесе тармақталу командасы деп аталады. Оны алгоритмдік тілде өрнектегенде егер, онда, әйтпесе түйінді сөздері пайдаланылады.
Егер көшеде жаңбыр жауып тұрса, онда етік киеміз, әйтпесе туфли киеміз.
жоқ
иә
Туфли киеміз
Етік киеміз
3. Циклдік алгоритмдер. Көптеген алгоритмдерде белгілі бір әрекеттер бірнеше рет орындалады. Математикада, есеп шығару барысында айнымалы мәні өзгеруіне байланысты бір теңдеудің көмегімен бірнеше рет есептеледі. Алгоритмнің белгілі бір бөлігі бірнеше қайталанатын болса, ондай процессті цикл деп атайды. Қайталанатын бөлігі бар алгоритмдер циклдік алгоритм деп аталады. Циклдік алгоритмдер қолдану арқылы программаны қысқа да нұсқа жазуға болады. Қайталану бөлігіне қайталану (циклдік) командалары қолданады. Қайталану саны белгілі немесе белгісіздігіне байланысты циклдар екі түрге бөлінеді. Қайталану саны белгілі болса, ондай цикл арифметикалық, ал егер белгісіз болса, итерациялық деп аталады.
1.Деңгейлік тапсырмалар:
І деңгей тапсырмалары
Апана жұмыртқа қуыруға көмектес, орындау реттілігін көрсет.
1. Газды жақ
Газға табаны қой
Табаға май құй
Жұмыртқаны жар
Жұмыртқаның қабықтарын таста
Жұмыртқаға тұз сеп
Жұмыртқаны 5 минут қуыр.
Газды өшір.
Газға табаны қой
Жұмыртқаны жар
Газды өшір
Жұмырқаға тұз сеп
Жұмыртқаны 5 мин қуыр
Газды жақ
Жұмыртқаның қабықтарын таста
Табаға май құй
ІІ деңгей тапсырмалары
1.Егер күн жауын болса, онда үйде отырамын, әйтпесе, киноға барамын алгоритмінің блок-сызбасын құр.
2. Дорбадағы асықтардың ішінен қызыл асықты табу алгоритмінің блок-сызбасын құрыңдар
ІІІ деңгей тапсырмалары
Z=ах+в формуласы бойынша есептеу
сөздік алгоритмін және блок сызбасын құру.
а-ны х-ке көбейтеміз
Оған в-ны қосамыз
Нәтижені z-ке меншіктейміз.
2. Сергіту сәті. Видео арқылы қимылдар қайталау
IV. Сабақты бекіту.
«Сенемін, сенбеймін» стратегиясы арқылы сабақты бекіту. Кестедегі тұжырымға сенетін болса – қолдарын шапалақтайды,яғни тұжырым дұрыс болса, тұжырым қате болса аяқтарын тоқылдатады.
| Тұжырымдар | «+» -сенемін, «-» сенбеймін |
-
| Алгоритм – берілген есепті шешудегі жасалатын әрекеттердің дәл және қарапайым етіп жазылуы. | |
-
| Алгоритмнің 3 түрі бар | |
-
| Кез келген алгоритм «басы» деген бұйрықпен бітеді. | |
-
| Алгоритмнің тізбектеле орныдалуын циклдік алгоритм деп атайды. | |
-
| Блок-сызбада әр іс-әрекет фигуралардың көмегімен сипатталады. | |
-
| Алгоритм дыбыстық формада беріледі. | |
-
| Блок-сызбада шарт ромб тәріздес фигурада беріледі | |
V. Сабақты қорытындылау
«Аялдама», мұнда 3 топ 3тақырып бойынша қағазға ауысып өз білетіндерін жазады, соңында әр топ өз беттеріне достары жазған мәліметтерді оқып, тақырыпты қорытындылайды.
VI. Үйге тапсырма: §10-11.Алгоритм типтері. Бақылау сұрақтары мен тапсырмалары
VII. Оқушыларды бағалау: Топ басшылары өзінің тобының мүшелерін бағалайды және неге бағалағандарына қысқаша түсінік береді.