"Өр рухты Махамбет"

Сабақ жоспары №22

Оқытушы: Алма Нұрқасымова

Пән: Қазақ тілі

Мамандық,топ: МТР-2

Тақырыбы: «Туризм- ел болашағы» (мәтін құру)

Сабақ түрі,өткізу үлгісі: аралас сабақ

Сабақтың мақсаттары:

Білімділігі : «Туризм- ел болашағы» туралы айту, білімдерін толықтыру. Тіл байлықтарын дамыту. Қазақстан табиғаты туралы түсіндіріп, өздерінің ойларын жетілдіру.

Қазақстан табиғаты байлығына деген сүйіспеншіліктерін арттыру.

Дамытушылығы : Білім алушылардың тілін жаттықтыру, сөздік қорын дамыту, сөйлеу мәдениетін қалыптастыру.

Тәрбиелік: Білім алушыларды адамгершілікке, ұлтжандылыққа тәрбиелеу. Оқушылардың болашақ мамандықтарына деген қызығушылықтарын арттыру.

Әдістері: АКТ элементтері, баяндау, дәріс, мәтінмен жұмыс, аударма жұмысы, сұрақ-жауап, жаттығу

Сабақ жабдығы: Интерактивті тақта, презентациялар «Менің мамандығым», фото-коллаж, аудио-жазба, тест парақшалары

Пәнаралық байланыс: Туризмді ұйымдастыру.

Әдебиеттер тізімі:

Негізгі:

1.Ш.Бектуров,А.Бектурова.Қазақ тілі-Алматы:Атамұра,2006

2.М.Шәбжантайқызы.Ана тілім азығым,адастырмас қазығым.Көкшетау,2002

3. Н.Оразақынова,Н.Әміреев,Н.Сапақова.қазақ тілі сөз мәдениеті-Алматы:Мектеп,2006

4. Ж.Адамбаева.,Ф.Оразбаева.,Қ.Оңалбаева.Қазақ тілі-Алматы;Мектеп,2007

5.Б.Құлмағамбетова,У.Туребекова,Г.Ибраева,Қазақ тілі-Алматы:Мектеп-2007

6.С.Дүйсебаев,Г.Байтілеуова.Қазақ тілі-Алматы:Мектеп,2007

Қосымша:

1.Н.Оралбаева,Х.Есенов,К.Хайруллина.Изучаем казахский язык-Алматы:Мектеп-1999

2.Н.Беріков.Қазақ тілі сабақтары-Ақтөбе;Ана тілі,1994

3.Б.Құлмағамбетова,Ж.Елемесова,Қазақ тілін үйренушілерге көмек

4.Г.Байжанова,А.Маймақова,Іс жүргізу –Астана;Фолиант-2007

5.С.Кенжеахметұлы.Жеті қазына-Алматы:Ана тілі,1997

6.С.Қалиева,М.Оразаев,М.Смайылова.Қазақ халқының салт-дәстүрлері-Алматы:Рауан-1994

