Сабақтың тақырыбы: Табиғат құбылыстарын бақылауды ұйымдастыру
Сабақтың мақсаты: 1. Өлі табиғат құбылыстары туралы білімдерін тиянақтау, табиғатты бақылауға деген қызығушылықтарын арттыру.
2. Бірлесе жұмыс істеуге деген ынталарын қалыптастыру.
Күтілетін нәтиже:
1.Өлі табиғатта бақылау жұмыстарын жүргізе алады.
2. Бірлесе жұмыс істеуге үйренеді.
Сабақтың барысы
№1 «Бұлттарды бақылау»
Мұғалім сұрақтары
- Бұлт дегеніміз не?
- Бұлттардың түсі қандай болады?
- Бұлттар неден тұрады? (сан жетпейтін су тамшыларынан немесе мұз түйіршіктерінен)
- Бұлттардың қандай түрлерін білесіңдер? (түйдек бұлттар, шарбы бұлттар, қат – қабат бұлттар, түнерген найзағайлы бұлттар)
- Неге түйдек бұлттар дейміз? (олар аспанда түйдек – түйдек болып тұрады)
- Шарбы бұлттар неге ұқсайды? (ақ ұлпаға, мамыққа, жақсылап аңғарып қарасаң олардан таныс бейнелерді көруге болады)
- Ең үлкен бұлттар қай бұлттар? (түнерген найзағайлы бұлттар)
- Қандай бұлттар жаңбыр әкеледі? (түйдек бұлттар, түнерген бұлттар)
- Бұлттар неліктен аспанда жүреді? (оларды жел қуады)
Зерттеу жұмысы:
Аспандағы қандай бұлттар екенін анықтау. Бір нәрсеге (өлі және тірі табиғатқа жататын) ұқсайтын бұлттарды табу.
Еңбек: Алаңды егу жұмыстарына дайындау. Қоқыстарды жинау, сыпыру.
Қимылды ойын: «Қасқыр қақпан»
Мақсаты: Ойын ережесін түсініп, шартын сақтап ойнауға, ептілікке, алғырлыққа баулу.
Жеке жұмыс: Математикалық жаттығулар
Мақсаты: Тақ және жұп сандарды санай білу дағдыларын жетілдіру.
№ 2 «Желді бақылау»
Бақылау барысы: Мұғалім балаларға жұмбақ жасырады.
Ағаштарды шайқайды
Көзге көрінбейді
Шарлағанда сай – сайды
Бір сәт ерінбейді (Жел)
Мұғалім балаларға айналаны бақылауға, ағаш бұтақтары қалай шайқалып тұрғанын байқауға ұсынады.
Сұрақтар қояды: Желдің қандай түрлері болады? Жел неге соғады?
Атмосферада ауа әртүрлі қызады: жылы ауа жеңіл болады, сондықтан жоғары көтеріледі, ал суық ауа ауыр болады, ол төмен тартылады. Осыдан ауада қозғалыс пайда болады. Желдің күші жылы және суық ауаның температурасының айырмашылығына байланысты.
- Қатты желдің атын ата? (дауыл, құйын, бұрқасын, боран)
- Әлсіз желді қалай атайды? (самал жел деп атайды)
- Желдің ізін көруге болады ма?
Зерттеу жұмысы: Компас арқылы желдің бағытын анықтау.
-Рефлексия Сабақта мен………….1. Білдім
2.Түсіндім
3.Үйрендім
Үйге тап-ма: §4 оқу.