Сабақтың барысы және уақытының өлшемі

Жаңа сабақ

Туризм-ел болашағы

Жиһангерлiк және саяхатшылық – адамның танымдық көкжиегiн кеңейтетiн, қазiргi замандағы ғаламат мүмкiншiлiгi бар, пайдасы шашетектен келетiн, бiз әлi толық игере алмаған саланың бiрi екендiгi белгiлi. Бүгiнгi туризм, яғни жиһангерлiк және саяхатшылық – бұл мемлекет пен қоғамның экономикалық әлеуметтiк дамуының, тұлғаның жан-жақты қалыптасуының маңызды факторы. Сондықтан туристiк қызмет көрсету нарығында мүдделi министрлiктер мен ведомстволардың, уәкiлеттi органдардың, туристiк компаниялардың, және жеке кәсiпкерлердiң мүмкiншiлiктерiн жұмылдыруға, бiрiктiруге ықпал жасау – Қазақстан Республикасының Туризм және спорт жөнiндегi министрлiгi жұмысының күн тәртiбiнен берiк орын алған. Туризм әлемдiк экономикада басты рөлдiң бiрiн атқарады. Дүниежүзiлiк туристiк ұйымның – ДТҰ деректерi бойынша ол әлемдегi жалпы ұлттық өнiмнiң оннан бiр бөлiгiн, халықаралық инвестицияның 11 пайыздан астамын, әлемдiк өндiрiстiң әрбiр 9 жұмыс орнын қамтамасыз етедi. Туризмнiң қазiргi индустриясы табысы жоғары және серпiндi дамып келе жатқан қызмет көрсетулердiң халықаралық сауда сегменттерiнiң бiрi болып табылады. 2009 жылы халықаралық туризмнiң үлесi экспортқа шығарылатын дүниежүзiлiк табыстың 8 пайызын, қызмет көрсету секторы экспортының 37 пайызын құрады. Туризмнен түскен табыс мұнай, өнiмдерi және автомобиль экспорты табысынан кейiн тұрақты 3 орында келедi мұндай оң үрдiс жаңа мыңжылдықтың бас кезiнде де сақталады деп күтiлуде. Әлемдiк туристiк рыноктың дәстүрлi аудандары өзiнiң рекреациялық сыйымдылығының шегiне iс жүзiнде жеткендiктен, туризмнiң өсуi туристер баратын жаңа аумақтар есебiнен басым  дамитын  болады. Осыған байланысты, Қазақстанның әлемдiк туристiк рынокта өзiнiң лайықты орнын табуға бiрегей мүмкiндiгi бар.Қазiргi туризм еңбекшiлердiң жыл сайынғы ақылы еңбек демалысына шығуымен байланысты, мұның өзi адамның демалуға және бос уақытын өткiзуге негiзгi құқығын тану болып табылады. Ол жеке адамды, адамдар және халықтар арасындағы өзара түсiнiстiктi дамытудың факторына айналды.Дүниежүзiлiк туристiк ұйым сарапшыларының берген бағасына қарағанда, белсендi бет-бейненi айқындау саясатын жүргiзу – туризмдi жылына орта есеппен 2,5 пайызға көбейтуге мүмкiндiк бередi. Бұл халықты жұмыспен қамтуға, бюджеттi толықтыруға, шағын бизнестi дамытуға және туристiк инфрақұрылымды құруға ықпал жасайды. Осындай үрдiстi басшылыққа алған көптеген мемелекеттер, оның iшiнде жоғары дамыған туристiк индустриясы бар, сондай ақ ТМД-ға қатысушы елдердiң бiрқатары бет-бейне қалыптастыру саясатын жүргiзуге қарқынмен кiрiстi. Мәселен, Ресей, Өзбекстан, Қырғызстан және Түркiменстан жыл сайын әлемнiң жетекшi туристiк көрмелерiне қатысып келедi. Сонымен қатар олар көптен берi өз аумақтарында да халықаралық   және   аумақтық   көрмелердi   өткiзудi   қолға   алды.   Мұндай көрмелердi не жәрмеңкелердi өткiзу немесе соған қатысу – мақсат емес, бiрақ отандық туристiк өнiмдi халықаралық нарыққа өткiзу үшiн оның үлкен көмегi бар.

Жаңа сөздер

• Кең – байтақ, ұлан – байтақ жазық – обширная, просторная равнина

• Ойпат – низменность

• Ұласу – продолжаться, следовать друг за другом

• Аймақ – территория, регион, зона, край

• Болашағы, келешегі - будущее

3 - тапсырма. Мына сөйлемдерді қазақ тіліне аударыңыз.

1. На территории Казахстана есть несколько ландшафтных зон: лесостепная, степная, полупустынная, и пустынная.

2. На западе Казахстан граничит с Каспийским морем, на востоке – с Алтаем, а на юге – с высокими Тянь-Шаньскими горами.

3. В Казахстане три крупные реки – Иртыш, Или, Ишим.

4. Западная часть Казахстана равнинная, а восточная – гористая.

5. Великолепны степи и пустыни Казахстана.

6. Климат Казахстана резко континентальный.

7. Природа нашей страны богата и разнообразна: здесь есть озера, реки, горы, пустыни, леса, степи.